Rizky Hanggono
| Rizky Hanggono | |
|---|---|
 | |
| Miyos | 16 Sèptèmber 1980 Jakarta, Indonésia |
| Sisihan | Roro Maheswari Yakti |
Rizky Hanggono lair ing Jakarta, 16 Sèptèmber 1980; umur 45 taun.[1] Ing donyaning hiburan Indonesia, Rizky Hanggono dikenal dadi aktor filem.[1] Rizky miwiti aktingé ing filem kanthi dadi tokoh Lando ing filem Ungu Violet nalika taun 2005.[1] Sadurungé akting, Rizky Hanggono dadi wong kang nduwéni tugas ing mbri layar ing filem-filem TV.[1] Rizky Hanggono iku anak pambarep saka sadulur kang cacahé loro.[1] Rizky iku anak saka pasangan Sutjipto (Kebumen) lan Amalia (Malang).[1] Nalika cilik, Rizky Hanggono urip ing kutha Bandung.[1] Sawisé wong tuwané cerai nalika umuré lagi limang taun, Rizky lan adhike manggon ing kutha Jakarta bareng karo ibu lan mbah putriné.[1] Sawisé lulus saka SMA 28 Pasar Minggu, Rizky nutugaké kuliyah ing D3 jurusan Advertising Fakultas Komunikasi Universitas Indonesia.[1] Rizky Hanggono iku tunggal angkatan karo Tere.[1] Rizky iku seneng marang musik rock klasik.[1] Sawisé kuliyah, Rizky banjur kerja ing tata artistik ing salah sijiné perusahaan filem.[1] Ing kéné iki, Rizky wiwit akting.[1] Wiwitane Rizky kerja dadi staf artistik filem Tusuk Jelangkung lan Buruan Cium Gue ing taun 2001.[1] Saliyané iku, Rizky uga kerja dadi storyboard ing filem Bangsal 13.[1] Nalika taun 2005, Rako Prijanto sutradara Ungu Violet banjur ngajak Rizky akting.[1] Rizky banjur akting karo aktris Dian Sastrowardoyo.[2] Saka filem Ungu Violet iki, jeneng Rizky banjur misuwur.[2] Sawisé main dadi tokoh Lando, Rizky banjur main ing filem Dealova (2005) lan Jomblo (2006).[1] Akting Rizky dadi tokoh Olip ing filem Jomblo langsung nggawé jenengé misuwur.[1]
Kauripan pribadi
[besut | besut sumber]Rizky Hanggono nikah karo Roro Waheswariawati nalika tanggal 9 September 2007.[1]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |