Menyang kontèn

Naraguna:MahatmaRota

Saka Wikipédia Jawa, bauwarna mardika basa Jawa

꧋ꦱꦼꦥꦶꦱꦤ꧀ꦤꦤ꧀​ꦲꦏꦸꦔꦺꦂꦠꦶꦪꦺꦤ꧀​ꦲꦫꦺꦥ꧀​ꦲꦤꦭꦺꦴꦩ꧀ꦧꦤꦸꦭꦶꦱ꧀ꦱ​ꦲꦏ꧀ꦱꦫꦗꦮꦤꦭꦶꦏ​ꦲꦏꦸꦢꦶꦠꦮꦤꦶꦢꦼꦤꦶꦁꦒꦸꦫꦸꦏꦸꦱꦶꦁ​ꦔꦱ꧀ꦠꦧꦱꦗꦮ꧉​ꦱꦢꦸꦫꦸꦁꦔꦺꦩꦺꦭꦸꦭꦺꦴꦩ꧀ꦧꦏꦱꦼꦧꦸꦠ꧀​ꦲꦏꦸꦏꦸꦢꦸꦧꦶꦱ​ꦔꦿꦩ꧀ꦥꦸꦁꦔꦏꦺꦒꦫꦥ꧀ꦥꦤ꧀ꦱꦏꦒꦸꦫꦸꦏꦸ꧈​ꦩꦶꦤꦁꦏꦱꦫꦤꦏꦁꦒꦺꦴꦥꦩ꧀ꦧꦶꦗꦶꦠꦼꦏꦤ꧀ꦔꦼꦤ꧀ꦢꦶ​ꦲꦁꦒꦺꦴꦤ꧀ꦏꦸꦔꦸꦮꦱꦤ꧀ꦤꦶ​ꦲꦏ꧀ꦱꦫꦗꦮ꧉​ ꧋ꦱꦏꦥꦶꦫꦁꦥꦶꦫꦁꦧꦺꦴꦕꦃꦱꦶꦁꦢꦶꦥꦫꦶꦁꦔꦶꦒꦫꦥꦤ꧀ꦩꦲꦸ꧈​ꦲꦏꦸꦩꦸꦗꦸꦢ꧀ꦢꦏꦺꦱꦭꦃꦱꦮꦶꦗꦶꦤ꧀ꦤꦶꦁ​ꦮꦏꦶꦭ꧀ꦱꦏꦱꦼꦏꦺꦴꦭꦃꦏꦸ꧉​ꦱꦭꦶꦪꦤ꧀ꦤꦺ​ꦲꦏꦸꦏꦚ꧀ꦕꦱꦏꦺꦭꦱ꧀ꦏꦸꦪ​ꦲꦤꦱꦶꦁꦏꦥꦶꦭꦶꦃ꧈​ꦮꦶꦢꦾꦗꦼꦤꦼꦁꦔꦺ꧉ ꧋ꦲꦶꦁꦒꦝꦺꦤ꧀ꦱꦶꦁꦱꦼꦥꦶꦱꦤ꧀​ꦲꦏꦸꦭꦤ꧀ꦏꦚ꧀ꦕꦏꦚ꧀ꦕꦱꦶꦁꦩꦺꦭꦸꦭꦺꦴꦩ꧀ꦧꦢꦗꦂꦫꦶꦭꦤ꧀ꦢꦶꦠꦺꦥꦸꦁꦔꦏꦺꦏꦫꦺꦴꦥꦿꦺꦴꦒꦿꦩ꧀ꦤꦸꦭꦶꦱ꧉​ꦧꦚ꧀ꦗꦸꦂ​ꦲꦶꦁꦒꦝꦺꦤ꧀ꦱꦶꦁꦏꦥꦶꦤ꧀ꦝꦺꦴꦢꦶꦥꦫꦶꦁꦔꦶ:ꦕ:ꦢ:ꦏꦁ​ꦲꦶꦱꦶꦤ꧀ꦤꦺꦥꦿꦺꦴꦒꦿꦩ꧀ꦤꦸꦭꦶꦱꦭꦤ꧀ꦢꦶꦥꦿꦏ꧀ꦠꦺꦏꦏꦺ꧉ ​​꧋ꦱꦗꦿꦺꦴꦤ꧀ꦤꦶꦁ​ꦭꦺꦴꦩ꧀ꦧ​ꦲꦤꦒ꧀ꦭꦝꦺꦤ꧀ꦱꦶꦁꦏꦸꦢꦸꦢꦶꦠꦶꦤ꧀ꦢꦏꦏꦺꦢꦼꦤꦶꦁꦥꦫꦱꦶꦱ꧀ꦮꦱꦶꦁ​ꦲꦉꦥ꧀ꦭꦺꦴꦩ꧀ꦧ꧉​ꦒ꧀ꦭꦝꦺꦤ꧀ꦩꦲꦸꦢꦶꦠꦶꦤ꧀ꦢꦏꦏꦺꦱꦱꦸꦮꦺꦤꦺꦱꦼꦩꦶꦁꦒꦸꦱꦼꦥꦶꦱꦤ꧀ꦱꦗꦿꦺꦴꦤ꧀ꦤꦶꦁ​ꦫꦺꦴꦁꦩꦶꦁꦒꦸ꧈​ꦲꦤ​ꦲꦶꦁꦩꦶꦁꦒꦸꦏꦠꦼꦭꦸꦭꦺꦴꦩ꧀ꦧꦤꦺꦭꦒꦶꦏꦊꦏ꧀ꦱꦤꦤ꧀꧉​ꦤꦔꦶꦁ​ꦲꦺꦩꦤ꧀ꦤꦺꦥꦿꦺꦴꦒꦿꦩ꧀ꦏꦁꦢꦶꦥꦫꦶꦁꦔꦏꦺꦩꦲꦸ​ꦲꦔꦺꦭ꧀ꦢꦶ​ꦆꦤ꧀ꦱ꧀ꦠꦭ꧀​ꦢꦢꦶ​ꦲꦏꦸ​ꦲꦁꦒꦺꦴꦤ꧀ꦤꦺꦒ꧀ꦭꦝꦺꦤ꧀​ꦲꦶꦁꦔꦺꦴꦩꦃꦩꦶꦒꦸꦤꦏꦏꦺ​ꦮꦺꦧ꧀ꦱꦶꦠꦺ​ꦤꦸꦭꦶꦱ꧉​ ꧋ꦭꦺꦴꦩ꧀ꦧꦢꦶꦠꦶꦤ꧀ꦢꦏꦏꦺꦱꦗꦿꦺꦴꦤ꧀ꦤꦶꦁ​ꦫꦺꦴꦁꦢꦶꦤ꧉​ꦢꦶꦤꦱꦼꦥꦶꦱꦤ꧀ꦭꦺꦴꦩ꧀ꦧ​ꦲꦤꦧꦧꦏ꧀ꦔꦺꦠꦶꦏ꧀꧈​ꦲꦶꦁꦧꦧꦏ꧀​ꦲꦶꦏꦸ​ꦲꦏꦸꦭꦤ꧀ꦮꦶꦢꦾ​ꦲꦺꦴꦭꦺꦃꦧꦶꦗꦶꦏꦔ꧀ꦭꦸꦩꦪꦤ꧀꧉​ꦢꦺꦤꦺꦢꦶꦤꦏꦥꦶꦤ꧀ꦝꦺꦴ​ꦲꦤꦧꦧꦏ꧀ꦩꦕꦭꦤ꧀ꦏꦥꦿꦶꦒꦺꦭ꧀ꦭꦤ꧀꧉​ꦲꦏꦸꦭꦤ꧀ꦮꦶꦢꦾꦧꦶꦱꦭꦺꦴꦭꦺꦴꦱ꧀ꦱꦏꦧꦧꦏ꧀ꦩꦕꦏꦤ꧀ꦛꦶꦧꦶꦗꦶꦱꦼꦩ꧀ꦥꦸꦂꦤ꧉​ ꧋ꦲꦶꦁꦧꦧꦏ꧀ꦥꦸꦁꦏꦱ꧀ꦱꦤ꧀꧈​ꦧꦧꦏ꧀ꦱꦶꦁꦢꦏ꧀​ꦲꦁꦒꦺꦥ꧀ꦥꦭꦶꦁꦒꦪꦼꦁ꧉​ꦲꦶꦁꦧꦧꦏ꧀​ꦲꦶꦏꦶ​ꦲꦏꦸꦭꦤ꧀ꦮꦶꦢꦾꦒꦮꦺꦏꦭꦶꦒꦿꦥ꦳ꦶ​ꦲꦏ꧀ꦱꦫꦗꦮꦫꦢꦺꦤ꧀​ꦲꦂꦗꦸꦤ꧉​​ꦩꦸꦠꦸꦫꦸꦠ꧀ꦏꦸꦩꦺꦤꦮ​ꦲꦁꦒꦩ꧀ꦧꦂꦏꦸꦮꦶ​ꦲꦩ꧀ꦧꦸꦠꦸꦃꦲꦏꦺꦏꦥꦿꦶꦒꦺꦭꦤ꧀꧈​ꦏꦸꦢꦸꦠꦼꦭꦶꦠꦶ꧈​ꦭꦤ꧀ꦔꦠꦶ​ꦲꦠꦶ​ꦱꦸꦥꦪꦒꦩ꧀ꦧꦂꦫꦺꦏꦠꦺꦴꦤ꧀​ꦲꦥꦶꦏ꧀꧉​ꦏꦩꦁꦏ​ꦲꦶꦔ꧀ꦭꦺꦴꦩ꧀ꦧ​ꦲꦶꦏꦶꦮꦺꦏ꧀ꦠꦸꦤꦺꦮꦶꦤꦠꦼꦱ꧀꧈​​ꦩꦸꦭꦩꦭꦃ​ꦲꦤ꧀ꦢꦢꦺꦏꦏꦺꦒꦪꦼꦁ꧉​ ꧋ꦮꦸꦱꦤꦤ꧀ꦤꦺ​ꦲꦏꦸꦭꦤ꧀ꦮꦶꦢꦾꦢꦢꦶꦗꦸꦮꦫ꧇꧓꧇​꧈​ꦩꦶꦠꦸꦫꦸꦠ꧀ꦏꦸ​ꦲꦶꦁꦏꦺꦤꦺꦱꦶꦔ꧀ꦭꦸꦮꦶꦃꦧꦏꦸꦢꦸꦢꦸꦏꦱꦶꦭ꧀ꦭꦺ꧈​ꦲꦤꦔꦶꦁꦥꦼꦔꦭꦩꦤ꧀ꦤꦺ꧉​ꦱꦭꦶꦪꦤ꧀ꦤꦺ​ꦲꦺꦤ꧀ꦠꦸꦏ꧀ꦏꦮꦿꦸꦃ​ꦲꦚꦂ​ꦲꦏꦸꦪ​ꦲꦺꦤ꧀ꦠꦸꦏ꧀ꦏꦚ꧀ꦕꦏꦚ꧀ꦕ​ꦲꦚꦂꦭꦤ꧀ꦱꦶꦔ꧀ꦮꦶꦒꦠꦶ​ꦲꦏꦸꦢꦢꦶꦭꦸꦮꦶꦃꦱꦼꦤꦼꦁꦤꦸꦭꦶꦱ꧀​ꦲꦏ꧀ꦱꦫꦗꦮ꧉​