Patrik Berger
 Patrik Berger dadi Tamu ing Fanfest Piyala Donya Ruslan 2018 | |||||||||||||||
| Katerangan priangga | |||||||||||||||
|---|---|---|---|---|---|---|---|---|---|---|---|---|---|---|---|
| Jeneng dawa | Patrik Berger | ||||||||||||||
| Tanggal lair | 10 Novèmber 1973 | ||||||||||||||
| Papan lair |
Prague,  Républik Céko | ||||||||||||||
| Dhuwur | 6 ft 1 in (1.85 m) | ||||||||||||||
| Posisi main | Swiwi kiwa, Glandhang serang | ||||||||||||||
| Karir nom | |||||||||||||||
| 1989–1991 | Sparta Praha | ||||||||||||||
| Karir sénior* | |||||||||||||||
| Taun | Tim | Main | (Gul) | ||||||||||||
| 1991–1995 | Slavia Prague | 90 | (24) | ||||||||||||
| 1995–1996 | Borussia Dortmund | 27 | (4) | ||||||||||||
| 1996–2003 | Liverpool | 196 | (35) | ||||||||||||
| 2003–2005 | Portsmouth | 52 | (8) | ||||||||||||
| 2005–2008 | Aston Villa | 29 | (2) | ||||||||||||
| 2006–2007 | → Stoke City (silih) | 7 | (0) | ||||||||||||
| 2008–2010 | Sparta Praha | 23 | (6) | ||||||||||||
| Gunggung | 376 | (72) | |||||||||||||
| Tim nasional | |||||||||||||||
| 1994 | Républik Céko U21 | 1 | (3) | ||||||||||||
| 1993 | Cékoslovakia | 2 | (0) | ||||||||||||
| 1994–2001 | Républik Céko U21 | 42 | (18) | ||||||||||||
Pangaji
| |||||||||||||||
|
* Gunggung main lan gul ing klub sénior tumrap liga dhomèstik iki mligi. | |||||||||||||||
Patrik Berger yaiku salah sawijining pamain kang gawé sengsem jagat bal-balan donya nalika anané gelaran Piyala Éropa utawa Euro taun 1996 ing Inggris. Dhèwèké pamain bal-balan aguna kang asalé saka Rèpublik Céko, lair kutha Praha surya 10 Novèmber 1973. Berger dadi angkatan emas pamain-pamain Céko kang makarya ing tatar paling dhuwur bal-balan Éropa saliyané Karèl Poborsky, Vladimir Smicer lan Jan Koller. Patrik Berger duwé dedeg 185 cm lan migunakaké sikil kiwa kanggo sikil karosané sarta pamain kang mapan ana posisi bèg kiwa utawa swiwi kiwa.[1] Dhèwèké kawentar minangka pamain legendha Liverpool FC, dhèwèké tansah diéling-éling déning panjurung Liverpool amarga duwé tendhangan sikil kiwa jarak adoh kang gegirisi lan pamain kang ngirim operan dadi gol marang Michael Owen ing final Piyala FA 2001 lumawan Arsenal F.C. ing Stadhion Millenium, Cardiff kang mutusaké pènsiun surya 1 Januari 2010.[2][3]
Karir[besut | besut sumber]
Sadawané karir ing jagad bal-balan bawana biru, Berger kapétung wis kaping pitu béla klub-klub ing nagara Céko, Jérman, lan Inggris. Pathokan suksèsé yaiku nalika ing Liverpool saka taun 1996-2003.
Liverpool FC[besut | besut sumber]
Pindhahé Berger Menyang Liverpool saka Borussia Dortmund ora mung jalaran kurang gathuke kalawan palatihé nalika iku Ottmar Hitzfeld, Berger didèlèh ing posisi glandhang bertahan kang ora disenenginé. Nanging saliyané kuwi pindhahé dhèwèké menyang klub ing pinggir kali Mersey kasebut amarga daradasih utawa ngimpi kang dadi kasunyatan. Berger nambahi akèh werna ing klub Liverpool kang sadurungé mung diisi pamain-pamain saka dharatan Britania Raya: Irlandia lan Wales pamain-pamain kasebut ing antarané Stig Inge Bjornebye lan kiper cadhangan Joergen Nielsen kajaba kuwi uga ana pamain saka wewengkon Skandinavia kang wis lumrah kanggo warga Inggris amarga gaya mainé mèh mèmper, nanging Berger béda banget. Tekané Berger nambahi werna bawana ing kubu Liverpool lan dipapag kanthi rasa bungah, nanging awang-awang duwé karir kang gampang ora dilakoni kanthi gampang ing mangsa pramusim dhèwèké malah nandhang cidra lan ndadèkaké pepalang kanggo Berger nglakoni dhebut menangi Liga Primèr Inggris. Senajan mengkono, taun kapisanné dilakoni cukup nengsemaké, bisa nyithak rong gol menyang gawang Leicester City lan Chelsea FC buktèkaké manawa Liverpool ora kliru nuku dhèwèké. Gol-gol kang duwé ciri mirunggan yaiku nendhang bal saka kadohan manganggo sikil kiwa menyang pojok gawang mungsuh kaya-kaya sepélé kanggo dhèwèké kamangka bab kuwi dudu perkara gampang. Nanging mangsa-mangsa éndah ora bisa terus dirasakaké déning Berger jalaran kober ora cocog kalawan juru latih Liverpool nalika iku, Roy Evans satémah ngurangi menit mainé ing Liverpool. Bejan kanggo Berger pangganti Roy Evans yaiku Gerard Houllier isih percaya marang dhèwèké, bareng juru latihh saka Prancis kasebut Berger nutup mangsa 1999-00 kanthi nyithak 9 gol semusim.[4]
Bebungah[besut | besut sumber]
Képriyé-képriyéa Patrik Berger diakoni déning pandhemen Liverpool dadi salah sawijining legendhané kang bisa ngangkat préstasi tim menyang péntas internasional liwat sumbangan treble gelar-gelar ing tanah Inggris lan Éropa.
- Bundesliga Jérman 1995-96.[5]
- Piyala Super Jérman 1995-96.[5]
- Piyala Uefa 2000-01.[5]
- Piyala Super Éropah 2000-01.[5]
- Charity Shield 2001.[5]
- Piyala FA 2001.[5]
- Piyala Liga Inggris 2001.[5]
- Piyala Liga Inggris 2003.[5]
- Piyala Céko 2009-10.[5]
Rujukan[besut | besut sumber]
- ↑ Liga Inggris, Admin. "Deleng Pamain Patrik Berger (saka Basa Inggris)". Premier League. Dibukak ing 2021-01-17.
- ↑ Transfermarkt, Admin (2010-01-07). "Profil Pamain Patrik Berger (saka Basa Inggris)". Transfermarkt. Dibukak ing 2021-01-17.
- ↑ Kopites, The. "Patrik Berger Pamain Jaman Biyèn (Saka Basa Inggris)". Liverpool FC. Dibukak ing 2021-01-17.
- ↑ Nugroho, Aditya (2017-11-10). "Patrik Berger lan Carita Mongkoge Bélani Liverpool (saka Basa Indonésia)". Tribe Indonesia. Dibukak ing 2021-01-17.
- ↑ a b c d e f g h i Transfermarkt, Admin (2010-01-10). "Gelar-gelar Patrik Berger (saka Basa Inggris)". Transfermarkt. Dibukak ing 2021-01-17.