Nuri-raja ambon
| Nuri-raja Ambon | |
|---|---|
| |
| Di Brevard Zoo, Florida, Amérikah Sarékat | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Aves |
| Ordho: | Psittaciformes |
| Superfamili: | Psittacoidae |
| Famili: | Psittaculidae |
| Subfamili: | Psittaculinae |
| Tribe: | Polytelini |
| Génus: | Alisterus |
| Spésies: | A. amboinensis |
| Jeneng binomial | |
| Alisterus amboinensis (Linnaeus, 1766) | |
Manuk Nuri Raja Ambon (Alisterus amboinensis) pantes dadi manuk khas Maluku. Manuk Nuri Raja Ambon kerep karan Nuri Raja baé. Kéwan iki sajeroning basa Inggris dikenal minangka jeneng moluccan King-prrot, Ambon King Parrot, utawa Ambonia King Parrot. Wondéné ing sajeroning basa latin manuk endemik maluku iki karan Alisterus amboinensis. Nuri raja utawa Ambonia King Parrot (Alisterus amboinensis) wujud siji saka 3 anggota King Parrot (Genus: Alisterus) saliyané Nuri Raja Papua utawa Papua King Parrot (Alisterus chloropterus) lan Nuri Raja Australia utawa Austrlian King Parrot (Alisterus scapularis).[2]
Dèskripsi[besut | besut sumber]
Penampilan manuk Nuri raja ambon pancèn khas. Saliyané kaya jinis manuk Nuri liyané kang duwèni cucuk bengkok, manuk kang duwèni dawa awaké kia-kira 35cm iki duwé wulu kang apik lan jelas kanti gabungan warna abang, ijo, lan biru. Wulu kang ana ing endas lan dhadha manuk Nuri raja ambon (Alisterus amboinensis) wernané abang. Swiwiné wernané ijo utawa biru enom, utawa biru tuwa. Manuk endemik kang dikukuhaké minangka maskot provinsi Maluku ditambah karo Anggrèk Larat minangka flora identitas provinsiné. Manuk iki urip kanthi berpasangan utawa kanthi kelompok cilik kanti suwara ocèhan kang rodok ricuh. Manuk Nuri raja ambon mangané woh-wohan, madu, lan pucuké wit-witan. Manuk iki manggon ana ing bolongan-bolongan kang ana ing wit. Kawiné manuk iki racaké ing wulan februari lan wulan Méret.[2]
Populasi[besut | besut sumber]
Manuk nuri raja ambon (Alisterus amboinensis) wujud kéwan èndemik kang urip ing pulo Ambon, Seram lan wewengkon maluku Tengah liyané sarta wewengkon Maluku Utara kaya ta pulo Halmahera. Manuk nuri raja ambon manggon ing alas-alas daratan cendhèk lan kebon-kebon nganti keduwuran 1.400 mèter ing duwuré lumah sagara. Populasi Manuk kang duwèni wulu apik lan jelas iki ing alamé, diperkirakaké sakiwa-tengené 70.000 iji (IUCN Redlist: 1997). lan andhedhasar jumlah populasi mau déning IUCN Redlist lan BirdLife International manuk kang dikenal minangka jeneng Amboina King Parrot iki dikategorikaké sajeroning status konservasi Least Concern (resiko endèk) awit taun 1988, sanajan ing pèriode 1994-2000 statusé pernah dimunggahaké dadi Near Threatened (mèh terancam). Wondene CITES ndaftar sajeroning apendiks 2.[2]
Anceman utama kanggoné populasi manuk maskot Maluku iki ya iku muduné habitat amarga selot ciyuté amba alas lan rusaké alas. saliyané iku uga diakibataké déning manungsa kang mbedak lan didol.[2]
Cathetan sikil[besut | besut sumber]
- ↑ BirdLife International (2008). "Alisterus amboinensis". IUCN Red List of Threatened Species. Version 2008. International Union for Conservation of Nature. Dibukak ing 18 June 2009.
{{cite web}}: CS1 maint: uses authors parameter (link) - ↑ a b c d [1], (Kaunduh 26/10/12).