Rajungan

Saka Wikipédia, bauwarna bébas basa Jawa
Rajungan
Male P. pelagicus
Klasifikasi èlmiah
Krajan: Animalia
Filum: Arthropoda
Subfilum: Crustacea
Kelas: Malacostraca
Ordo: Decapoda
Infraorder: Brachyura
Kulawarga: Portunidae
Marga: Portunus
Jinis: P. pelagicus
Jeneng binomial
Portunus pelagicus
(Linnaeus, 1758)
Sinonim

Cancer pelagicus Linnaeus, 1758

Rajungan punika nggadhahi nama latin Portunus pelagicus.[1] Rajungan punika kelebet salah setunggaling jinis kepithing ingkang gadhah habitat alami namung wonten ing seganten.[2] Rajungan punika limrahipun dipunpanggihi nalika pasang surut saking Samudra Hindhia saha Samudra Pasifik, saha Timur Tengah dumugi pasisir ing Seganten Mediterania.[2] Rajungan punika limrahipun dipunginakaken kanggé sumber pangan.[2] Rajungan punika reginipun awis.[2] Rajungan langkung remen manggen wonten ing pasir utawi blethok, mliginipun nalika wayah siyang saha mangsa anyep.[2] Rajungan punika pados panganan nalika wayah banyu pasang.[2] Pakananipun rajungan inggih punika organisme kadosta bivalvia, iwak saha alga.[2] Rajungan punika salah setunggaling kewan ingkang saged renang kanthi saé.[2] Rajungan punika nggadhahi sikil ingkang wujudipun tipis lan gépéng.[2] Sikil punika wujudipun kadosta dayung.[2] Ananging bénten kaliyan jinis kepithing sanésipun. Rajungan punika boten kiyat menawi dangu medal saking toya.[2] Béntenipun rajungan kaliyan kepithing inggih punika manggen wonten ing sikil bagéyan mburi.[2] Rajungan gadhah sikil ingkang gépéng, lonjong, saha boten landhep.[2] Sikil punika limrahipun dipunginakaken kanggé nglangi.[2] Rajungan umumipun dipunpanggihi wonten ing segara déné kepithing punika saged dipuningoni.[2] Rajungan nggadhahi cangkang ingkang trotol-trotol kadosta macan tutul.[2] Rajungan nggadhahi daging ingkang langkung legi, saha empuk tinimbang kepithing.[2] Kejawi punika, limbah rajungan ingkang arupi cangkang rajungan saged dipunmanfaataken kanggé prodhuk ingkang awis inggih punika dipunolah dados kitin saha kitosan.[3]

Cathetan suku[besut | besut sumber]

  1. ^ (id)kampus.okezone.com(dipunundhuh tanggal 9 Oktober 2011)
  2. ^ a b c d e f g h i j k l m n o p q (id)id.answers.yahoo.com(dipunundhuh tanggal 9 Oktober 2011)
  3. ^ (id)resources.unpad.ac.id(dipunundhuh tanggal 9 Oktober 2011)


Sumber artikel punika saking kaca situs web: "https://jv.wikipedia.org/w/index.php?title=Rajungan&oldid=1010305"