Raymond Apthorpe
Raymond Apthorpe ya iku ahli antropolog saka Luton, Britania Raya kalairan taun 1932. Aphtorpe wis naté sinau ing Durham University taun 1953 lan University of Oxford taun 1957[1]. Ing Oxford Aphtorpe nampa gelar D.Phil. Dhèwèké uga pernah ngelkoni panalitèn lapangan ing Zambia (1957-1961) lan Taiwan (1970-1975). Karya-karya tulisané karo mitrané kang wis diterbitaké ya iku antarané People, Planning and Development Studies: Some Reflections on Social Planning minangka éditor taun 1970, Arguing Development Policy: Frames and Discourses taun 1996, Decentralization in Malawi: Local Governance and Development taun 1995 lan Evaluating International Humanitarian Action: Reflections fron Practitioners[2]. Minangka ahli antropolog kang didhidhik ing Inggris, Apthorpe duwé aliran antropologi sosial. Dhèwèké ngetog ing antropologi pakembangan bebrayan. Dhèwèké uga ngembangaké sosiologi parencanan (sociology of planning and planner). Sanajan ngetog ing antropologi terapan mau, nanging gagasané ora gampang diterapaké. Nanging uga gagasané iku jembar banget ing téori sosial lan sumber-sumber téori mutakhir[1][3].
Rujukan
[besut | besut sumber]- ↑ a b Amit, Vered (2004). Biographical dictionary of social and cultural anthropology. London: Routledge. kc. 14–15. ISBN 020364459X. OCLC 436848672.
{{cite book}}: CS1 maint: date and year (link) - ↑ "Evaluating International Humanitarian Action: Reflections from Practitioners". The University of Chicago Press Books. Diarsip saka sing asli ing 2017-04-25. Dibukak ing 2017-11-06.
- ↑ "Interview with Raymond Apthorpe". University of Cambridge. Dibukak ing 2017-11-06.