Pasisir Drini

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Koordhinat: 8°08′18″S 110°34′39″E / 8.1384509°S 110.577522°E / -8.1384509; 110.577522

Pasisir Drini ing GunungKidul

Pasisir Drini ya iku salah sawijiné obyek wisata kang mapan ing Désa Ngestirejo, Kacamatan Tanjungsari,Gunungkidul, Yogyakarta ya iku sisihe wétané pasisir Baron lan jarake udakara 1 km mangetan Pasisir Sepanjang. Nanging jarak sejatine kang kudu tinempuh tumuju pasisir iki ya iku 60 km utawa udakara 2-3 jam saka Kutha Ngayogyakarta. Infrastruktur tumuju Pasisir Drini lumayan alus, sanajan dalan mlebune menggak-menggok. Pasisir drini minangka pasisir kang langsung adep-adepan karo Samudra Hindia. Pasisir pereng pasisir kang lumayan curam udakara 10 drajat lan minangka péranganing Wonosari kang kang akèh watu karst-e saka Gunungsewu. Pasisir iki durung akèh dijamah wisatawan lokal utawa asing, jalaran mapane ing laladan kapencil. Saéngga, Pasisir Drini iki dikenal kanthi jeneng Pasisir Perawan. Sesebutan iki digunakaké déning masarakat jalaran hananan pasisir Drini kang isih resik, hawane adem, banyune kang atis, lan pasir putihe kang mikat ati lan ilinan banyune kang ora seganas Pasisir Parangtritis. Pasisir iki duwé sawijining tebing gedhé kang mapan ing tengahing pasisir lan mbagi pasisir iki dadi rong sisih, ya iku sisih kulon lan sisih wétan.

Asal Mula[besut | besut sumber]

Jeneng drini iki jare asalé saka tuwuhan kang duwe jeneng elmiyah Pemphis acidula. Biyèn, ing panggènan iki akèh wit drini kang jarene kayune bisa digunakaké minangka penangkal racun ula mawa wisa.