Nadia Vega

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Nadia Vega
Nadia Vega
Latar wuri
Jeneng lair Nadia Vega
Lair (1987-12-12) Dhésèmber 12, 1987 (umur 31)
Indonésia Pekanbaru, Riau, Indonésia
Jinis Musik Pop, R&B, soul, pop rock, teen pop
Pakaryan aktris, penyanyi, penari
Taun aktif 1999-saiki
Parusahan rekaman Virgo Ramayana
Pasangan Single

Nadia Vega (lair ing Pekanbaru, Riau, 12 Dhésèmber 1987; umur 31 taun).[1] Nadia Vega iku salah sijiné aktris, penyanyi lan penari kang asalé saka Indonésia.[1]

Karir[besut | besut sumber]

Nadia Vega miwiti karir ing babagan seni peran nalika isih cilik, Sanajan ngono, Nadia wiwit misuwur nalika main ing filem kang judhulé Inikah Rasanya Cinta nalika taun (2006).[1] Setaun sawisé iku, Nadia Vega banjur main filem kang judhulé Leak nalika taun (2007).[1]

Sinetron kang tau dibintangi Nadia Vega kaya ta ABC&D, Inikah Rasanya, Cinta Terbagi Lima, lan Cinta Seratus Hari. Saliyané main sinétron, Nadia Vega uga tau main FTV, déné FTV kang tau dibintangi Nadia Vega ya iku FTV kang judhulé Jomblo Oh No lan Cinta Sang Pencenayang.[1] Ora mung akting, Nadia Vega uga njajal karir ing nyanyi. Nadia nggawé album kang sepisanan nalika taun 2003.[1] Album iki nduwéni judhul Arti Persahabatan.[1] Rong taun sawisé iku, Nadia nggawé album kang judhulé Don't Ask.[1] Album iki isiné sepuluh lagu.[1] Saliyané nyanyi nganggo basa Indonésia, Nadia uga nyanyi nganggo loro basa ya iku basa Indonésia lan Inggris.[1] Lagu kang dinyanyekake nganggo basa Inggris ya iku lagu kang judhulé "Get Lost" lan "She".[1] Saliyané iku Nadia uga nyanyi kanggo ngisi original soundtrack filem Leak (2007).[1]

Nalika taun 2008, Nadia Vega nggawé single kang judhule Rela.[1] Video klip iki digawé ing Jakarta, Indonesia lan Melbourne, Australia.[1] Sawisé mandheg rong taun pungkasané nalika sasi Januari taun 2009, Nadia sekolah ing Melbourne, Australia lan nyinaoni babagan seni Animasi.[1]

Farewell party kang dianakaké nalika Nadia ambal warsa kang kaping 21 lan kanggo mengeti kariré kang wis umur 12 taun dadi bengi kang nyenengake tumrap para penggemar lan sekabate Nadia sadurungé Nadia sekolah ing manca nagara.[1] Nadia Vega kuliyah ing RMIT University City Campuss ing Melbourne, Australia lan njupuk gelar sarjana.[2]

Cathetan suku[besut | besut sumber]

  1. a b c d e f g h i j k l m n o p selebriti.kapanlagi.com(dipunundhuh tanggal 14 Agustus 2011)
  2. infoselebindo.com(dipunundhuh tanggal 14 Agustus 2011)