Prahara

Aksara Latin

ꦗꦮ

Prahara katon ing Sagara Baltik cedhak pulo Öland, Swèdhen.

Prahara (ꦥꦿꦲꦫ) utawa riwut (ꦫꦶꦮꦸꦠ꧀) ya iku kaanan apa baé sing kaganggu ing kupengan alam utawa atmosfèr sawijining badan astronomi. Prahara bisa ditandhani déning ganggon sing pinunjul ing kaanan normal kaya ta angin banter, tornadho, udan ès, gludhug lan bledhèg (prahara bledhèg), tragalan deres (prahara salju, prahara udan), udan jendhel deres (prahara ès), angin banter (siklon tropis, prahara angin), angin sing ngangkud sawènèh dat liwat atmosfèr kaya ta ing prahara wedhi, ing antarané bentuk-bentuk swaca nemen liyané.

Prahara nduwéni uthut mbebayani nyawa lan bandha liwat lèmbak prahara, udan deres, utawa salju sing marakaké banjir utawa dalan ora bisa diliwati, bledhèg, kobongan alas, lan èngèsan angin njejeg lan ndhatar. Sistem kanthi cur-curan udan lan suwé sing pinunjul mbantu nyuda kumerak ing papan-papan sing diliwati. Udan salju deres bisa ngenani kagiyatan rékréasi mirungga lumangsung sing ora mungkin ditindakaké sadurungé, kaya ta dolanan ski lan mobil salju.

Tembung prahara asalé saka basa Sangsekerta prahāra sing tegesé "nyerang, nggebug", déné tembung riwut asalé saka basa Jawa Kuna riwut sing tegesé "ububan angin, aliwawar, prahara, peteng".

Prahara kawujud nalika pusat petekan cendhèk akembang kanthi sistem petekan dhuwur ing saubengé. Gabungan gaya sing lumawanan iki bisa ngasilaké angin lan njalari pambentukan méga prahara kaya ta kumulonimbus. Tlatah apetekan cendhèk sing cilik lan saenggon bisa kabentuk saka hawa panas sing munggah saka lemah sing panas saèngga njalari ganggon sing luwih cilik kaya ta useran lebu lan lésus.

Gladri

• 
  Bledhèg sing ana ing jeroné méga njalari kabèh limputan dadi padhang.
• 
  Prahara High Desert nyedhak nalika srengéngé angslup.
• 
  Prahara gedhé sing digawa déning Prahara Tropis Sanvu sing nemen ing Hong Kong.
• 
  Kakuwatan prahara mangsa atis Atlantik Lor Beaufort 9 nyababaké glombak sing dhuwur banget.
• 
  Glombak prahara teka njejer saka sisih tengen nyababaké banyu ing gladhag.

Deleng uga

• Prahara antisiklonik
• Prahara baita
• Hurikan Atlantik
• Siklon
• Prahara wedhi
• Swaca kaladuk, dhaptar prahara masajarah lan swaca kaladuk liyané
• Prahara géomagnétik
• Prahara bentèr
• Nor'easter
• Prahara sampurna
• Prahara kenyut
• Prahara uyah
• Prahara sigar
• Prahara gedhén
• Tornadho
• Siklon tropis
• Hiperkan

Pranala njaba

• Chisholm, Hugh, èd. (1911). "Storm" . Encyclopædia Britannica (ing basa Inggris) (édhisi ka-11). Cambridge University Press.
• Médhia magepokan Storms ing Wikimedia Commons
• Dhéfinisi bausastra saka prahara ing Wikisastra
• Cuplikan magepokan Prahara ing Wikicuplik