Peruté

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Peruté

Peruté utawi wonten ing basa Inggris kawéntar kanthi nama Router menika kalebet salah satunggaling piranti jaringan komputer ingkang ngirim paket data liwat jaringan utawi internèt kanggé ingkang dipuntuju, nglampahi proses ingkang kawéntar kanthi sebutan routing.

Proses peruté menika kadadéan wonten ing lapisan 3 inggih menika lapisan jaringan kados Internet Protokol saking stack protokol pitung laping OSI.

Peruté utawi router menika ginanaipun kanggé ngubungaken kalih utawi langkung jaringan kanggé nglajengaken data saking jaringan ingkang satunggal dumugi jaringan sanèsipun. Router menika béda kaliyan switch. Amargi switch menika kanggé ngubungaken piranti supados ndhapuk Local Area Network utawi LAN [1].

Minangka gambaran bédanipun fungsi router lan switch kalebet dalanan, router menika kalebet penghubung antar dalan. Saben griya mapan wonten ing alamat kanthi urutan tartamtu. kanthi cara ingkang sami switch ngubungaken piranti ingkang saben piranti gadhah alamat IP piyambak wonten ing satunggaling LAN.

Router kathah kaginakaken wonten ing jaringan kanthi dhasar teknologi protokol TCP/IP lan router ingkang jinis menika dipunwastani IP Router. Kejawi IP Router wonten malih AplleTalk Router lan sanès-sanèsipun. Internet menika salah satunggaling tuladha utami saking jaringan ingkang kagungan kathah IP. Router saged kaginakaken kanggé ngubungaken kathah jaringan alit dhateng jaringan ingkang langkung ageng ingkang kawastanan internetwork. Utawi kanggé merang jaringan ingkang ageng dhateng subnetwork supados ningkataken kinerja lan nggampilaken manajemenipun.

Router ugi saged kanginakaken kanggé ngubungaken kalih jaringan kanthi media sanes. Kadosta router wireless ingkang padatanipun saged ngubungaken komputer kaliyan radio, lan ugi ndukung hubungan komputer kanthi kabel UTP utawi ingkang sanès aristektur jaringan kados Ethernet dhateng Token Ring.

Router ugi saged kaginakaken kanggé ngubungaken LAN dhateng satunggaling layanan telekomunikasi kados telekomunikasi leased line utawi Digital Subscriber Line DSL. Router ingkang kaginakaken saking LAN dhateng koneksi leased line kados T1 utawi T3 asring dipunarani access server. Kejawi menika router ingkang kaginakaken kanggé ngubungaken jaringan lokal dhateng koneksi DSL dipunwastani DSL router.

Router-router jinis kasebut padatanipun gadhah fungsi firewall kangge napis paket adhedhasar alamat sumber lan alamat tujuan paket kasebut. Ananging wonten ugi router ingkang boten gadhah menika. Router ingkang gadhah fitur napis paket dipunwastani packet-filtering router. Padatanipun router mblokir lajeng lintas data ingkang kapancar kanthi cara broadcast saéngga saged nyegah broadcast strom ingkang saged ngganggu kinerjaning jaringan.

Jinis Peruté[sunting | sunting sumber]

Kanthi umum peruté menika kapérang dados kalih jinis, inggih menika :

  • Static router utawi peruté statis : inggih menika peruté ingkang gadhah tabèl routing statis ingkang dipunatur kanthi manual déning administrator jaringan.
  • Dynamic router utawi peruté dinamis : inggih menika peruté ingkang gadhah dab ndamel tabèl routing dinamis kanthi mirengaken lalu lintasing jaringan lan ugi gadhah ubungan kaliyan router sanèsipun[2] .

Cathetan suku[sunting | sunting sumber]

  1. ^ [1], Fungsi router dalam jaringan komputer (dipun-akses tanggal 03 November 2012).
  2. ^ [2], Router (dipun-akses tanggal 03 November 2012).
Sumber artikel punika saking kaca situs web: "http://jv.wikipedia.org/w/index.php?title=Peruté&oldid=835184"