Pirantel

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Struktur kimiya pirantel

Pirantel ya iku sawijining obat cacing utawa obat anti-cacing. Obat iki nyegah cacing urip ing awak manungsa. Pirantel dipigunakaké kanggo ngobati infeksi sing disebababaké cacing kaya ta cacing kremi (Enterobius vermicularis), cacing tambang (Ancylostoma duodenale utawa Necator americanus) lan cacing gelang (Ascaris lumbricoides). Masiyo mangkono obat iki ora mandi kanggo cacing pecut (Trichuris trichiura). Pirantel nglumpuhaké cacing saéngga cacing kasebut bisa kawetu nalika ngising.[1]

Wujud[besut | besut sumber]

Ana manéka werna wujud saka obat iki kaya ta:

  • Bubuk
  • Cuwèran utawa suspènsi
  • Tablèt

Dhosis[besut | besut sumber]

Aturan ngombé pirantel ya iku:

Tablét 125 mg[besut | besut sumber]

  1. Dhiwasa lan bocah luwih saka 12 taun: sepisan ngombé 3-4 tablét.
  2. Bocah sangisoré 12 taun: sepisan ngombé 1-2 tablét.

Tablét 250 mg[besut | besut sumber]

  1. Dhiwasa lan bocah luwih saka 12 taun: sepisan ngombé 1-2 tablét.
  2. Bocah sangisoré 12 taun: sepisan ngombé ½-1 tablét.

Cuwèran utawa suspènsi[besut | besut sumber]

  1. Dhiwasa lan bocah luwih saka 12 taun: sepisan ngombé 3-4 sendhok taker.
  2. Bocah sangisoré 12 taun: sepisan ngombé 1-2 sendhok taker.[2]

Cara nganggo[besut | besut sumber]

Pirantel bisa dikonsumsi kanthi cara rutin saben 6 sasi sepisan.[3] Pirantel kudu digunakaké kaya sing diresèpaké dhokter utawa sing dianjuraké ing label kemasan. Nalika ngombé pirantel, luwih becik nganggo banyu segelas kebak. Pirantel bisa diombé nalika madhang utawa tanpa madhang.

Ing wujud cuwèran utawa suspesi, pirantel diocak-ocak luwih dhisik. Sakwisé iku diombé nganggo sendhok taker, pipet, utawa gelas taker sing ana pangukuré supaya pener anggoné ngombé lan jumbuh dhosisé. Obat iki ora mbutuhaké obat pencahar utawa pasa sakwisé ngombé.

Menawa ana sawijining kulawarga sing kena infeksi cacingen, pawongan ing kulawarga iku kemungkinan gedhé uga kena infeksi cacingen.[4] Prastawa iki kadadeyan amarga cacing cepet banget anggoné nular mawa cedhak karo wong liya. Supaya cepet mari anggoné infeksi cacingen, kolah utawa jedhing kudu sregep anggoné ngresiki, sandhangan, andhuk, lan seprei kudu dikumbah.

Cara nyimpen[besut | besut sumber]

Obat iki prayogané disimpen ana ing hawa ruwang. Obat iki diadohaké saka sunaring srengéngé langsung lan papan panggonan sing ampeg. Pirantel aja didèlèh ing kolah utawa jedhing lan lemeri ès utamané ing freezer. Saben mèrék nduwéni paugeran anggoné nyimpen obat iki. Gatèkaké prèntah nyimpen ing wungkusé.

Pirantel iki luwih becik diadohaké marang obat liya utamané sing ambuné sengak. Adohaké obat iki marang bocah cilik lan uga kewan ingon-ingon. Aja mbuwang obat iki menyang pecerèn kolah. Sadurungé migunakaké pirantel, kudu ndeleng tanggal kadaluwarsa ing ana ing wungkusé. Menawa wis kliwat tanggal kadaluwarsa, luwih becik diguwak. Anggoné mbuwang iki ora kena sembrana.

Èfèk samping[besut | besut sumber]

Panganggonan pirantel kadhang kala nimbulaké èfèk samping saka panganggonan obat iki kaya ta:

  • Lambé bengkak.
  • Ilat bengkak.
  • Rai bengkak.
  • Seseg nalika ambegan utawa mengi.
  • Panutupan gurung.
  • Gatel-gatel sakabehing awak utawa ing pérangan awak tartamtu.

Ana uga èfèk samping sing luwih parah kaya ta:

  • Mukok-mukok
  • Kram weteng
  • Méncrèt
  • Ora napsu mangan
  • Mumet
  • Ngantuk
  • Insomnia utawa ora bisa turu nalika wengi.
  • Ruam arupa abang-abang ing kulit.

Ora kabéh wong nglakoni èfèk samping kang kaya mangkono. Saben wong beda-beda. Pirantel ora entuk dipigunakaké marang panganan lan ombénan tertamtu. Ngonsumsi tembako lan ombénan ciu utawa sing ngandhut alkohol uga nyebabaké interaksi ala.

Panyegahan lan Pangèlingan[besut | besut sumber]

Sadurungé migunakaké pirantel, prayogané rembugan karo dhokter babagan kahanan sing lagi ditandang.

Kahanan sing kudu ngati-ati anggoné migunakaké pirantel kaya ta:

  • Wong sing lagi mbobot.
  • Wong sing lagi nyusoni bayi.
  • Bocah cilik sing umuré kurang saka rong taun.
  • Wong sing naté alèrgi marang pirantel.
  • Wong sing duwè lelara ati.[5]

Rujukan[besut | besut sumber]

  1. Setyana, Michael Kevin Robby (2019-03-26). "Cara Minum Obat Cacing yang Benar". Alodokter. Dibukak ing 2020-01-30.
  2. "Combantrin". Alodokter. 2019-12-18. Dibukak ing 2020-01-30.
  3. "Jangan Takut Cacingan, Main di Tanah Aman". Detik. 2010-07-08. Dibukak ing 2020-01-30.
  4. Samiadi, Lika Aprilia (2019-12-31). "Pyrantel". Hello Sehat. Dibukak ing 2020-01-30.
  5. "Pirantel Pamoat". Badan Pengawas Obat dan Makanan. Dibukak ing 2020-01-30.