Panthéon, Roma

Saka Wikipédia Jawa, bauwarna bébas abasa Jawa
Panthéon, Roma

Pantheon ya iku sawijining yasan kang dikonstruksekake ing taun 27 SM minangka kuil kang duwéni wujud bunder kan ana ing pusat kutha Roma.[1][2] Pembangunan kuil iki rampung ing mangsa pamaréntahan Kaisar Hadrian (118 SM-28 M) ing taun 126 M.[1] Hadrian yasa kuil iki kanggo sesembahan marang déwa-déwa Romawi.[2] Jeneng Pantheon asalé saka basa Yunani kang ateges Omahe Kabèh Déwa.[1] Kuil iki digunakake minangka gréja saka taun 609 nganti 1885 banjur dadi gréja lan kanggo kuburane pahlawan nasional Italia.[1] Tokoh-tokoh misuwur kan dikubur ing kono ya iku Raja Emmanuel I lan pelukis Renaissance, Raphael.[1]

Sajarah[besut | besut sumber]

Struktur yasan Pantheon iki wis digunakake suwéné punjul 1800 taun.[3] Wiwitane, panggonan iki digunakae kanggo muja 7 déwa Romawi saka 7 planet kanthi gaya Greco-Romawi.[4][5] Jnenge asalé saka basa Yunani "Pantheion" kang ateges Omahe Kabèh Déwa.[5] Pembangunane diprakarsai déning Marcus Vipsanius Agrippa, ssawijining jenderal Romawi mantune Kaisar Agustus saka taun 27 – 25 SM kanggo mengeti menange pasukan Octavian nalika Pertempuran Actium tanggal 2 September 31 SM karo pasukan Mark Anthony lan Cleopatra.[4] Ora dingerteni sapa arsitek kuil iki, nanging kira-kira Apollodorus saka Damaskus.[5] Nanging ing taun 80 ngalami kobongan lan kang isih sisa mung yasan tiang portico (èmpèr ngarep).[4] Hadrianus ndandani Pantheon ya iku ing taun 118-125 lan nambahi yasan kang bentuke bunderan (rotunda) kanthi rancangan Septimius Severus lan Caracalla.[5]

Cathetan suku[besut | besut sumber]

  1. ^ a b c d e World Book Encyclopedia - P. World Book, Inc. 2006. ISBN 0-7166-0106-0. 
  2. ^ a b Steven, Mark A (2000). Merriam Webster's-Collegiate Encyclopedia. Merriam Webster, Inc , Springfield, Massachusetts. ISBN 0-87779-071-5 Priksa gandra |isbn= (pitulung). 
  3. ^ Roman Architecture - The Pantheon, oldandsold. Diundhuh tanggal 10 Mèi 2010.
  4. ^ a b c Roman Pantheon Architecture, buzzle. Diundhuh tanggal 10 Mèi 2010.
  5. ^ a b c d [1] italian-architecture Diundhuh tanggal 10 Mèi 2010