Nigel Barley
Nigel Barley ya iku ahli antropologi saka Kingston, Karajan Manunggal. kalairan 25 Juli 1947[1]. Pandhidhikané ing University of Cambridge ing 1969. Dhèwèké njupuk jurusan basa. Ing taun 1973, Barley éntuk èlmu antropologi saka University of Oxford lan olèh gelar D.Phil[1][2]. Panalitèn lapangané wis tau diayahi ing Kamerun Lor, Indonésia wetan (1986-1988), Bali (1999), Ghana (2000), lan Sarawak, Malaysia (2001). Tulisan-tulisan élmiah kang wis diterbitké antarané The Innocent Anthropologist taun 1983[3], Not a Hazardous Sport taun 1988[4], isiné ngenani bab Tana Toraja ing Sulawesi, The Duke of Puddle Dock: Travels in the Footsteps of Stamford Raffles (1991), Dancing on the Grave: Encounters with Death taun 1995. Barley kawentar ing gaya panulisané kang rada mirip kaya novèl. Nanging tulisané Barley iku informatif, rinci, lan nglelipur kaya ta ing The Innocent Anthropologist. Pisumbangané Barley ing pangembangan antropologi iku sumebaré dhisiplin antropologi lan tulisané disenengi karo wong akèh. Barley dikurmati lan dipadhakaké karo Margaret Mead[1].
Rujukan[besut | besut sumber]
- ↑ a b c Amit, Vered (2004). Biographical Dictionary of Social and Cultural Anthropology. London: Routledge. kc. 41. ISBN 020364459X. OCLC 436848672.
- ↑ "Nigel Barley: Anthropologist and Writer". Bali Advertiser. Diarsip saka sing asli ing 2022-11-05. Dibukak ing 2017-11-11.
- ↑ "Why Does Anthropology Worry about Jared Diamond when they have Nigel Barley?". Ethnography. Dibukak ing 2017-11-11.
- ↑ "Nigel Barley". Ubud Writers & Readers Festival. Diarsip saka sing asli ing 2017-11-10. Dibukak ing 2017-11-11.