Bangsa Fenisia

Saka Wikipédia Jawa, bauwarna mardika basa Jawa
(Kaelih saka Phoenicians)
Peta Fenisia/Kanaan

Bangsa Fenisia (utawa Funisia/Punisia; Walanda: Fenicië, Inggris: Phoenicia) iku bangsa sing urip ing tlatah Wétan Tengah, utawa saiki ing Libanon & Suriah sing wujud tlatah pasisir sagara.

Bangsa Fenisia misuwur kanthi sebutan “middlemen” ya iku saklompok wong sing nggawa sawijining barang ing sawiji nagara menyang nagara liya. Malah bangsa iki uga sing nepungaké papyrus menyang nagara liya. Bangsa iki uga gawé sawijining kapal sing unik, sing misuwur banget, kapal iku duwé layar lan uga dhayung, lan ing bag ngarep kapal, ana wangun ndhas naga. Layar mau fungsiné kanggééo ngobahaké kapal nalika angin semiyut, banjur dhayung iku gunané kango ngobahaké kapal nalika angin ora semiyut, lan mesthi waé dhayung mau diobahaké déning manungsa. Siji manèh, ing njero kapal ana akèh kargo. Kargo mau minangka barter, ana akèh barang-barang kanggo diijolaké, lan jaréné bisa uga kanggo nglebokaké batur tukon sajeroning kargo. Ing wektu iku bangsa iki wis wiwit migunakaké kayu cedar kanggo gawé kapal.

Bangsa Fenisia duwé telu kutha wigati, utawa peneré 4 kutha wigati, sanajan siji kutha mau ana ing Tunisia, ya iku Kartago, kutha dagang. Ing kana wong-wong Fenisia dagang. Banjur 3 kutha wigati liyané ya iku Tirus, Sydon, lan Byblos. Sing saiki isih ana ing Libanon, sanajan wis ngalami akèh owah-owahan. ing Byblos bangsa iki yasa pelabuhan sing gedhé banget.

Banjur kasugihan alam sing diduwèni bangsa Fenisia ing antarané, alas wit aras. Kayu saka wit aras kuwat banget, saéngga bangsa iki gawé kapal kanthi migunakaké kayu saka wit aras. Saliyané iku bangs aiki uga duwé laut sing wiyar banget.

Bangsa iki nemu sajinis cet awerna ungu sing asalé saka murex, cet iki larang banget nganti mung bangsawan sing bisa tuku. Cet iki uga dièkspor menyang nagara liya. Saliyané iku, bangsa iki uga gawé sajinis kaca saka sajinis pasir. Lan bangsa iki uga gawé perhiasan, ing antarané anting-anting lan kalung.