Pidihan atmosfer

Pidihan atmosfer, uga diwanuhi kanti aran pidihan hawa, tekanan atmosfer, utawa tekanan udara , yaiku pidihan sing ana ing atmosfer bumi. Bebakon atmosfer (cihna: atm) yaiku ekan saka pangukuran iki sing gunggungé 101,325 Pa (1,013.25 hPa), sing padha karo 1.013,25 milibar, 760 mm Hg, 29,9212 inci Hg, utawa 14,696 psi. Ekan atm kira-kira padha karo rata-rata pidihan atmosfer ing lumah sagara ing Bumi. Kanthi tembung liya, pidihan atmosfer bumi ing lumah sagara kira-kira 1 atm.

Ing akèh kahanan, pidihan atmosfer asring nyedhaki pidihan hidrostatis jalaran boboté hawa ana sandhuwuré cecek pangukuran. Nalika kadhuwuran (elevasi) mundhak, bobot atmosfir dadi luwih sithik, mula pidihan atmosfir saya mudhun bebarengan karo papan sing saya dhuwur. Yen dibanding yari-yari utawa radhius Bumi, atmosfer Bumi iku kalebu tipis. Utamané lapisan atmosfer padhet ing papan sing dumunung ing garis luwur (altitude) cendhak. Mulané kakebatan gravitasi (percepatan gravitasi) bumi minangka fungsi saka garis luwur bisa dianggep konstan lan ora menehi prabawa akèh. Pidihan ngukur gaya saben ekan area, kanthi ekan SI-né yaiku pascal (1 pascal = 1 newton saben meter pasagi, 1 N/m²). Rata-rata, kolom hawa kanthi jembar malintang 1 sentimeter pasagi (cm²), dipetung saka rata-rata lumah sagara nganti pucuk atmosfer bumi, ndarbé massa kira-kira 1,03 kilogram lan menehi gaya utawa "bobot" kira-kira 10,1 newton, ngasilaké pidihan 10,1 N/⁰ cm. kN/m² (101 kilopascals, kPa). Kolom hawa kanthi jembar malintang 1 in² bakal duwé bobot sawatara 14,7 lbf, lan ngasilaké pidihan 14,7 lbf/ing ².