Naraguna:Mahali syarifuddin/Kothak wedhi
Sampel teks aksara Jawa dengan alih aksara secara kasar ke aksara Latin di sampingnya.
Contoh 1. Serat Rangsang Tuban[besut | besut sumber] | ||
| ꧋ ꦱꦼꦫꦠ꧀ꦫꦁꦱꦁꦠꦸꦨꦤ꧀ | Serat Rangsang Tuban | |
| ꧋ ꦱꦼꦫꦠ꧀ꦫꦁꦱꦁꦠꦸꦨꦤ꧀ ꦚꦫꦶꦪꦺꦴꦱ꧀ꦱꦏꦼꦤ꧀ꦭꦭꦩ꧀ꦥꦃꦲꦤ꧀ꦤꦶꦥꦸꦤ꧀ꦦꦔꦺꦫꦤ꧀ꦏꦏꦭꦶꦃꦲꦶꦁꦤꦒꦫꦶꦠꦸꦨꦤ꧀ ꦲꦗꦸꦗꦸꦭꦸꦏ꧀ꦱꦁꦦꦔꦺꦫꦤ꧀ꦮꦫꦶꦃꦏꦸꦯꦸꦩꦱꦂꦠꦯꦁꦦꦔꦺꦫꦤ꧀ꦲꦢꦶꦦꦡꦶꦲꦟꦺꦴꦩ꧀ ꦮꦂꦰ ꦏꦸꦯꦸꦩ꧈ ꦔꦤ꧀ꦠꦺꦴꦱ꧀ꦱꦠꦩꦠ꧀ꦠꦶꦁꦕꦫꦶꦪꦺꦴꦱ꧀꧈ ꦥꦼꦛꦶꦏ꧀ꦏꦤ꧀ꦱꦏꦶꦁꦱꦼꦫꦠ꧀ ꦮꦺꦢ꧀ꦝꦥꦫꦪ꧈ ꦲꦁꦒꦶꦠ꧀ꦠꦤ꧀ꦤꦶꦥꦸꦤ꧀ꦲꦼꦩ꧀ꦦꦸꦩꦤ꧀ꦤꦼꦃꦓꦸꦤ꧀ꦤꦲꦶꦁꦤꦒꦫꦶꦭꦩꦺꦴꦁꦔꦤ꧀ | Serat Rangsang Tuban, nyariyosaken lalampahanipun pangéran kakalih ing Nagari Tuban, ajujuluk Sang Pangéran Warih Kusuma sarta Sang Pangéran Adipati Anom, Warsa Kusuma, ngantos satamating cariyos. Peṭikan saking Serat Wédḍaparaya, anggitanipun Empu Manehguna ing Nagari Lamongan, | |
| ꦏꦲꦁꦒꦶꦠ꧀ꦢꦺꦤ꧀ꦤꦶꦁ | kaanggit déning | |
| ꦏꦶꦦꦢ꧀ꦩꦯꦸꦱꦱ꧀ꦠꦿ꧈ | Ki Padmasusastra, | |
| ꦠꦶꦪꦁꦩꦂꦢꦶꦏꦲꦶꦁꦏꦁꦩꦂꦱꦸꦢꦶꦏꦱꦸꦱꦱ꧀ꦠꦿꦤ꧀ꦗꦮꦶ | Tiyang mardika ingkang marsudi kasusastran Jawi | |
| ꦲꦶꦁꦯꦸꦫꦏꦂꦠ꧈ | Ing Surakarta, | |
| ꦤꦭꦶꦏꦠꦲꦸꦤ꧀ 1900 | Nalika taun 1900 | |
| ꧋ ꦏꦲꦼꦕꦥ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦔꦼꦕꦥ꧀ꦥꦤ꧀ N.V. ꦧꦸꦢꦶꦲꦸꦠꦩ | Kaecap wonten ing pangecapan N.V. Budi Utama | |
| ꦲꦶꦁꦯꦸꦫꦏꦂꦠ꧈ | Ing Surakarta, | |
| 1912. | 1912. | |
| ꧋ ꦲꦶꦁꦤꦒꦫꦶꦠꦸꦧꦤ꧀ ꦮꦺꦴꦤ꧀ꦠꦼꦤ꧀ꦲꦶꦁꦏꦁꦗꦸꦩꦼꦤ꧀ꦤꦼꦁꦟꦡꦨꦶꦤ꧀ꦤꦛꦫ꧈ ꦲꦗꦸꦗꦸꦭꦸꦏ꧀ꦦꦿꦨꦸꦯꦶꦟ꧀ꦢꦸꦦꦡꦶ꧈ ꦲꦒꦼꦁꦏꦫꦡꦺꦴꦤ꧀ꦤꦶꦥꦸꦤ꧀ ꦲꦔꦿꦺꦃꦲꦏꦼꦤ꧀ꦥꦫꦫꦠꦸꦲꦶꦁꦔꦠꦱ꧀ꦲꦔꦶꦤ꧀ ꦲꦶꦁꦧꦮꦃꦲꦔꦶꦤ꧀ ꦯꦁꦦꦿꦨꦸꦠꦤ꧀ꦱꦃꦲꦔꦼꦭꦂꦗꦗꦃꦲꦤ꧀ ꦩꦶꦱꦸꦮꦸꦂꦫꦶꦁꦄꦱ꧀ꦩꦤ꧀ꦤꦶꦥꦸꦤ꧀ꦲꦔꦺꦧꦼꦏ꧀ꦠꦶꦗꦒꦢ꧀ ꦥꦫꦫꦠꦸꦱꦩꦶꦱꦸꦪꦸꦢ꧀ꦱꦩꦮꦶꦠꦧꦺꦴꦠꦼꦤ꧀ꦏꦭꦪꦤ꧀ꦏꦒꦼꦧꦒ꧀ꦲꦶꦁꦥꦼꦫꦁ꧈ ꦲꦁꦒꦼꦥ꧀ꦥꦶꦥꦸꦤ꧀ꦱꦩꦶ ꦲꦩ꧀ꦧꦛꦫ꧉ ꦯꦁꦦꦿꦨꦸꦤꦼꦔꦼꦤ꧀ꦤꦏꦼꦤ꧀ꦏꦥꦿꦮꦶꦫꦤ꧀ ꦩꦶꦭꦲꦶꦁꦏꦁꦥꦫꦲꦧ꧀ꦢꦶꦱꦩꦶꦲꦸꦭꦃꦏꦱꦩ꧀ꦥꦸꦂꦤꦤ꧀ꦤꦶꦁꦏꦮꦿꦸꦃꦥꦼꦫꦁ꧈ ꦲꦗꦶꦗꦪꦏꦮꦶꦗꦪꦤ꧀ ꦏꦢꦶꦒ꧀ꦢꦪꦤ꧀ꦭꦤ꧀ꦏꦤꦸꦫꦒꦤ꧀ ꦱꦩꦶꦠꦼꦒꦸꦃꦠꦶꦩ꧀ꦧꦸꦭ꧀ ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦠꦼꦝꦱ꧀ꦠꦥꦏ꧀ꦥꦭꦸꦤ꧀ꦤꦶꦁꦥꦟ꧀ꦝꦺꦱꦶꦱꦤ꧀ꦤꦶꦁꦒꦸꦫꦶꦤ꧀ꦢ꧈ ꦭꦶꦩ꧀ꦥꦢ꧀ꦲꦶꦁꦮꦶꦮꦺꦏꦱꦸꦒꦶꦃꦒꦼꦭꦂꦥꦤ꧀ꦤꦶꦁꦏꦼꦥ꧀ꦥꦶꦁꦱꦠꦿꦸꦱꦼꦏ꧀ꦠꦶꦧꦺꦴꦠꦼꦤ꧀ꦏꦚꦤꦤ꧀ꦲꦶꦁꦩꦼꦁꦱꦃ꧈ ꦱꦸꦩꦼꦉꦥ꧀ꦥꦶꦥꦸꦤ꧀ꦱꦩ꧀ꦥꦸꦤ꧀ꦏꦱꦺꦥ꧀ꦏꦊꦧꦼꦠ꧀ꦲꦶꦁꦧꦾꦸꦲꦏꦭꦮꦼꦫꦶꦠ꧀ ꦲꦔꦺꦭ꧀ꦮꦼꦔꦤ꧀ꦤꦶꦥꦸꦤ꧀ ꦏꦺꦴꦤ꧀ꦠꦥ꧀ꦥꦶꦁꦏꦥꦿꦮꦶꦫꦤ꧀ ꦏꦱꦸꦢꦶꦫꦤ꧀ꦱꦂꦠꦏꦮꦼꦒ꧀ꦒꦤ꧀ꦤꦶꦁꦥꦱꦁꦒꦼꦭꦂꦮꦲꦸ꧇ ꦲꦢꦩꦼꦭ꧀ꦩꦶꦫꦶꦱ꧀ꦱꦶꦁꦥꦫꦫꦠꦸꦲꦶꦁꦏꦁꦢꦺꦫꦺꦁꦱꦩꦶꦏꦮꦼꦁꦏꦸꦲꦶꦁꦗꦗꦃꦲꦤ꧀ꦤꦶꦥꦸꦤ꧀ꦤꦒꦫꦶꦠꦸꦨꦤ꧀꧈ ꦒꦂꦮꦤ꧀ꦤꦶꦥꦸꦤ꧀ꦱꦁꦦꦿꦨꦸꦱꦔꦁꦢꦱꦱꦔ꧈ ꦤꦔꦶꦁꦥꦸꦠꦿꦤ꧀ꦤꦶꦥꦸꦤ꧀ꦤꦩꦸꦁꦏꦏꦭꦶꦃꦱꦩꦶꦏꦏꦸꦁ꧈ ꦲꦶꦁꦏꦁꦱꦼꦥꦸꦃꦩꦶꦗꦶꦭ꧀ꦱꦏꦶꦁꦒꦂꦮꦥꦔꦽꦩ꧀ꦧꦺꦠꦸꦫꦱ꧀ꦱꦶꦁꦦꦟ꧀ꦝꦶꦠ꧈ ꦏꦥꦫꦶꦁꦔꦤ꧀ꦤꦩꦫꦢꦺꦤ꧀ꦮꦂꦫꦶꦃꦏꦸꦯꦸꦩ꧈ ꦲꦶꦁꦏꦁꦲꦤꦺꦩ꧀ꦩꦶꦪꦺꦴꦱ꧀ꦱꦏꦶꦁꦒꦂꦮꦥꦢ꧀ꦩꦶꦥꦸꦠꦿꦤ꧀ꦤꦶꦁꦫꦠꦸ꧈ ꦏꦥꦫꦶꦁꦔꦤ꧀ꦤꦩꦫꦢꦺꦤ꧀ꦮꦂꦰꦏꦸꦯꦸꦩ꧈ ꦥꦸꦤ꧀ꦤꦶꦏꦲꦶꦁꦏꦁꦒꦶꦤ꧀ꦤꦝꦁꦲꦁꦒꦼꦤ꧀ꦠꦺꦴꦱ꧀ꦱꦶꦏꦫꦠꦺꦴꦤ꧀ꦤꦶꦥꦸꦤ꧀ꦲꦶꦁꦏꦁꦫꦩ꧈ ꦫꦢꦺꦤ꧀ꦏꦏꦭꦶꦃꦫꦸꦏꦸꦤ꧀ꦲꦁꦒꦺꦤ꧀ꦤꦶꦥꦸꦤ꧀ꦱꦢꦸꦭꦸꦂꦫꦤ꧀ ꦫꦢꦺꦤ꧀ꦱꦼꦥꦸꦃꦱꦔꦼꦠ꧀ꦩꦺꦴꦩꦺꦴꦁꦝꦠꦼꦁꦲꦶꦁꦏꦁꦫꦪꦶ꧈ ꦱꦂꦠꦲꦗꦿꦶꦃꦲꦱꦶꦃꦤꦫꦶꦩꦃꦲꦶꦁꦥꦤ꧀ꦢꦸꦩ꧀ꦲꦶꦁꦏꦁꦱꦩ꧀ꦥꦸꦤ꧀ꦢꦢꦺꦴꦱ꧀ꦊꦉꦱ꧀ꦱꦶꦥꦸꦤ꧀ꦗꦸꦩꦼꦤ꧀ꦤꦼꦁꦦꦔꦺꦫꦤ꧀ꦲꦒꦼꦁꦢꦢꦺꦴꦱ꧀ꦮꦼꦮꦼꦁꦏꦸꦤ꧀ꦤꦶꦁꦥꦿꦗ꧉ ꦫꦢꦺꦤ꧀ꦲꦤꦺꦩ꧀ꦱꦔꦼꦠ꧀ꦠꦽꦱ꧀ꦤꦱꦲꦫꦸꦩꦼꦁꦏꦸꦃꦲꦒꦼꦁꦒꦸꦁꦔꦤ꧀ꦤꦶꦥꦸꦤ꧀ꦝꦠꦼꦁꦲꦶꦁꦏꦁꦫꦏꦥꦿꦱꦱꦠ꧀ꦝꦠꦼꦁꦲꦶꦁꦏꦁꦫꦩ꧈ ꦩꦶꦭꦗꦸꦩꦼꦤ꧀ꦤꦼꦁꦔꦶꦥꦸꦤ꧀ꦦꦔꦺꦫꦤ꧀ꦲꦢꦶꦦꦡꦶꦧꦺꦴꦠꦼꦤ꧀ꦲꦢꦩꦼꦭ꧀ꦏꦼꦩꦺꦫꦺꦴꦤ꧀ꦤꦶꦥꦸꦤ꧀ꦝꦠꦼꦁꦲꦶꦁꦏꦁꦫꦩ꧈ ꦱꦏꦶꦁꦲꦶꦁꦏꦁꦫꦪꦶꦫꦸꦩꦲꦺꦴꦱ꧀ꦏꦮꦼꦁꦏꦸꦝꦠꦼꦁꦲꦶꦁꦏꦁꦫꦏ꧉ | Ing Nagari Tuban, wonten ingkang Jumeneng Natabinaṭara, ajujuluk Prabu Sindupati, ageng karatonipun, angrèhaken para ratu ing atas angin, ing bawah angin, Sang Prabu tansah angelar jajahan, misuwuring asmanipun angébekti jagad, para ratu sami suyud samawita boten kalayan kagebag ing perang, anggepipun sami ambaṭara. Sang Prabu nengenaken kaprawiran, mila ingkang para abdi sami ulah kasampurnaning kawruh perang, aji jaya kawijayan, kadigdayan lan kanuragan, sami teguh timbul, boten wonten ingkang teḍas tapak paluning panḍé sisaning gurinda, limpad ing wiwéka sugih gelar paningkeping satru sekti boten kanyanan ing mengsah, sumerepipun sampun kasèp kalebet ing byuhakalawerit, angèl wenganipun, kontaping kaprawiran, kasudiran sarta kaweganing pasang gelar wau: adamel mirising para ratu ingkang dèrèng sami kawengku ing jajahanipun Nagari Tuban. Garwanipun Sang Prabu sangang dasa sanga, nanging putranipun namung kakalih sami kakung, ingkang sepuh mijil saking garwa pangrembé turasing Panḍita, kaparingan nama Radèn Warih Kusuma, ingkang anèm miyos saking garwa padmi putraning ratu, kaparingan nama Radèn Warsa Kusuma, punika ingkang ginaḍang anggentosi Karatonipun ingkang Rama, Radèn kakalih rukun anggènipun saduluran, Radèn sepuh sanget momong ḍateng ingkang rayi, sarta ajrih asih narimah ing pandum ingkang sampun dados leresipun jumeneng Pangèran Ageng dados wewengkuning praja. Radèn anèm sanget tresna saha rumengkuh ageng gunganipun ḍateng ingkang raka prasasat ḍateng ingkang rama, mila jumenengipun Pangéran Adipati boten adamel kemèronipun ḍateng ingkang rama, saking ingkang rayi rumaos kawengku ḍateng ingkang raka. | |
| ꧋ ꦯꦁꦦꦿꦨꦸꦱꦔꦼꦠ꧀ꦥꦶꦉꦤ꧀ꦤꦲꦶꦁꦒꦭꦶꦃꦲꦔꦸꦤ꧀ꦤꦶꦔꦤ꧀ꦤꦶꦫꦸꦏꦸꦤ꧀ꦤꦶꦥꦸꦤ꧀ꦲꦶꦁꦏꦁꦥꦸꦠꦿꦲꦁꦒꦺꦤ꧀ꦤꦶꦥꦸꦤ꧀ꦱꦢꦸꦭꦸꦂꦫꦤ꧀ ꦲꦕꦶꦥ꧀ꦠꦧꦝꦺꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦱꦩ꧀ꦧꦺꦏꦭꦲꦶꦁꦏꦁꦝꦸꦩꦮꦃꦝꦠꦼꦁꦥꦸꦠꦿ꧇ ꦧꦶꦭꦶꦃꦯꦁꦦꦿꦨꦸꦱꦩ꧀ꦥꦸꦤ꧀ꦩꦸꦫꦸꦢ꧀ꦝꦠꦼꦁꦠꦼꦥꦼꦠ꧀ꦱꦸꦕꦶ꧉ | Sang Prabu sanget pirena ing galih hanguningani rukunipun ingkang putra anggènipun saduluran, acipta baḍé boten wonten sambékala ingkang ḍumawah ḍateng putra: bilih Sang Prabu sampun murud ḍateng tepet suci. | |
| ꧋ ꦗꦸꦩꦼꦤ꧀ꦤꦼꦁꦔꦶꦥꦸꦤ꧀ꦱꦁꦦꦿꦨꦸꦲꦤ꧀ꦠꦮꦶꦱ꧀ꦥꦶꦏꦤ꧀ꦠꦸꦏ꧀ 50 ꦠꦲꦸꦤ꧀ ꦢꦸꦩꦸꦒꦶꦪꦸꦱ꧀ꦮ 75 ꦠꦲꦸꦤ꧀ ꦤꦟ꧀ꦝꦁꦒꦼꦫꦃꦱꦫꦶꦫꦱꦢꦪ꧈ ꦯꦁꦟꦡ ꦏꦫꦲꦺꦴꦱ꧀ꦧꦝꦺꦥꦸꦥꦸꦠ꧀ꦪꦸꦱ꧀ꦮꦤ꧀ꦤꦶꦥꦸꦤ꧀ ꦲꦶꦁꦏꦁꦥꦸꦠꦿꦱꦩꦶꦲꦶꦔꦤ꧀ꦢꦏꦤ꧀ ꦮꦺꦴꦤ꧀ꦠꦼꦤ꧀ꦲꦶꦁꦢꦒꦤ꧀ꦱꦩꦶꦲꦔꦸꦗꦸꦁꦔꦶꦱꦩ꧀ꦥꦺꦪꦤ꧀ꦤꦶꦥꦸꦤ꧀ꦲꦶꦁꦏꦁꦫꦩꦱꦂꦠꦱꦩꦶꦭꦫꦏꦫꦸꦤ꧀ꦤꦱꦸꦩꦼꦉꦥ꧀ꦤꦺꦠꦾꦤ꧀ꦤꦶꦥꦸꦤ꧀ꦲꦶꦁꦏꦁꦫꦩꦱꦩ꧀ꦥꦸꦤ꧀ꦲꦱꦮꦁꦏꦸꦤ꧀ꦤꦂꦥ꧈ ꦲꦶꦁꦏꦁꦫꦩꦲꦔꦤ꧀ꦢꦶꦏꦭꦶꦫꦶꦃ꧇ ꦏꦸꦭꦥ꧀ꦱꦏꦫꦺꦴꦤ꧀ꦤꦺꦒꦼꦫꦃꦲꦶꦁꦯꦸꦤ꧀ꦏꦪꦮꦸꦱ꧀ꦲꦺꦴꦫꦮꦭꦪꦢꦺꦤ꧀ꦤꦶꦁꦲꦸꦱꦢ꧈ ꦲꦶꦁꦯꦸꦤ꧀ꦧꦏꦭ꧀ꦏꦸꦩꦼꦏꦲꦶꦁꦥꦠꦶ꧈ ꦱꦶꦫꦱꦏꦫꦺꦴꦤ꧀ꦤꦺꦢꦶꦧꦼꦕꦶꦏ꧀ꦱꦥꦸꦁꦏꦸꦂꦫꦶꦁꦯꦸꦤ꧀ ꦯꦁꦦꦔꦺꦫꦤ꧀ꦠꦤ꧀ꦱꦃꦱꦩꦶꦕꦫꦺꦴꦕꦺꦴꦱ꧀ꦱꦤ꧀ ꦯꦁꦦꦿꦨꦸꦩꦥꦠ꧀ꦭꦗꦼꦁꦱꦺꦢ꧈ ꦠꦔꦶꦱ꧀ꦒꦸꦩꦸꦫꦸꦃꦱꦊꦧꦼꦠ꧀ꦠꦶꦁꦥꦸꦫ꧈ ꦯꦁꦦꦿꦩꦺꦯ꧀ꦮꦫꦶꦱꦂꦠꦥꦫꦒꦂꦮꦥꦔꦽꦩ꧀ꦧꦺꦱꦩꦶꦉꦩ꧀ꦥꦸꦲꦶꦁꦒꦭꦶꦃꦏꦺꦴꦚ꧀ꦕꦠ꧀ꦠꦤ꧀ꦱꦶꦃꦲꦶꦁꦫꦏꦏꦢꦺꦴꦱ꧀ꦕꦺꦴꦥ꧀ꦭꦺꦴꦏ꧀ꦏꦶꦁꦱꦺꦴꦱꦺꦴꦠꦾꦱꦏꦶꦁꦲꦼꦩ꧀ꦧꦤ꧀ꦤꦤ꧀꧈ | Jumenengipun Sang Prabu antawis pikantuk 50 taun dumugi yuswa 75 taun nanḍang gerah sarira sadaya, Sang Nata karaos baḍé puput yuswanipun, ingkang putra sami ingandikan, wonten ing dagan sami angujungi sampéyanipun ingkang rama sarta sami lara karuna sumerep nétyanipun ingkang rama sampun asawang kunarpa, Ingkang rama angendika lirih: kulup sakaroné gerah Ingsun kaya wus ora waluya déning husada, Ingsun bakal kumeka ing pati, sira sakaroné dibecik sapungkuringsun, Sang Pangéran tansah sami carocosan, Sang Prabu mapat lajeng sèda, tangis gumuruh salebeting pura, Sang Pramèswari sarta para garwa pangrembé sami rempu ing galih koncatansih ing raka kados coploking sosotya saking embanan. | |
| ꧋ ꦠꦶꦝꦼꦩ꧀ꦩꦶꦁꦥꦿꦗꦲꦤ꧀ꦠꦮꦶꦱ꧀ 7 ꦢꦶꦤ꧀ꦠꦼꦤ꧀ ꦏꦂꦱꦤ꧀ꦤꦶꦥꦸꦤ꧀ꦱꦁꦦꦔꦺꦫꦤ꧀ꦮꦫꦶꦃꦏꦸꦯꦸꦩꦲꦶꦁꦏꦁꦫꦪꦶꦯꦁꦦꦔꦺꦫꦤ꧀ꦲꦢꦶꦦꦡꦶꦮꦂꦰꦏꦸꦯꦸꦩꦏꦲꦁꦏꦠ꧀ꦗꦸꦩꦼꦤ꧀ꦤꦼꦁꦫꦠꦸꦲꦁꦒꦼꦤ꧀ꦠꦺꦴꦱ꧀ꦱꦶꦲꦶꦁꦏꦁꦫꦩꦱꦸꦮꦂꦒꦶ꧈ ꦏꦭꦩ꧀ꦥꦃꦲꦤ꧀ꦩꦮꦶꦥꦏꦸꦂꦩꦠ꧀ꦠꦤ꧀ꦲꦒꦼꦁꦱꦂꦠꦩꦮꦶꦏꦗꦼꦤ꧀ꦤꦼꦁꦔꦤ꧀ꦥꦫꦫꦠꦸꦲꦶꦁꦏꦁꦤꦸꦁꦒꦶꦭ꧀ꦗꦩꦤ꧀ꦏꦭꦶꦪꦤ꧀ꦱꦁꦟꦡ꧈ ꦩꦶꦱꦸꦮꦸꦂꦫꦶꦁꦄꦱ꧀ꦩꦤ꧀ꦤꦶꦥꦸꦤ꧀ꦱꦁꦦꦿꦨꦸꦱꦲꦶꦫꦶꦧ꧀ꦭꦤ꧀ꦲꦶꦁꦏꦁꦫꦩ꧈ ꦥꦶꦏꦼꦏꦃꦲꦶꦁꦥꦿꦗꦲꦶꦁꦏꦁꦢꦢꦺꦴꦱ꧀ꦠꦁꦒꦸꦭꦁꦔꦶꦁꦩꦸꦁꦱꦸꦃꦱꦼꦏ꧀ꦠꦶꦤꦩꦸꦁꦯꦁꦦꦔꦺꦫꦤ꧀ꦮꦫꦶꦃꦏꦸꦯꦸꦩ꧉ | Tiḍeming praja antawis 7 dinten, karsanipun Sang Pangéran Warih Kusuma ingkang rayi Sang Pangéran Adipati Warsa Kusuma kaangkat jumeneng ratu anggentosi ingkang rama suwargi, kalampahan mawi pakurmatan ageng sarta mawi kajenengan para ratu ingkang nunggil jaman kaliyan Sang Nata, misuwuring asmanipun Sang Prabu sahiriblan ingkang rama, pikekahing praja ingkang dados tanggulanging mungsuh sekti namung Sang Pangéran Warih Kusuma. | |
| ꧋ ꦏꦕꦫꦶꦪꦺꦴꦱ꧀ꦱꦁꦦꦔꦺꦫꦤ꧀ꦮꦫꦶꦃꦏꦸꦯꦸꦩꦢꦺꦫꦺꦁꦩꦮꦶꦏꦿꦩ꧈ ꦏꦒꦸꦁꦔꦤ꧀ꦥꦕꦁꦔꦤ꧀ꦱꦁꦏꦤ꧀ꦤꦶꦁꦠꦶꦩꦸꦂꦏꦊꦉꦱ꧀ꦱꦤ꧀ꦝꦺꦫꦺꦏ꧀ꦏꦶꦥꦸꦤ꧀ꦤꦏ꧀ꦱꦤ꧀ꦤꦏ꧀ꦥꦶꦪꦩ꧀ꦧꦏ꧀ꦱꦏꦶꦁꦧꦶꦧꦶ꧈ ꦏꦭꦱꦩꦤ꧀ꦠꦼꦤ꧀ꦢꦺꦫꦺꦢꦶꦮꦱ꧈ ꦱꦥꦸꦤ꧀ꦤꦶꦏꦱꦩ꧀ꦥꦸꦤ꧀ꦤꦼꦝꦼꦁꦧꦶꦫꦲꦶ꧈ ꦏꦂꦱꦤ꧀ꦤꦶꦥꦸꦤ꧀ꦱꦁꦦꦔꦺꦫꦤ꧀ꦧꦝꦺꦔ꧀ꦭꦩꦂꦝꦠꦼꦁꦲꦶꦁꦉꦢꦶ꧈ ꦥꦩꦶꦠ꧀ꦝꦠꦼꦁꦲꦶꦁꦏꦁꦫꦪꦶꦯꦁꦦꦿꦨꦸ꧈ ꦚꦫꦶꦪꦺꦴꦱ꧀ꦱꦏꦼꦤ꧀ꦏꦂꦱꦤ꧀ꦤꦶꦥꦸꦤ꧀ꦮꦲꦸꦥꦸꦤ꧀ꦤꦶꦏ꧈ ꦲꦮꦶꦠ꧀ꦧꦺꦴꦠꦼꦤ꧀ꦤꦩꦸꦁꦮꦗꦶꦧ꧀ꦧꦶꦥꦸꦤ꧀ꦲꦶꦁꦔꦒꦼꦱꦁꦩꦮꦏꦿꦩ꧈ ꦲꦶꦁꦏꦁꦭꦁꦏꦸꦁꦥꦼꦂꦭꦸꦲꦔꦺꦱ꧀ꦠꦺꦴꦏ꧀ꦲꦏꦼꦤ꧀ꦥꦶꦮꦼꦭꦶꦁꦔꦶꦁꦏꦏꦶꦯꦁꦦꦟ꧀ꦝꦶꦠꦲꦶꦁꦏꦁꦱꦩ꧀ꦥꦸꦤ꧀ꦩꦸꦫꦸꦢ꧀ꦝꦠꦼꦁꦲꦶꦁꦗꦩꦤ꧀ꦏꦲꦶꦭꦁꦔꦤ꧀ ꦪꦺꦤ꧀ꦥꦶꦤ꧀ꦤꦕꦁꦱꦁꦏꦤ꧀ꦤꦶꦁꦭꦫꦺꦏꦭꦶꦪꦤ꧀ꦲꦺꦟ꧀ꦝꦁꦮꦽꦱ꧀ꦡꦶꦱꦸꦠꦤ꧀ꦤꦶꦁꦲꦸꦩ꧀ꦧꦸꦭ꧀ꦩꦸꦢꦭ꧀ ꦥꦠꦸꦠ꧀ꦠꦤ꧀ꦱꦏꦶꦁꦲꦺꦟ꧀ꦝꦁꦱꦝꦺꦫꦺꦏ꧀ꦏꦶꦁꦧꦶꦧꦶ꧉ ꦯꦁꦦꦿꦨꦸꦱꦉꦁꦩꦶꦝꦔꦼꦠ꧀ꦪꦤ꧀ꦲꦶꦁꦏꦁꦫꦏꦧꦝꦺꦥꦭꦏꦿꦩꦱꦏꦭꦁꦏꦸꦁꦥꦶꦉꦤ꧀ꦤꦲꦶꦁꦥꦁꦒꦭꦶꦃ꧈ ꦭꦗꦼꦁꦲꦝꦝꦮꦸꦃꦏꦂꦱꦔꦠꦼꦂꦫꦏꦼꦤ꧀ꦥꦶꦪꦩ꧀ꦧꦏ꧀ꦲꦶꦁꦠꦶꦤ꧀ꦢꦏ꧀ꦏꦶꦥꦸꦤ꧀ꦲꦶꦁꦏꦁꦫꦏꦯꦁꦦꦔꦺꦫꦤ꧀ ꦩꦼꦛꦸꦏ꧀ꦲꦺꦟ꧀ꦝꦁꦮꦽꦱ꧀ꦡꦶꦝꦠꦼꦁꦲꦶꦁꦉꦢꦶ꧈ ꦠꦶꦪꦁꦱꦥꦿꦗꦲꦺꦴꦠꦼꦂꦱꦩꦶꦠꦠꦠꦠ꧉ | Kacariyos Sang Pangéran Warih Kusuma dèrèng mawi krama, kagungan pacangan sangkaning timur kaleresan ḍèrèkipun naksanak piyambak saking bibi, kala samanten dèrèng diwasa, sapunika sampun nèḍèng birahi, karsanipun Sang Pangéran baḍé nglamar ḍateng ingredi, pamit ḍateng ingkang rayi Sang Prabu, nyariyosaken karsanipun wau punika, awit boten namung wajibipun ingagesang mawa krama, ingkang langkung perlu angèstokaken piwelinging kaki Sang Panḍita ingkang sampun murud ḍateng ing jaman kailangan, yèn pinacang sangkaning laré kaliyan Ènḍang Wresti sutaning umbul mudal, patutan saking Éndang saḍèrèking bibi. Sang Prabu sareng miḍanget yèn ingkang raka baḍé palakrama saka langkung pirena ing panggalih, lajeng aḍa- ḍawuh karsa ngateraken piyambak ing tindakipun ingkang raka Sang Pangéran, meṭuk Ènḍang Wresti ḍateng ingredi, tiyang sapraja oter sami tata-tata. | |
Contoh 2. Sebuah artikel di Pusaka Jawi[besut | besut sumber] | ||
| ꧋ ꦧꦧꦢ꧀ꦢꦶꦁꦏꦧꦸꦢꦪꦤ꧀ꦗꦮꦶ꧉ | Babading Kabudayan Jawi | |
| ꦱꦏꦶꦁ R. ꦢ꧀ꦮꦶꦗꦮꦶꦪꦠ꧉ | Saking R. Dwijawiyata | |
| VIII. | VIII. | |
| ꧋ ꦩꦗꦥꦲꦶꦠ꧀ꦗꦩꦤ꧀ꦤꦶꦥꦸꦤ꧀ꦢꦺꦮꦶꦠꦿꦶꦨꦸꦮꦤꦠꦸꦁꦒꦢꦺꦮꦶ꧈ ꦠꦲꦸꦤ꧀ 1328 — 1350꧉ | Majapahit jamanipun Dewi Tribuwana Tunggadewi, taun 1328 — 1350. | |
| ꧋ ꦏꦕꦫꦶꦪꦺꦴꦱ꧀ ꦱꦺꦢꦤꦶꦥꦸꦤ꧀ꦱꦁꦥꦿꦧꦸꦗꦪꦟꦒꦫ (ꦲꦶꦁꦠꦲꦸꦤ꧀ 1328) ꦧꦺꦴꦠꦼꦤ꧀ꦲꦠꦶꦭꦂꦥꦸꦠꦿꦏꦏꦸꦁ꧈ ꦥꦿꦩꦶꦭꦱꦥꦸꦤꦶꦏꦲꦶꦁꦏꦁꦏꦒꦸꦁꦔꦤ꧀ꦮꦼꦮꦼꦤꦁꦒꦸꦩꦤ꧀ꦠꦺꦴꦱ꧀ꦗꦸꦩꦼꦤꦼꦁꦤꦠꦭꦗꦼꦁꦲꦶꦁꦏꦁꦧꦏ꧀ꦲꦪꦸ꧈ ꦲꦶꦁꦒꦶꦃꦥꦸꦤꦶꦏꦥꦸꦠꦿꦤꦶꦥꦸꦤ꧀ꦢꦺꦮꦶꦓꦪꦠꦿꦶ꧈ ꦢꦢꦺꦴꦱ꧀ꦏꦊꦉꦱ꧀ꦲꦶꦁꦏꦁꦮꦪꦃꦥꦿꦧꦸꦑꦽꦠꦤꦒꦫ꧈ ꦤꦠꦲꦶꦁꦱꦶꦔꦱꦫꦶꦲꦶꦁꦏꦁꦮꦼꦏꦱ꧀ꦱꦤ꧀ ꦲꦱ꧀ꦩꦤꦶꦥꦸꦤ꧀ꦢꦺꦮꦶ꧇ ꦠꦿꦶꦧꦸꦮꦤꦠꦸꦁꦒꦢꦺꦮꦶꦗꦪꦮꦶꦯ꧀ꦤꦸꦮꦂꦢ꧀ꦝꦤꦶ꧉ | Kacariyos, sèdanipun Sang Prabu Jayanagara (ing taun 1328) boten atilar putra kakung, pramila sapunika ingkang kagungan wewenang gumantos jumeneng nata lajeng ingkang bak ayu, inggih punika putranipun Dewi Gayatri, dados kaleres ingkang wayah Prabu Kertanagara, nata ing Singasari ingkang wekasan, asmanipun Dewi Tribuwana Tunggadewi Jayawisnuwardani. | |
| ꧋ ꦢꦺꦮꦶꦠꦿꦶꦧꦸꦮꦤꦠꦸꦁꦒꦢꦺꦮꦶꦮꦲꦸꦲꦸꦒꦶꦏꦒꦸꦁꦔꦤ꧀ꦱꦝꦺꦫꦺꦏ꧀ꦥꦸꦠꦿꦶ꧈ ꦱꦩꦶꦢꦺꦤꦺꦥꦸꦠꦿꦤꦶꦥꦸꦤ꧀ꦢꦺꦮꦶꦓꦪꦠꦿꦶ꧈ ꦲꦱ꧀ꦩꦤꦶꦥꦸꦤ꧀꧇ ꦮꦶꦗꦪꦢꦺꦮꦶꦲꦸꦠꦮꦶ꧇ ꦫꦗꦢꦺꦮꦶꦩꦲꦫꦗꦱ꧉ | Dewi Tribuwana Tunggadewi wau ugi kagungan saḍèrèk putri, samidéné putranipun Dewi Gayatri, asmanipun Wijayadewi utawi Rajadewi Maharajasa. | |
| ꧋ ꦲꦶꦁꦠꦼꦩ꧀ꦧꦺꦱꦁꦥꦿꦧꦸꦠꦿꦶꦧꦸꦮꦤꦠꦸꦁꦒꦢꦺꦮꦶ*) ꦝꦲꦸꦥ꧀ꦏꦭꦶꦪꦤ꧀ꦫꦢꦺꦤ꧀꧇ ꦕꦏꦿꦝꦫꦲꦸꦠꦮꦶꦫꦢꦺꦤ꧀ꦏꦂꦠꦮꦂꦢ꧀ꦝꦤ*) ꦢꦺꦤꦺꦲꦶꦁꦏꦁꦫꦪꦶ꧇ ꦢꦺꦮꦶꦮꦶꦗꦪꦢꦺꦮꦶꦝꦲꦸꦥ꧀ꦏꦭꦶꦪꦤ꧀ꦫꦢꦺꦤ꧀꧇ ꦏꦸꦢꦩꦂꦠꦲꦸꦠꦮꦶꦫꦢꦺꦤ꧀꧇ ꦮꦶꦗꦪꦫꦗꦱ꧈ ꦲꦢꦶꦥꦠꦶꦲꦶꦁꦤꦒꦫꦶꦮꦼꦁꦏꦼꦂ꧉ | Ing tembé sang Prabu Tribuwana Tunggadewi*) ḍaup kaliyan Radèn Cakraḍara utawi Radèn Kartawardana*) déné ingkang rayi Dewi Wijayadewi ḍaup kaliyan Radèn Kudamarta utawi Radèn Wijayarajasa, adipati ing Nagari Wengker. | |
| ꧋ ꦏꦭꦶꦪꦤ꧀ꦫꦢꦺꦤ꧀ꦏꦂꦠꦮꦂꦢ꧀ꦝꦤꦢꦺꦮꦶꦠꦿꦶꦧꦸꦮꦤꦠꦸꦁꦒꦢꦺꦮꦶꦥꦸꦥꦸꦠꦿꦏꦭꦶꦃꦏꦏꦸꦁꦥꦸꦠꦿꦶ꧈ ꦲꦶꦁꦏꦁꦱꦼꦥꦸꦃꦲꦱꦶꦱꦶꦭꦶꦃꦫꦢꦺꦤ꧀꧇ ꦲꦪꦩ꧀ꦮꦸꦫꦸꦏ꧀ ꦲꦶꦁꦏꦁꦲꦼꦤꦺꦩ꧀ꦢꦺꦮꦶ꧇ ꦆꦱ꧀ꦮꦫꦶ꧉ ꦮꦺꦴꦤ꧀ꦢꦺꦤꦺꦢꦺꦮꦶꦮꦶꦗꦪꦢꦺꦮꦶꦏꦭꦶꦪꦤ꧀ꦫꦢꦺꦤ꧀ꦮꦶꦗꦪꦫꦗꦱꦤꦩꦸꦁꦥꦠꦸꦠ꧀ꦠꦤ꧀ꦱꦠꦸꦁꦒꦭ꧀ꦩꦶꦪꦺꦴꦱ꧀ꦥꦸꦠꦿꦶꦲꦱꦶꦱꦶꦭꦶꦃꦢꦺꦮꦶꦆꦤ꧀ꦝꦸꦢꦺꦮꦶ꧉ | Kaliyan Radèn Kartawardana Dewi Tribuwana Tunggadewi puputra kalih kakung putri, ingkang sepuh asisilih Radèn Hayamwuruk, ingkang enèm Dewi Iswari. Wondéné Dewi Wijayadewi kaliyan Radèn Wijayarajasa namung patutan satunggal miyos putri asisilih Dewi Inḍudewi. | |
|
*) Ing Serat Damarwulan, Dewi Tribuwana Tunggadewi kanamakaken Prabu Kenya. Radèn Kartawardana kanamakaken Radèn Damarwulan. | |
Contoh 3. Kitab Jayabaya[besut | besut sumber] | ||
| ꦥꦔꦼꦂꦠꦺꦏ꧀ꦲꦏꦺꦲꦏꦺꦃꦲꦏꦺꦃꦱꦸꦥꦪꦲꦗꦤꦶꦤ꧀ꦢꦏ꧀ꦏꦏꦺꦱꦶꦪ꧈ ꦩꦼꦁꦏꦺꦤꦺꦏꦟ꧀ꦝꦤꦺ꧇ ꦏꦪꦠꦏꦺꦴꦮꦺꦚꦸꦮꦺꦏ꧀ꦕꦁꦏꦼꦩ꧀ꦕꦼꦕꦏ꧀ꦲꦸꦠꦮꦩꦶꦭꦫꦭꦶꦪꦤꦺ꧈ ꦏꦸꦮꦶꦔꦁꦒꦺꦴꦠꦼꦥꦏ꧀ꦤꦲꦮꦏ꧀ꦩꦸꦝꦺꦮꦺ꧈ ꦲꦸꦥꦩꦕꦁꦏꦼꦩ꧀ꦩꦸꦢꦶꦱꦸꦮꦺꦏ꧀ꦩꦼꦁꦏꦺꦴꦤꦺꦴ꧈ ꦲꦥꦏꦺꦴꦮꦺꦪꦲꦺꦴꦫꦱꦩ꧀ꦧꦠ꧀ ꦢꦺꦤꦺꦏꦺꦮꦤ꧀ꦲꦺꦴꦭꦺꦃꦲꦺꦲꦺꦴꦫꦱꦱꦩ꧀ꦧꦠ꧀ꦏꦸꦮꦶꦫꦏ꧀ꦩꦸꦁꦱꦏꦲꦺꦴꦫꦤꦺꦧꦶꦱꦕꦠꦸꦂꦫꦤ꧀ꦧꦲꦺ꧈ ꦩꦸꦁꦒꦸꦃꦧꦶꦱꦲꦧꦱꦩꦤꦸꦱꦩꦼꦰ꧀ꦛꦶꦤꦺꦲꦺꦴꦫꦧꦺꦢ꧈ ꦏꦫꦺꦴꦢꦺꦤꦺꦩꦤꦺꦃ꧈ ꦮꦺꦴꦁꦏꦁꦭꦸꦥꦸꦠ꧀ꦩꦸꦁꦕꦼꦕꦏ꧀ꦱꦶꦗꦶ꧈ ꦗꦼꦧꦸꦭ꧀ꦕꦼꦕꦏ꧀ꦏꦁꦲꦏꦺꦃꦲꦏꦺꦃꦭꦶꦪꦤꦺꦠꦼꦏꦩꦶꦭꦸꦏꦺꦴꦭꦸꦥꦸꦠ꧀ꦠꦏꦺ꧈ ꦲꦸꦥꦩꦏꦁꦏꦭꦸꦥꦸꦠ꧀ꦠꦤ꧀ꦩꦲꦸꦮꦺꦴꦁꦱꦶꦗꦶ꧈ ꦲꦥꦮꦺꦴꦁꦱꦗꦒꦢ꧀ꦏꦊꦧꦸꦏꦺꦴꦮꦺꦝꦺꦮꦺꦪꦏꦸꦢꦸꦢꦶꦲꦸꦏꦸꦩ꧀ ꦲꦶꦏꦸꦥꦤꦼꦩꦸꦲꦤꦺꦃ꧈ ꦧꦼꦕꦶꦏ꧀ꦩꦫꦺꦤ꧀ꦤꦤꦏꦉꦥ꧀ꦩꦸꦏꦁꦩꦼꦁꦏꦺꦴꦤꦺꦴꦲꦶꦏꦸ꧉ ꦮꦶꦱ꧀ꦏꦼꦉꦥ꧀ꦧꦲꦺꦧꦺꦴꦏ꧀ꦱꦫꦶꦗꦃꦢꦶꦠꦸꦟ꧀ꦝꦸꦁꦭꦸꦁꦫꦃꦲꦺꦱꦏꦲꦺꦴꦭꦺꦃꦲꦺꦱꦺꦴꦏ꧀ꦱꦶꦪꦩꦺꦚꦁꦏꦺꦮꦤ꧀ ꦤꦔꦶꦁꦧꦚ꧀ꦗꦸꦂꦢꦶꦲꦸꦤ꧀ꦢꦁꦧꦭꦶꦗꦭꦂꦫꦤ꧀ꦩꦂꦡꦮꦶꦗꦪꦲꦺꦴꦫꦧꦶꦱꦲꦺꦴꦭꦺꦃꦲꦸꦮꦺꦴꦁꦏꦁꦮꦱꦶꦱ꧀ꦒꦮꦺꦥꦺꦥꦺꦱ꧀ꦱꦤ꧀ꦱꦺꦤ꧀ꦛꦺ꧈ ꦗꦂꦫꦺꦪꦺꦤ꧀ꦮꦺꦴꦁꦭꦶꦪꦏꦁꦔꦺꦴꦭꦃꦫꦱꦤꦺꦮꦶꦱ꧀ꦩꦼꦰ꧀ꦛꦶꦒꦠꦼꦭ꧀ ꦩꦺꦴꦁꦏꦩꦂꦡꦮꦶꦗꦪꦲꦺꦴꦫꦧꦶꦱꦤꦶꦁꦒꦭ꧀ꦥꦏꦉꦩ꧀ꦩꦤ꧀ꦤꦺꦩꦲꦸ꧉ | Pangertèkaké akèh-akèh supaya aja nindakaké siya, mengkéné kaṇḍané: kayata kowé nyuwèk cangkem cecak utawa mila raliyané, kuwi nganggo tepakna awakmu ḍéwé, upama cangkemmu disuwèk mengkono, apa kowé ya ora sambat? Déné kéwan olèhé ora sasambat kuwi rak mung saka orané bisa caturan baé, mungguh bisaa basa manusa meṣṭiné ora beda, karodéné manèh, wong kang luput mung cecak siji, jebul cecak kang akèh-akèh liyané teka milu koluputaké? Upama kang kaluputan mau wong siji, apa wong sajagad kalebu kowé ḍéwé ya kudu diukum? Iku panemu anèh, becik marènana karepmu kang mengkono iku. Wis kerep baé Bok Sarijah dituṇḍung lungrahé saka olèhé sok siya menyang kéwan, nanging banjur diundang bali jalaran Martawijaya ora bisa olèh uwong kang wasis gawé pèpèsan séṇṭé, jaré yèn wong liya kang ngolah rasané wis meṣṭi gatel, mongka Martawijaya ora bisa ninggal pakaremané mau. | |
Contoh 4. Prasasti Masjid Salikin[besut | besut sumber] | ||
| ꦥꦺꦔꦼꦠ꧀ꦠꦤ꧀ | Pèngetan | |
| ꧋ ꦲꦢꦼꦒ꧀ꦒꦶꦁꦩꦱ꧀ꦗꦶꦢ꧀ꦱꦭꦶꦏꦶꦤ꧀ꦪꦱꦤ꧀ꦤꦶꦥꦸꦤ꧀ꦫꦢꦺꦤ꧀ꦔꦤ꧀ꦠꦺꦤ꧀ꦡꦸꦩꦼꦁꦒꦸꦁꦦꦿꦮꦶꦫꦢꦶꦂꦗ꧈ ꦭꦗꦼꦁꦏꦮꦏꦥ꧀ꦥꦏꦼꦤ꧀ꦏꦁꦒꦺꦥꦂꦭꦸꦤꦶꦁꦆꦱ꧀ꦭꦩ꧀ꦭꦤ꧀ꦩꦸꦱ꧀ꦭꦶꦩꦶꦤ꧀ꦲꦶꦁꦱꦭꦩꦶꦭꦩꦶꦤꦶꦥꦸꦤ꧀ꦥꦩ꧀ꦧꦶꦏꦏ꧀ꦏꦶꦥꦸꦤ꧀ꦲꦶꦁꦢꦶꦤ꧀ꦠꦼꦤ꧀ꦏꦼꦩꦶꦱ꧀ꦏꦭꦶꦮꦺꦴꦤ꧀ꦠꦁꦒꦭ꧀ꦏꦥꦶꦁ꧇ ꧑꧖꧇ ꦮꦸꦭꦤ꧀ꦗꦸꦩꦢꦶꦭꦮꦭ꧀ꦠꦲꦸꦤ꧀ꦗꦶꦩ꧀ꦩꦮꦭ꧀ ꧑꧘꧘꧕꧇ ꦲꦸꦠꦮꦶꦯꦸꦂꦪꦏꦥꦶꦁ꧇ 21 ꦮꦸꦭꦤ꧀ꦗꦤꦸꦮꦫꦶ 1954 ꦢꦺꦤ꧀ꦤꦶꦁꦫꦢꦺꦤ꧀ꦔꦤ꧀ꦠꦺꦤ꧀ꦡꦸꦩꦼꦁꦒꦸꦁꦦꦿꦮꦶꦫꦢꦶꦂꦗ꧉ | Adeging Masjid Salikin yasanipun Radèn Ngantèn Tumenggung Prawiradirja. Lajeng kawakapaken kanggé parluning Islam lan muslimin ing salami-laminipun. Pambikakipun ing dinten Kemis Kliwon tanggal kaping 16 wulan Jumadilawal taun Jim awal 1885 utawi Surya kaping 21 wulan Januari 1954 dening Radèn Ngantèn Tumenggung Prawiradirja | |
| ꦏꦠꦿꦁꦔꦤ꧀ | Katrangan | |
| ꧋ ꦱꦢꦺꦫꦺꦁꦔꦶꦥꦸꦤ꧀ꦩꦱ꧀ꦗꦶꦢ꧀ꦱꦭꦶꦏꦶꦤ꧀ꦏꦒꦫꦥ꧀ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦩꦲꦸꦗꦸꦢ꧀ꦥꦤ꧀ꦝꦼꦩꦺꦤ꧀ꦤꦶꦁꦩꦱ꧀ꦗꦶꦢ꧀ꦯꦸꦫꦩ꧀ꦧꦶꦱꦲꦥꦭꦩ꧀ꦥꦃꦲꦤ꧀ꦱꦂꦠꦧꦺꦴꦤ꧀ꦝꦱꦮꦠꦮꦶꦱ꧀ꦏꦢꦺꦴꦱ꧀ꦠ꧇ ꦮꦼꦝꦶꦒꦩ꧀ꦥꦶꦁꦏꦗꦼꦁꦭꦤ꧀ꦱꦤ꧀ꦤꦺꦱ꧀ꦱꦤ꧀ꦤꦺꦱ꧀ꦱꦶꦥꦸꦤ꧀ ꦱꦺꦴꦏꦺꦴꦁꦔꦤ꧀ꦱꦏꦶꦁꦥꦫꦩꦸꦱ꧀ꦭꦶꦩꦶꦤ꧀ꦢꦺꦤ꧀ꦤꦺꦲꦶꦁꦏꦁꦔꦿꦚ꧀ꦕꦁꦱꦲꦔꦮꦠ꧀ꦲꦮꦠ꧀ꦠꦶꦥꦁꦒꦫꦥ꧀ꦥꦶꦥꦸꦤ꧀ꦩꦱ꧀ꦗꦶꦢ꧀ꦫꦢꦺꦤ꧀ꦔꦧꦺꦲꦶꦕꦺꦴꦤ꧀ꦢꦿꦢꦶꦥꦿꦗ꧈ ꦲꦶꦁꦏꦁꦲꦁꦒꦫꦥ꧀ꦫꦢꦺꦤ꧀ꦯꦸꦰꦺꦗ | Sadèrèngipun Masjid Salikin kagarap sampun wonten maujud panḍemèning Masjid, surambi, saha palampahan sarta bonḍasawatawis kadosta: weḍi, gamping, kajeng, lan sanès-sanèsipun. Sokongan saking para muslimin, déné ingkang ngrañcang saha ngawat-awati panggarapipun Masjid: Radèn Ngabèhi Condradipraja, ingkang anggarap Radèn Susèja. | |
| ꦥꦔꦿꦺꦃꦲꦶꦁꦩꦱ꧀ꦗꦶꦢ꧀ꦱꦭꦶꦏꦶꦤ꧀ | Pangrèhing Masjid Salikin | |
| ꦥꦔꦂꦰ꧇ ꦫꦢꦺꦤ꧀ꦲꦗꦶꦩ꦳ꦸꦃꦏ꦳ꦩ꦳ꦢ꧀ꦔꦢ꧀ꦤꦤ꧀
ꦥꦤꦶꦠꦿ꧇ ꦫꦢꦺꦤ꧀ꦔꦧꦺꦲꦶꦕꦺꦴꦤ꧀ꦢꦿꦢꦶꦥꦿꦗ |
Pangarsa: Radèn Haji Muhkhamad Ngadnan.
Panitra: Radèn Ngabèhi Condradipraja. | |
Contoh 5. Al-Quran terjemahan bahasa dan aksara Jawa[besut | besut sumber] | ||
| Q.S. Al-Hijr: 1 | ||
| بِسۡمِ اللهِ الرَّحۡمٰنِ الرَّحِيۡمِ | ꧋ ꦲꦮꦶꦠ꧀ꦲꦶꦁꦏꦁꦄꦱ꧀ꦩꦄꦭ꧀ꦭꦃ꧈ꦏꦁꦩꦲꦩꦸꦫꦃꦠꦸꦂꦩꦲꦲꦱꦶꦃ꧉ | Awit ingkang Asma Allah, kang Maha Murah tur Maha Asih. |
| الۤرٰ تِلۡكَ اٰيٰتُ الۡـڪِتٰبِ وَقُرۡاٰنٍ مُّبِيۡنٍ ﴿۱﴾ | ꧋ ꦲꦭꦶꦥ꦳꧀ ꦭ—ꦩ꧀ ꦫ— ꧌ ꦏꦁꦥꦿꦶꦏ꧀ꦱꦏꦉꦥ꧀ꦥꦺꦩꦸꦁꦄꦭ꧀ꦭꦃꦥꦶꦪꦩ꧀ꦧꦏ꧀ ꧌꧉ ꦩꦁꦏꦺꦴꦤꦺꦴꦲꦶꦏꦸꦄꦪꦠ꧀ꦠꦺꦏꦶꦠꦧ꧀ꦑꦸꦂꦄꦤ꧀ꦏꦁꦥꦿꦠꦺꦭ꧉ | Alif laam raa (kang priksa karepé mung Allah piyambak). Mangkono iku Ayaté Kitab Kur'an kang pratéla. |
| Q.S. Al-Hijr: 28 | ||
| وَاِذۡ قَالَ رَبُّكَ لِلۡمَلٰۤٮِٕڪَةِ اِنِّيۡ خَالـِقٌ بَۢشَرًا مِّنۡ صَلۡصَالٍ مِّنۡ حَمَاٍ مَّسۡنُوۡنٍ ﴿۲۸﴾ | ꧌ ꦲꦺꦩꦸꦲꦩ꧀ꦩꦢ꧀ ꧌ ꦱꦶꦫꦚꦫꦶꦠꦏ꧀ꦤꦤꦭꦶꦏꦄꦭ꧀ꦭꦃꦥꦔꦺꦫꦤ꧀ꦤꦶꦫꦔꦤ꧀ꦢꦶꦏꦩꦫꦁꦩꦭꦆꦏꦠ꧀꧇ ꦲꦶꦁꦱꦸꦤ꧀ꦒꦮꦺꦩꦤꦸꦁꦱꦱꦏꦊꦩꦃꦏꦁꦒꦫꦶꦁꦏꦸꦩꦺꦤ꧀ꦛꦁ꧈ ꦮꦶꦤꦺꦴꦂꦫꦤ꧀ꦧꦚꦸꦔꦤ꧀ꦠꦶꦢꦢꦶꦲꦼꦤ꧀ꦝꦸꦠ꧀ꦲꦶꦫꦺꦁꦠꦸꦂꦩꦩ꧀ꦧꦸ ꧌ ꦱꦏꦢꦺꦤꦶꦁꦭꦮꦱ꧀ꦱꦺ ꧌꧉ | (Hé Muhammad) Sira nyaritakna nalika Allah Pangèranira ngandika marang Malaikat: Ingsun gawé manungsa saka lemah kang garing kumenṭang, winoran banyu nganti dadi enḍut ireng tur mambu (saka déning lawasé). |
Contoh 6. Sebuah artikel di Pusaka Jawi[besut | besut sumber] | ||
| ꧋ ꦧꦧ꧀ꦏꦧꦸꦢꦪꦤ꧀ꦗꦮꦶ ꧉ | Bab Kabudayan Jawi | |
| ꧋ ꦱꦺꦴꦱꦺꦴꦫꦃꦲꦶꦥꦸꦤ꧀ꦠꦸꦮꦤ꧀ꦝꦺꦴꦏ꧀ꦠꦺꦴꦂꦠꦺ꧈ ꦥꦶꦱꦺꦴ꧈ ꦲꦶꦁꦏꦁꦏꦲꦗꦁꦔꦤ꧀ꦲꦶꦁꦥꦲꦼꦩ꧀ꦩꦤ꧀ | Sosorahipun Tuan Ḍoktor T. Piso ingkang kaajangan ing paheman | |
| ꦫꦢꦾꦥꦸꦱ꧀ꦠꦏ | Radyapustaka | |
| ꦤꦭꦶꦏꦱꦸꦂꦪꦏꦥꦶꦁ 22/23 ꦩꦺꦆ 1929 ꧉ | Nalika surya kaping 22/23 Mei 1929 | |
| ꧋ ꦱꦢꦫꦁꦔꦶꦥꦸꦤ꧀ꦏꦸꦭꦱꦺꦴꦱꦺꦴꦫꦃꦱꦮꦠꦮꦶꦱ꧀ꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦱꦂꦠꦲꦱꦭ꧀ꦲꦸꦱꦸꦭ꧀ꦭꦶꦥꦸꦤ꧀ꦏꦧꦸꦢꦪꦤ꧀ꦤꦶꦁꦠꦶꦪꦁꦗꦮꦶ꧈ ꦩꦺꦴꦁꦒꦏꦥꦉꦁꦔꦫꦸꦩꦶꦪꦶꦤ꧀ꦤꦼꦫꦁꦔꦏꦼꦤ꧀ꦠꦼꦩ꧀ꦧꦸꦁꦏꦧꦸꦢꦪꦤ꧀ꦱꦸꦫꦲꦺꦴꦱ꧀ꦱꦶꦥꦸꦤ꧀ꦱꦪꦺꦏ꧀ꦠꦺꦴꦱ꧀ꦥꦸꦤꦥ꧉ | Sadèrèngipun kula sosorah sawatawis bab kawontenanipun sarta asal usulipun kabudayaning tiyang Jawi, mongga kaparenga rumiyin nerangaken tembung kabudayan suraosipun sayektos punapa. | |
| ꧋ ꦠꦼꦩ꧀ꦧꦸꦁꦏꦧꦸꦢꦪꦤ꧀ꦥꦸꦤꦶꦏꦭꦶꦁꦒꦤꦶꦥꦸꦤ꧀ꦧꦸꦢꦪ꧈ ꦩꦤꦮꦶꦠꦼꦒꦼꦱ꧀ꦱꦶꦥꦸꦤ꧀ ꦠꦼꦩ꧀ꦧꦸꦁꦧꦸꦢꦪ꧇ ꦧꦸꦢꦶ꧈ ꦭꦗꦼꦁꦩꦭꦶꦃꦥꦶꦏꦶꦂ꧈ ꦱꦂꦠꦒꦸꦤ꧉ ꦩꦶꦭꦠꦼꦩ꧀ꦧꦸꦁꦏꦧꦸꦢꦪꦤ꧀ꦒꦝꦃꦱꦸꦫꦲꦺꦴꦱ꧀꧇ ꦏꦥꦶꦤ꧀ꦠꦼꦂꦫꦤ꧀ ꦏꦱꦒꦼꦢ꧀ꦢꦤ꧀꧈ ꦱꦥꦸꦤꦶꦏꦤꦶꦥꦸꦤ꧀ꦠꦼꦩ꧀ꦧꦸꦁꦏꦧꦸꦢꦪꦤ꧀ꦮꦲꦸꦏꦁꦒꦺꦤꦶꦥꦸꦤ꧀ꦠꦸꦁꦒꦶꦭ꧀ꦠꦼꦒꦼꦱ꧀ꦏꦭꦶꦪꦤ꧀ꦠꦼꦩ꧀ꦧꦸꦁꦔꦩꦺꦴꦚ꧀ꦕ꧇ kultuur, ꦲꦶꦁꦒꦶꦃꦥꦸꦤꦶꦏꦱꦩꦸꦏꦮꦶꦱ꧀ꦱꦶꦁꦏꦱꦒꦼꦢ꧀ꦢꦤ꧀ꦠꦸꦮꦶꦤ꧀ꦏꦒꦸꦤꦤ꧀ ꦱꦂꦠꦲꦢꦠ꧀ꦮꦠꦺꦴꦤ꧀ꦥꦸꦤꦥꦩꦭꦶꦃꦠꦠꦕꦫꦲꦶꦁꦏꦁꦢꦢꦺꦴꦱ꧀ꦒꦼꦒꦝꦸꦃꦲꦤ꧀ꦤꦶꦥꦸꦤ꧀ꦱꦭꦃꦱꦠꦸꦁꦒꦶꦭ꧀ꦭꦶꦁꦧꦺꦴꦁꦱ꧉ ꦩꦶꦭꦩꦤꦮꦶꦔꦁꦒꦺꦲꦸꦏꦫꦏꦧꦸꦢꦪꦤ꧀ꦤꦶꦁꦠꦶꦪꦁꦗꦮꦶꦥꦸꦤꦶꦏꦲꦶꦁꦏꦁꦏꦫꦲꦺꦴꦱ꧀ꦱꦏꦼꦤ꧀ꦱꦩꦸꦏꦮꦶꦱ꧀ꦲꦶꦁꦏꦱꦒꦼꦢ꧀ꦢꦤ꧀ꦠꦸꦮꦶꦤ꧀ꦏꦒꦸꦤꦤ꧀ꦱꦂꦠꦲꦢꦠ꧀ꦮꦠꦺꦴꦤ꧀ꦥꦸꦤꦥꦩꦭꦶꦃꦠꦠꦕꦫꦲꦶꦁꦏꦁꦢꦶꦥꦸꦤ꧀ꦲꦁꦒꦺꦠꦶꦪꦁꦗꦮꦶ꧈ ꦮꦶꦮꦶꦠ꧀ꦏꦶꦤꦔꦤ꧀ꦠꦺꦴꦱ꧀ꦢꦸꦩꦸꦒꦶꦗꦩꦤ꧀ꦱꦩꦁꦏꦺ꧉ | Tembung kabudayan punika lingganipun budaya, manawi tegesipun, tembung budaya: budi, lajeng malih pikir, sarta guna. Mila tembung kabudayan gaḍah suraos: kapinteran, kasagedan. Sapunikanipun tembung kabudayan wau kanggénipun tunggil teges kaliyan tembung monca: kultuur, inggih punika samukawisasing kasagedan tuwin kagunan, sarta adat waton punapa malih tatacara ingkang dados gegaḍuhanipun salah satunggiling bongsa. Mila manawi nganggé ukara kabudayaning tiyang Jawi punika ingkang karaosaken samukawis ing kasagedan tuwin kagunan sarta adat waton punapa malih tatacara ingkang dipun anggé tiyang Jawi, wiwit kina ngantos dumugi jaman samangké. | |
| ꧋ ꦱꦉꦁꦔꦿꦲꦺꦴꦱ꧀ꦱꦏꦼꦤ꧀ꦲꦸꦏꦫꦏꦧꦸꦢꦪꦤ꧀ꦤꦶꦁꦠꦶꦪꦁꦗꦮꦶꦲꦶꦁꦏꦁꦏꦢꦺꦴꦱ꧀ꦩꦏꦠꦼꦤ꧀ꦱꦸꦫꦲꦺꦴꦱ꧀ꦱꦶꦥꦸꦤ꧀ ꦱꦩ꧀ꦥꦸꦤ꧀ꦠꦺꦠꦺꦭꦏꦧꦸꦢꦪꦤ꧀ꦮꦲꦸꦮꦶꦮꦶꦠ꧀ꦗꦩꦤ꧀ꦏꦶꦤꦢꦸꦩꦸꦒꦶꦱꦩꦁꦏꦺꦏꦛꦃꦲꦺꦮꦃꦲꦶꦥꦸꦤ꧀꧈ ꦲꦸꦥꦩꦶꦤꦶꦥꦸꦤ꧀꧇ ꦲꦶꦁꦗꦩꦤ꧀ꦏꦶꦤꦲꦒꦩꦶꦤꦶꦥꦸꦤ꧀ꦠꦶꦪꦁꦗꦮꦶꦲꦒꦩꦶꦧꦸꦢ꧈ ꦮꦶꦮꦶꦠ꧀ꦗꦩꦤ꧀ꦏꦮꦭꦺꦪꦤ꧀ꦱꦤ꧀ꦠꦸꦤ꧀ꦲꦒꦩꦶꦆꦱ꧀ꦭꦩ꧀꧈ ꦲꦶꦁꦗꦩꦤ꧀ꦏꦶꦤꦥꦚ꧀ꦕꦺꦤ꧀ꦏꦛꦃꦲꦢꦠ꧀ꦮꦠꦺꦴꦤ꧀ꦠꦸꦮꦶꦤ꧀ꦠꦠꦕꦫꦲꦶꦁꦗꦩꦤ꧀ꦱꦩꦁꦏꦺꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦁꦒꦺ꧉ | Sareng ngraosaken ukara kabudayaning tiyang Jawi ingkang kados makaten suraosipun, sampun tétèla kabudayan wau wiwit jaman kina dumugi samangké kaṭah éwahipun. Upaminipun: ing jaman kina agaminipun tiyang Jawi agami Buda, wiwit jaman kawaléan santun agami Islam. Ing jaman kina pancèn kaṭah adat waton tuwin tatacara ing jaman samangké sampun boten kanggé. | |
Contoh 7. Bhāratayuddha dan Rāmāyaṇa[besut | besut sumber] | ||
| ꧋ ꦨꦴꦫꦠꦪꦸꦢ꧀ꦣ꧈ ꦧꦧ꧀ ꧇꧘꧇ ꦯ꧀ꦭꦺꦴꦏ꧇ ꧑꧉ | Bhāratayuddha, bab 8 śloka 1 | |
| ꦔ꧀ꦏꦴ ꦏꦿꦺꦴꦣ ꦏꦽꦰ꧀ꦟ ꦩꦔꦢꦼꦒ꧀ꦱꦏ ꦫꦶꦁ ꦥꦲꦼꦴꦩꦤ꧀꧈ ꦩꦸꦔ꧀ꦒ꧀ꦮꦶꦁ ꦤꦠꦫ꧀ꦱꦶꦫ ꦮꦶꦨꦸꦃ ꦏꦢꦶ ꦏꦴꦭꦩꦽꦠꦾꦸ꧈ ꦩꦶꦤ꧀ꦠꦺꦴꦤꦏꦼꦤ꧀ ꦏꦿꦩ ꦤꦶꦫꦤ꧀ꦠꦸꦲꦸ ꦮꦶꦰ꧀ꦟꦸꦩꦹꦫ꧀ꦠ꧀ꦠꦶ꧈ ꦭꦷꦭꦴ ꦠꦿꦶꦮꦶꦏꦿꦩ ꦩꦏꦴꦮꦏꦶꦏꦁ ꦠꦿꦶꦭꦺꦴꦏ꧉ | Ngkā krodha Kṛṣṇa mangadĕg saka ring pahöman, munggwing natar sira wibhuh kadi Kālamṛtyu, mintonakĕn krama niran tuhu Wiṣṇumūrtti, līlā triwikrama makāwak ikang triloka. | |
| ꧋ ꦫꦴꦩꦴꦪꦟ꧈ ꦏꦕ ꧇꧑꧗꧗꧇ ꦯ꧀ꦭꦺꦴꦏ꧇ ꧓꧑꧉ | Rāmāyaṇa, kaca 177 śloka 31 | |
| ꦗꦲ꧀ꦤꦷ ꦪꦴꦲ꧀ꦤꦶꦁ ꦠꦭꦒ ꦏꦢꦶ ꦭꦔꦶꦠ꧀ ꦩꦩ꧀ꦧꦁ ꦠꦁ ꦥꦴꦱ꧀ꦮꦸꦭꦤꦸꦥꦩ ꦤꦶꦏꦴ꧈ ꦮꦶꦤ꧀ꦠꦁ ꦠꦸꦭꦾꦁ ꦏꦸꦱꦸꦩ ꦪ ꦱꦸꦩꦮꦸꦫ꧀꧈ ꦭꦸꦩꦿꦴ ꦥ꧀ꦮꦺꦏꦁ ꦱꦫꦶ ꦏꦢꦶ ꦗꦭꦢ꧉ | Jahnī yahning talaga kadi langit, mambang tang pās wulan upama nikā, wintang tulyang kusuma ya sumawur, lumrā pwekang sari kadi jalada. | |
Contoh 8. Serat Pustaka Raja Purwa jilid 2[besut | besut sumber] | ||
| ꧋ ꦱꦼꦫꦠ꧀ | Serat | |
| ꦥꦸꦱ꧀ꦠꦏꦫꦗꦥꦸꦂꦮ꧀ꦮꦗꦶꦭꦶꦢꦤ꧀ ꦎꦁꦏ꧇ ꧒꧇ | Pustaka Raja Purwa Jilidan Ongka 2 | |
| ꧋ ꦲꦚꦫꦶꦪꦺꦴꦱ꧀ꦱꦏꦼꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦸꦭꦺꦴꦗꦮꦶ꧈ ꦯꦸꦩꦡꦿ꧈ ꦨꦭꦶ꧈ ꦠꦸꦮꦶꦤ꧀ꦩꦢꦸꦫ꧈ ꦮꦶꦮꦶꦠ꧀ꦠꦲꦸꦤ꧀꧇ ꧓꧑꧐꧇ ꦢꦸꦩꦸꦒꦶꦠꦲꦸꦤ꧀꧇ ꧔꧖꧖꧇ | Anyariyosaken kawontenanipun Pulo Jawi, Sumatra, Bali, tuwin Madura, wiwit taun 310 dumugi taun 466 | |
| ꦧꦧꦺꦴꦤ꧀ꦲꦱ꧀ꦭꦶꦱꦏꦶꦁꦱꦮꦂꦒꦶꦫꦢꦺꦤ꧀ꦔꦧꦺꦲꦶꦫꦺꦴꦁꦓꦮꦂꦰꦶꦡ꧈ ꦦꦸꦗꦺꦴꦁꦓꦲꦶꦁꦏꦫꦡꦺꦴꦤ꧀ꦢꦊꦩ꧀ ꦯꦸꦫꦏꦂꦡꦲꦢꦶꦟꦶꦔꦿꦠ꧀꧈ | Babon asli saking sawargi Radèn Ngabèhi Ronggawarsita, Pujangga ing Karaton Dalem, Surakarta Hadiningrat. | |
| ꧋ ꦏꦲꦼꦕꦥ꧀ꦲꦶꦁꦥꦔꦼꦕꦥ꧀ꦥꦤ꧀ꦤꦶꦥꦸꦤ꧀ ꦠꦸꦮꦤ꧀ ꦲ꧈ ꦨꦸꦟꦶꦁ꧈ ꦲꦶꦁꦔꦪꦺꦴꦒꦾꦏꦂꦡ꧈ | Kaecap ing pangecapanipun Tuan H. Buning, ing Ngayogyakarta, | |
| ꦠꦲꦸꦤ꧀꧇ ꧑꧘꧘꧕꧉ | Taun 1885 | |
| ꦧꦸꦧꦸꦏ | Bubuka | |
| ꧅ ꦲꦺꦴꦁꦮꦺꦲꦼꦤ꧀ꦥꦿꦤꦮꦱꦩꦼꦃ ꧅ | Hongwéhen pranawasameh | |
| ꧅ ꦥꦸꦂꦮꦏꦤ꧀ꦤꦶꦥꦸꦤ꧀ꦱꦼꦫꦠ꧀ꦥꦸꦱ꧀ꦠꦏꦫꦗꦥꦸꦂꦮ꧀ꦮꦗꦶꦭꦶꦢꦤ꧀ ꦎꦁꦏ꧇ ꧒꧇ ꦥꦸꦤ꧀ꦤꦶꦏ꧈ ꦲꦔꦺꦴꦕꦥ꧀ꦥꦏꦼꦤ꧀ꦧꦧꦂꦫꦤ꧀ꦤꦶꦁꦕꦫꦶꦪꦺꦴꦱ꧀ꦱꦶꦥꦸꦤ꧀ꦱꦼꦫꦠ꧀ꦩꦲꦫꦗ꧈ ꦲꦶꦁꦏꦁꦏꦮꦿꦠ꧀ꦧꦧ꧀ꦏꦥꦶꦁ꧇ ꧔꧇ ꦲꦶꦁꦱꦼꦫꦠ꧀ꦥꦸꦱ꧀ꦠꦏꦫꦗꦥꦸꦂꦮ꧀ꦮ꧉ ꦩꦼꦁꦒꦃꦱꦼꦫꦠ꧀ꦥꦸꦱ꧀ꦠꦏꦫꦗꦥꦸꦂꦮ꧀ꦮꦱꦢꦪꦮꦲꦸꦥꦸꦤ꧀ꦤꦶꦏ꧈ ꦲꦶꦪꦱꦤ꧀ꦤꦶꦥꦸꦤ꧀ꦱꦿꦶꦨꦛꦫꦲꦗꦶꦗꦪꦨꦪ꧈ ꦟꦡꦨꦶꦟꦛꦫꦲꦶꦁꦤꦸꦯ꧀ꦮꦗꦮꦶ꧈ ꦲꦶꦁꦏꦁꦲꦏꦝꦡꦺꦴꦤ꧀ꦤꦒꦫꦶꦢꦲ꧈ ꦲꦶꦁꦒꦶꦃꦲꦶꦁꦩꦩꦼꦤ꧀ꦤꦁꦠꦤ꧀ꦤꦃꦏꦝꦶꦫꦶ꧈ ꦏꦢꦺꦴꦱ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦒꦚ꧀ꦕꦂꦫꦏꦼꦤ꧀ꦠꦸꦩꦿꦥ꧀ꦲꦶꦁꦧꦸꦧꦸꦏꦤꦶꦥꦸꦤ꧀ꦱꦼꦫꦠ꧀ꦥꦸꦱ꧀ꦠꦏꦫꦗꦥꦸꦂꦮ꧀ꦮꦗꦶꦭꦶꦢꦤ꧀ ꦎꦁꦏ꧇ ꧑꧇ ꦮꦺꦴꦤ꧀ꦢꦺꦤ꧀ꦤꦺꦲꦸꦫꦸꦠ꧀ꦠꦶꦥꦸꦤ꧀ꦕꦫꦶꦪꦺꦴꦱ꧀ꦏꦢꦺꦴꦱ꧀ꦲꦶꦁꦔꦟ꧀ꦝꦥ꧀ꦥꦸꦤ꧀ꦤꦶꦏ꧇ | Purwakanipun Serat Pustaka Raja Purwa jilidan ongka 2 punika, angocapaken babaraning cariyosipun Serat Maharaja, ingkang kawrat bab kaping 4 ing Serat Pustaka Raja Purwa. Menggah Serat Pustaka Raja Purwa sadaya wau punika, hiasanipun Sri Baṭara Aji Jayabaya, Natabinaṭara ing Nuswa Jawi, ingkang akaḍaton Nagari Daha, inggih ing Mamenang tanah Kaḍiri, kados ingkang sampun kagancaraken tumrap ing bubukanipun, Serat Pustaka Raja Purwa jilidan ongka 1 wondéné urutipun cariyos kados ing nganḍap punika. | |
| ꧇ ꦕꦠꦸꦂꦠꦏꦟ꧀ꦝꦼꦃ ꧇ | Caturtakanḍeh | |
| ꦧꦧ꧀ꦏꦥꦶꦁ꧇ ꧔꧇ | Bab kaping 4 | |
| ꧅ ꦲꦩꦿꦠꦺꦭꦏ꧀ꦲꦏꦼꦤ꧀ꦧꦧꦂꦫꦤ꧀ꦤꦶꦥꦸꦤ꧀ꦱꦼꦫꦠ꧀ꦩꦲꦫꦗꦥꦸꦤ꧀ꦤꦶꦏ꧈ ꦏꦥꦺꦫꦁꦢꦢꦺꦴꦱ꧀ꦱꦏꦮꦤ꧀ꦭꦩ꧀ꦥꦃꦲꦤ꧀ ꦥꦺꦫꦁꦔꦤ꧀ ꦎꦁꦏ꧇ ꧑꧇ ꦤꦩꦱꦼꦫꦠ꧀ꦫꦗꦏꦤ꧀ꦮ꧈ ꦏꦲꦁꦒꦶꦠ꧀ꦢꦺꦤ꧀ꦤꦶꦁꦲꦼꦩ꧀ꦥꦸꦮꦶꦯꦏꦲꦶꦁꦩꦩꦼꦤ꧀ꦤꦁ꧈ ꦥꦔꦁꦒꦶꦠ꧀ꦠꦶꦥꦸꦤ꧀ꦤꦭꦶꦏꦠꦲꦸꦤ꧀ꦱꦸꦂꦪꦾꦱꦔ꧀ꦏꦭ꧇ ꧘꧕꧒꧇ ꦠꦲꦸꦤ꧀ꦕꦟ꧀ꦢꦿꦱꦔ꧀ꦏꦭꦲꦩꦉꦁꦔꦶ꧇ ꧘꧗꧘꧉ | Amratèlakaken babaranipun Serat Maharaja punika, kapérang dados sakawan lampahan, pérangan, ongka 1 nama Serat Raja Kanwa, kaanggit déning Empu Wisaka ing Mamenang, panganggitipun nalika taun surya sangkala 852 taun candra sangkala amarengi 878. | |
| ꧅ ꦮꦶꦪꦺꦴꦱ꧀ꦱꦶꦥꦸꦤ꧀ ꦩꦼꦁꦒꦃꦲꦶꦁꦏꦁꦢꦢꦺꦴꦱ꧀ꦧꦸꦧꦸꦏꦏꦕꦫꦶꦪꦺꦴꦱ꧀ꦱꦏꦼꦤ꧀ꦫꦸꦩꦶꦪꦶꦤ꧀ ꦠꦸꦩꦿꦥ꧀ꦲꦶꦁꦱꦼꦫꦠ꧀ꦫꦗꦏꦤ꧀ꦮ꧈ ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ꦱꦩ꧀ꦧꦿꦩ꧈ ꦲꦺꦠꦁꦔꦶꦁꦠꦲꦸꦤ꧀ꦱꦸꦂꦪꦾꦱꦔ꧀ꦏꦭ꧇ ꧓꧐꧑꧇ ꦠꦶꦤ꧀ꦤꦼꦔꦼꦂꦫꦤ꧀ ꦱꦺꦭꦧꦼꦤ꧀ꦠꦂꦏꦠꦺꦴꦤ꧀ꦩꦸꦭꦸꦏ꧀꧈ ꦏꦲꦺꦠꦁꦲꦶꦁꦠꦲꦸꦤ꧀ꦕꦟ꧀ꦢꦿꦱꦔ꧀ꦏꦭ꧇ ꧓꧑꧐꧇ ꦠꦶꦤ꧀ꦤꦼꦔꦼꦂꦫꦤ꧀ ꦧꦫꦏ꧀ꦏꦤ꧀ꦤꦶꦁꦫꦗꦮꦺꦢ꧀ꦝ꧉ | Wiyosipun, menggah ingkang dados bubuka kacariyosaken rumiyin, tumrap ing Serat Raja Kanwa, ing salebeting taun sambrama, etanging taun surya sangkala 301 tinengeran, séla bentar katon muluk. Kaétang ing taun candra sangkala 310 tinengeran, barakaning Raja Wédḍa. | |
| ꧋ ꦏꦕꦫꦶꦪꦺꦴꦱ꧀ ꦲꦶꦁꦤꦭꦶꦏꦥꦸꦤ꧀ꦤꦶꦏ꧈ ꦲꦶꦁꦏꦁꦗꦸꦩꦼꦤ꧀ꦤꦼꦁꦫꦡꦸꦲꦒꦼꦁꦲꦩꦼꦁꦏꦸꦠꦭꦠꦃꦲꦶꦥꦸꦤ꧀ꦤꦸꦯ꧀ꦮꦗꦮꦶꦱꦢꦪ꧈ ꦢꦺꦮꦲꦤ꧀ꦤꦩꦯꦁꦲꦾꦁꦫꦸꦢꦿꦱꦝꦺꦫꦺꦏ꧀ꦏꦶꦥꦸꦤ꧀ꦱꦁꦲꦾꦁꦗꦓꦢ꧀ꦟꦡ꧈ ꦲꦏꦝꦡꦺꦴꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦓꦶꦭꦶꦔꦪꦠꦤ꧀ꦤꦃꦦꦿꦪꦁꦔꦤ꧀ ꦯꦁꦲꦾꦁꦫꦸꦢꦿꦲꦗꦸꦗꦸꦭꦸꦏ꧀ꦱꦿꦶꦩꦲꦫꦗꦢꦺꦮꦲꦺꦯ꧈ ꦥꦸꦠꦿꦤ꧀ꦤꦶꦥꦸꦤ꧀ꦏꦏꦸꦁꦲꦶꦁꦏꦁꦤꦩꦦꦿꦨꦸꦦꦏꦸꦏꦸꦃꦲꦤ꧀ ꦲꦫꦫꦡꦺꦴꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦡꦯꦶꦏ꧀ꦩꦢꦸ꧉ ꦏꦕꦫꦶꦪꦺꦴꦱ꧀ ꦱꦉꦁꦢꦸꦩꦸꦒꦶꦤ꧀ꦤꦶꦥꦸꦤ꧀ꦩꦺꦴꦁꦱꦱꦶꦠꦿ꧈ ꦦꦚ꧀ꦗꦼꦤ꧀ꦤꦼꦔꦤ꧀ꦤꦶꦥꦸꦤ꧀ꦦꦿꦨꦸꦦꦏꦸꦏꦸꦃꦲꦤ꧀ꦲꦶꦁꦡꦯꦶꦏ꧀ꦩꦢꦸ꧈ ꦗꦼꦁꦏꦂꦲꦔꦭꦶꦃꦏꦝꦡꦺꦴꦤ꧀ꦲꦶꦁꦤꦒꦫꦶꦦꦸꦂꦮꦕꦫꦶꦡ꧈ ꦲꦶꦁꦒꦶꦃꦥꦸꦤ꧀ꦤꦶꦏꦠꦤ꧀ꦤꦃꦠꦶꦭꦱ꧀ꦏꦝꦡꦺꦴꦤ꧀ꦲꦶꦁꦦꦸꦂꦮꦕꦫꦶꦡꦏꦥꦶꦁꦏꦭꦶꦃ꧈ ꦲꦶꦁꦏꦁꦲꦶꦁꦔꦗꦼꦁꦏꦒꦼꦩ꧀ꦫꦗꦨꦺꦫꦮꦲꦶꦁꦒꦶꦃꦯꦁꦲꦾꦁꦏꦭ꧈ ꦠꦸꦮꦶꦤ꧀ꦫꦗꦨꦸꦢ꧀ꦝꦏꦽꦰ꧀ꦟꦲꦶꦁꦒꦶꦃꦯꦁꦲꦾꦁꦮꦶꦰ꧀ꦟꦸ꧉ ꦢꦸꦩꦸꦤꦸꦁꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦱꦸꦏꦸꦤꦶꦥꦸꦤ꧀ꦮꦸꦏꦶꦂꦩꦲꦺꦟ꧀ꦢꦿ꧈ ꦲꦶꦁꦏꦁꦲꦶꦁꦩꦁꦏꦺꦏꦮꦱ꧀ꦠꦤ꧀ꦤꦤ꧀ꦉꦢꦶꦭꦮꦸꦏꦊꦧꦼꦠ꧀ꦮꦮꦼꦁꦏꦺꦴꦤ꧀ꦤꦶꦥꦸꦤ꧀ꦠꦤ꧀ꦤꦃꦯꦸꦫꦏꦂꦡ꧈ ꦦꦿꦨꦸꦦꦏꦸꦏꦸꦃꦲꦤ꧀ ꦭꦗꦼꦁꦲꦱꦶꦱꦶꦭꦶꦃꦤꦩꦦꦿꦨꦸꦯꦿꦶꦩꦲꦦꦸꦁꦓꦸꦁ꧈ ꦤꦒꦫꦶꦤ꧀ꦤꦶꦥꦸꦤ꧀ꦭꦱ꧀ꦠꦤ꧀ꦠꦸꦤ꧀ꦮꦶꦤ꧀ꦤꦱ꧀ꦠꦤ꧀ꦤꦤ꧀ꦦꦸꦂꦮꦕꦫꦶꦡ꧈ ꦫꦢꦺꦤ꧀ꦗꦏꦦꦸꦫꦶꦁꦏꦶꦤ꧀ꦤꦂꦪꦦꦦꦡꦶꦃ꧈ ꦉꦰꦶꦫꦢ꧀ꦝꦶꦏꦶꦤ꧀ꦤꦂꦪꦧꦿꦲ꧀ꦩꦤ꧈ ꦏꦥꦫꦶꦁꦔꦤ꧀ꦤꦩꦧꦿꦲ꧀ꦩꦤꦫꦢ꧀ꦝꦶ꧈ ꦱꦫꦲꦫꦶꦤ꧀ꦤꦶꦥꦸꦤ꧀ꦢꦺꦮꦶꦩꦟꦶꦱ꧀ꦱꦩꦶꦏꦢꦢꦺꦴꦱ꧀ꦱꦏꦼꦤ꧀ꦥꦸꦁꦒꦮ ꧉ ꧆ ꧉ | Kacariyos, ing nalika punika, ingkang Jumeneng Ratu Ageng hamengku talatahipun Nuswa Jawi sadaya, déwa anama Sang Hyang Rudra saḍèrèkipun Sang Hyang Jagadnata, akaḍaton wonten ing Gilingaya tanah Prayangan, Sang Hyang Rudra ajujuluk Sri Maharaja Déwa Ésa, putranipun kakung ingkang nama Prabu Pakukuhan, araraton wonten ing Tasikmadu. Kacariyos, sareng dumuginipun mongsa sitra, panjenenganipun Prabu Pakukuhan ing Tasikmadu, jengkar hangalih kaḍaton ing Nagari Purwacarita, inggih punika tanah tilas kaḍaton ing Purwacarita kaping kalih, ingkang ing ngajeng kagem Raja Bérawa inggih Sang Hyang Kala, tuwin Raja Budḍa Kresna inggih Sang Hyang Wisnu. Dumunungipun wonten sukunipun wukir mahéndra, ingkang ing mangké kawastanan redi lawu kalebet wawengkonipun Tanah Surakarta, Prabu Pakukuhan, lajeng asisilih nama Prabu Sri Mahapunggung, nagarinipun lastantun winastanan Purwacarita. Radèn Jaka Puring kinarya papatih, Resi Radḍi kinarya brahmana, kaparingan nama Brahmana Radḍi, saraharinipun Dewi Manis sami kadadosaken punggawa. | |
| ꧅ ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ꦧꦶꦯ꧀ꦮꦮꦶꦯꦸ꧈ ꦲꦺꦠꦁꦔꦶꦁꦠꦲꦸꦤ꧀ꦱꦸꦂꦪꦾꦱꦔ꧀ꦏꦭ꧇ ꧓꧐꧒꧇ ꦠꦶꦤ꧀ꦤꦼꦔꦼꦂꦫꦤ꧀ ꦏꦼꦩ꧀ꦧꦂꦧꦫꦏ꧀ꦏꦤ꧀ꦤꦶꦁꦒꦸꦤ꧉ ꦏꦲꦺꦠꦁꦲꦶꦁꦠꦲꦸꦤ꧀ꦕꦟ꧀ꦢꦿꦱꦔ꧀ꦏꦭ꧇ ꧓꧑꧑꧇ ꦠꦶꦤ꧀ꦤꦼꦔꦼꦂꦫꦤ꧀ ꦫꦸꦥꦕꦺꦴꦟ꧀ꦢꦿꦏꦠꦺꦴꦤ꧀ꦲꦶꦁꦒꦒꦤ꧉ | Ing salebeting taun biswawisu, etanging taun surya sangkala 302 tinengeran, kembar barakaning guna. Kaétang ing taun candra sangkala 311 tinengeran, rupa condra katon ing gagana. | |
| ꧋ ꦲꦩꦉꦁꦔꦶꦩꦺꦴꦁꦱꦏꦂꦠ꧀ꦡꦶꦏ꧈ ꦏꦕꦫꦶꦪꦺꦴꦱ꧀ ꦦꦿꦩꦺꦯ꧀ꦮꦫꦶꦟꦡꦲꦶꦁꦏꦁꦤꦩꦢꦺꦮꦶꦩꦟ꧀ꦤꦶꦱ꧀ꦱꦺꦢ꧉ | Amarengi mongsa kartika, kacariyos, Pramèswari Nata ingkang nama Dewi Manis seda. | |
Contoh 9. Serat Dewaruci[besut | besut sumber] | ||
| ꧋ ꦱꦼꦫꦠ꧀꧇ ꦪꦢꦮꦫꦸꦕꦶ꧈ ꦩꦮꦶꦮꦽꦢꦶ ꧉ | Serat Dewaruci, Mawi Wredi | |
| ꧅ ꧉ ꦧ꧀ꦖ ꧉ ꧅ ꦤꦶꦲꦤ꧀ꦢꦺꦴꦤ꧀ꦤꦶꦁꦔꦸꦭꦸꦤ꧀ꦩꦤꦸꦭꦠ꧀ꦱꦿꦶ꧈ ꦩꦿꦶꦁꦱꦂꦏꦫꦩꦩꦿꦶꦃꦩꦩꦂꦢ꧀ꦢꦮ꧈ ꦠꦾꦱ꧀ꦮꦶꦒꦼꦤ꧀ꦤꦥꦚ꧀ꦗꦸꦠꦤ꧀ꦤꦺ꧈ ꦗꦸꦮꦼꦠ꧀ꦱꦶꦭꦂꦗꦺꦁꦠꦸꦮꦸꦃ꧈ ꦮꦲꦤꦤ꧀ꦤꦶꦁꦏꦲꦤꦤ꧀ꦗꦠꦶ꧈ ꦱꦸꦗꦤꦥꦫꦩꦂꦠ꧈ ꦮꦶꦠꦤ꧀ꦤꦶꦁꦠꦸꦩꦸꦮꦸꦃ꧈ ꦮꦶꦤ꧀ꦤꦔꦸꦤ꧀ꦤꦶꦁꦏꦁꦱꦱ꧀ꦩꦶꦠ꧈ ꦒꦶꦤꦸꦥꦶꦠꦲꦶꦁꦏꦮꦶꦫꦺꦃꦧꦶꦩꦱꦸꦕꦶ꧈ ꦮꦶꦤ꧀ꦤꦔꦸꦤ꧀ꦭꦮꦤ꧀ꦗꦂꦮ꧉ ꧃ ꦮꦽꦏꦺꦴꦝꦫꦢꦸꦏ꧀ꦥꦸꦫꦸꦲꦶꦠꦩꦿꦶꦁ꧈ ꦝꦚꦁꦢꦸꦂꦟꦏꦶꦤꦺꦤ꧀ꦔꦸꦥꦪꦲ꧈ ꦠꦺꦴꦪꦲꦶꦁꦏꦁꦤꦸꦕꦺꦏ꧀ꦲꦏꦺ꧈ ꦩꦫꦁꦱꦫꦶꦫꦤ꧀ꦤꦶꦥꦸꦤ꧀ ꦮꦽꦏꦺꦴꦝꦫꦩꦤ꧀ꦠꦸꦏ꧀ꦮꦮꦂꦠꦶ꧈ ꦩꦫꦶꦁꦤꦒꦿꦶꦔꦩꦂꦡ꧈ ꦥꦩꦶꦠ꧀ꦏꦢꦁꦱꦼꦥꦸꦃ꧈ ꦱꦶꦫꦦꦿꦨꦸꦪꦸꦝꦶꦰ꧀ꦛꦶꦫ꧈ ꦏꦁꦥꦫꦫꦶꦱꦢꦪꦤꦸꦗꦸꦩꦉꦁꦔꦶ꧈ ꦲꦤꦺꦁꦔꦂꦱꦤꦶꦁꦫꦏ꧉ ꧃ ꦲꦂꦪꦯꦺꦟꦩꦠꦸꦂꦲꦶꦁꦫꦏꦗꦶ꧈ ꦭꦩꦸꦤ꧀ꦲꦂꦱꦏꦺꦱꦃꦩꦩꦿꦶꦃꦠꦺꦴꦪ꧈ ꦢꦺꦤ꧀ꦤꦶꦁꦒꦸꦫꦸꦥꦶꦠꦸꦢꦸꦃꦲꦺ꧈ ꦱꦿꦶꦢꦂꦩꦦꦸꦠꦿꦔꦸꦔꦸꦤ꧀ ꦲꦩꦶꦪꦂꦱꦲꦠꦸꦂꦫꦶꦔꦫꦶ꧈ ꦕꦶꦤ꧀ꦤꦶꦥ꧀ꦠꦥꦿꦥ꧀ꦠꦺꦁꦧꦪ꧈ ꦟꦫꦺꦟ꧀ꦢꦿꦩꦔꦸꦤ꧀ꦏꦸꦁ꧈ ꦢꦾꦤ꧀ꦱꦠꦿꦶꦪꦢꦟꦚ꧀ꦗꦪ꧈ ꦩꦠꦸꦂꦤꦼꦩ꧀ꦧꦃꦲꦶꦁꦫꦏꦯꦿꦶꦟꦫꦦꦡꦶ꧈ ꦥꦸꦤ꧀ꦤꦶꦏꦠꦤ꧀ꦱꦏꦺꦕ꧉ ꧃ ꦲꦶꦁꦒꦶꦃꦱꦩ꧀ꦥꦸꦤ꧀ꦥꦢꦸꦏꦭꦶꦭꦤ꧀ꦤꦶ꧈ ꦫꦪꦶꦢꦊꦩ꧀ꦏꦺꦱꦃꦲꦺꦥꦸꦤ꧀ꦤꦶꦏ꧈ ꦧꦺꦴꦠꦼꦤ꧀ꦱꦏꦺꦕ ꦫꦲꦺꦴꦱ꧀ꦱꦺ꧈ ꦲꦂꦪꦏꦭꦶꦃꦮꦺꦴꦠ꧀ꦱꦤ꧀ꦠꦸꦤ꧀ ꦲꦶꦁꦒꦶꦃꦱꦩ꧀ꦥꦸꦤ꧀ꦠꦸꦮꦤ꧀ꦭꦶꦭꦤ꧀ꦤꦶ꧈ ꦮꦠꦏ꧀ꦫꦏꦥꦢꦸꦏ꧈ ꦔꦱ꧀ꦠꦶꦤꦥꦸꦏꦸꦭꦸꦤ꧀ ꦏꦂꦪꦩꦔꦺꦟ꧀ꦢꦿꦱꦁꦱꦫ꧈ ꦉꦰꦶꦢꦸꦂꦟꦒꦶꦤꦸꦧꦼꦭ꧀ꦥꦸꦫꦶꦃꦔꦥꦸꦱ꧀ꦱꦶ꧈ ꦱꦶꦂꦤꦤ꧀ꦤꦶꦁꦥꦿꦥꦟ꧀ꦝꦮ꧉ ꧃ ꦮꦽꦏꦺꦴꦝꦫꦩꦶꦪꦂꦱꦤꦲꦸꦂꦫꦶ꧈ ꦲꦶꦁꦱꦸꦤ꧀ꦩꦺꦴꦁꦱꦏꦼꦤ꧀ꦤꦲꦢꦺꦤ꧀ꦲꦩ꧀ꦥꦃ꧈ ꦩꦠꦶꦪꦔꦸꦩꦸꦂꦏꦸꦝꦺꦮꦺ꧈ ꦮꦺꦴꦁꦤꦼꦢꦾꦩꦿꦶꦃꦥꦶꦤꦸꦠꦸꦱ꧀ ꦥꦤꦸꦁꦒꦭ꧀ꦭꦺꦲꦾꦁꦩꦲꦱꦸꦕꦶ꧈ ꦲꦂꦪꦯꦺꦟꦱꦏ꧀ꦱꦤ꧈ ꦏꦭꦺꦥꦠ꧀ꦱꦸꦩꦼꦩ꧀ꦥꦿꦸꦁ꧈ ꦯꦿꦶꦟꦫꦺꦟ꧀ꦢꦿꦪꦸꦝꦶꦰ꧀ꦛꦶꦫ ꧈ ꦩꦮꦶꦃꦲꦫꦶꦏꦠꦒꦶꦔꦸꦔꦸꦤ꧀ꦠꦤ꧀ꦱꦶꦥꦶ꧈ ꦭꦶꦂꦠꦶꦤ꧀ꦤꦼꦧꦏ꧀ꦩꦺꦴꦁꦠꦸꦤ꧀ꦤ꧉ ꧃ ꦠꦤ꧀ꦮꦶꦤ꧀ꦤꦂꦤꦏꦁꦏꦫꦶꦥꦿꦶꦃꦲꦠꦶꦤ꧀ ꦏꦮꦸꦮꦸꦱ꧀ꦱꦭꦩ꧀ꦥꦃꦲꦶꦫꦯꦺꦟ꧈ ꦠꦤ꧀ꦥꦮꦢꦾꦲꦩꦸꦁꦝꦺꦮꦺ꧈ ꦩꦸꦁꦧꦗꦿꦱꦶꦟ꧀ꦝꦸꦁꦫꦶꦮꦸꦠ꧀ ꦲꦩ꧀ꦧ꧀ꦧꦼꦧꦼꦤ꧀ꦤꦼꦂꦩꦸꦫꦁꦲꦶꦁꦩꦂꦒꦶ꧈ ꦥꦿꦲꦫꦩꦸꦁꦒꦺꦁꦔꦂꦱ꧈ ꦒꦺꦴꦫꦫꦺꦃꦒꦸꦩꦸꦫꦸꦃ꧈ ꦏꦒꦾꦠ꧀ꦩꦶꦫꦶꦱ꧀ꦮꦺꦴꦁꦥꦢꦺꦱꦤ꧀ ꦏꦁꦏꦲꦩ꧀ꦧꦃꦏꦁꦏꦥꦿꦁꦒꦸꦭ꧀ꦝꦺꦴꦝꦺꦴꦏ꧀ꦲꦗꦿꦶꦃ꧈ ꦲꦟ꧀ꦝꦼꦥꦺꦱ꧀ꦤꦼꦩ꧀ꦧꦃꦤꦼꦩ꧀ꦧꦃ꧉ | Nihandoning ngulun manulat sri, mring sarkara mamrih mamarddawa, tyaswigena panjutané, juwet silar jèng tuwuh, wahananing kahanan jati, sujana paramarta, witaning tumuwuh, winanguning kang sasmita, ginupita ing kawi rèh bima suci, winangun lawan jarwa. Wrekoḍara dukpuruhita mring, ḍanyang Durna kinèn ngupayaha, toya ingkang nucèkake, marang sariranipun Wrekoḍara mantuk wawarti, maring Nagri Ngamarta, pamit kadang sepuh, sira Prabu Yuḍisṭira, kang para risadaya nujumarengi, aneng ngarsaning raka. Aryasèna matur ing rakaji, lamun harsa kèsah mamrih toya, déning guru pituduhé, Sri Darmaputra ngungun, amiyar saha turingari, cinipta praptèng baya, Naréndra mangunkung, dyan satriya dananjaya, matur nembah ing raka Sri Narapati, punika tansakéca. Inggih sampun paduka lilani, rayi dalem kèsahé punika, boten sakéca raosé, arya kalih wotsantun, inggih sampun tuan lilani, watak raka paduka, Ngastina pukulun, karya mangéndra sangsara, Resi Durna ginubel purih ngapusi, sirnaning pra Panḍawa. Wrekoḍara miyar sanahuri, ingsun mongsakena adèn ampah, matia ngumurku ḍéwé, wong nedya mrih pinutus, panunggalé hyang mahasuci, Aryasèna saksan, kalèpat sumemprung, Sri Naréndra Yuḍisṭira, miwaha rika tiga ngunguntansipi, lir tinebak mongtuna. Tanwinarna kang kari prihatin, kawuwusa lampahira Sèna, tanpa wadya amung ḍéwé, mung bajra sinḍung riwut, ambebener murang ing margi, prahara munggéng ngarsa, gorarèh gumuruh, kagyat miris wong padésan, kang kaambah kang kapranggul ḍoḍok ajrih, andepés nembah-nembah. | |
butir2[besut | besut sumber]
| Teks Jawa | Alihaksara Latin | Terjemahan Indonesia | Terjemahan Inggris |
|---|---|---|---|
| ꧇꧕꧇ ꧋ ꦮꦢꦾꦧꦭꦏꦁꦱꦼꦤꦼꦁꦏꦮꦸꦭꦲꦭꦶꦠ꧀ꦲꦶꦏꦸꦢꦢꦶꦱꦼꦤꦼꦁꦔꦤ꧀ꦤꦺꦥꦫꦏꦮꦸꦭꦱꦗꦿꦺꦴꦤꦶꦁꦥꦿꦗ꧈ ꦒꦮꦺꦏꦸꦏꦸꦃꦱꦂꦠꦩꦶꦤꦔ꧀ꦏꦠꦩꦺꦁꦔꦶꦁꦤꦒꦫ꧉ | 5. Wadyabala kang seneng kawula alit, iku dadi senengane para kawula sajroning praja, gawe kukuh sarta minangka tamenging negara. | 5. Prajurit yang mencintai rakyat jelata, akan disayangi rakyat dalam negara itu, dan membuat kokohnya negara dan menjadi perisai negara. | 5. Soldiers who love the common people will be loved by the people of the country, and they will provide strength to the country and serve as a shield to it. |
Lyrics[besut | besut sumber]
| おもちゃの兵隊が木々をかき分けて | omocha no heitai ga kigi o kakiwakete |
| パッパラ、口笛を吹いてさ | pappara, kuchibue o fuite sa |
| そんな夢の続きが今、ボクを引き止めて | sonna yume no tsuzuki ga ima, boku o hikitomete |
| さっきからまるで眠くないんだよ | sakki kara marude nemukunai nda yo |
| 顔、体形、瞳の色、髪型じゃわからない | kao, katachi, me no iro, kamigata ja wakaranai |
| ハリボテの日々を行け | haribote no hibi o yuke |
| ボクもこんな風に出来るはず | boku mo konna fuu ni dekiru hazu |
| 麒麟児にゃ努力も欠かせない | kirinji nya doryoku mo kakasenai |
| 何千何百回繰り返してさ | nan sen nan hyaku kai kurikaeshite sa |
| 生まれた命だよ、さあ I'll go | umareta inochi da yo, saa I'll go |
| 大人の話す未来はちょっと飽き飽きで | otona no hanasu mirai wa chotto aki aki de |
| ラッタラ、口笛を吹いてさ | rattara, kuchibue o fuite sa |
| 昨日の夢の続きに今、ボクは魅せられて | kinou no yume no tsuzuki ni ima, boku wa miserarete |
| さっきからまるで聞いてないんだよ | sakki kara marude kiitenai nda yo |
| 歴史上に残るような | rekishi jou ni nokoru you na |
| 泡沫、消えちゃうような | utakata, kiechau you na |
| 1,2,3 で雲の上 | wan, tsuu, surii de kumonoue |
| どんな悲しい出来事も | donna kanashii dekigoto mo |
| 湯がいて食べて寝てまた明日 | yu ga ite tabete nete mata ashita |
| なんか隣の星くらいは | nanka tonari no hoshi kurai wa |
| 行けそうな気分だよ、さあ I'll go | ike sou na kibun da yo, saa I'll go |
| ボクもこんな風に出来るはず | boku mo konna fuu ni dekiru hazu |
| 麒麟児にゃ努力も欠かせない | kirinji nya doryoku mo kakasenai |
| 何千何百回繰り返してさ | nan sen nan hyaku kai kurikaeshite sa |
| 生まれた命だよ、さあ I'll go | umareta inochi da yo, saa I'll go |
| 生まれた命だろ、さあ歩こう | umareta inochi daro, saa arukou |