Musiyum Sejarah Purbakala Pleret
Museum Sejarah Purbakala Pleret dipunbangun wiwit taun 2004 saha wiwit dipunbikak langge umum ing tanggal 10 Maret 2014.[1] Musiyum menika papan kangge nyimpen piranti-piranti ingkang gadhah nilai sejarah saking Kraton Mataram ing Kabupaten Bantul. Musiyum Sejarah Purbakala menika ugi gadhah khasipun piyambak. Ingkang dados ciri khas ing Museum Sejarah Purbakala Pleret inggih menika amargi wontenipun situs tinggalan saking Mataram Islam wonten ing sakiwa tengenipun musiyum ingkang saged dipunpirsani saha dipunsinaoni sawayah-wayah.
Piranti sejarah ingkang wonten ing salebeting Musiyum Sejarah Purbakala Pleret wonten kathah, kadosta umpak Kraton Kerto, sumur gumuling, mesjid agung Kauman Pleret, randhu alas raseksi, arca Jambhala saha arca Ganesha.
Umpak Kraton[besut | besut sumber]
Umpak Kraton Kerto inggih menika saka wonten ing salebeting joglo utawi omah tradhisional Jawa ingkang dipundamel saking watu andhesit. Umpak menika panjangipun dumugi 85 x 85 cm.
Sumur Gumuling[besut | besut sumber]
Sumur gumuling inggih menika salah satunggaling sumur ing daerah Kraton Pleret. Sumur menika mapan ing plataran Musiyum Sejarah Purbakala Pleret ingkang sisih ler. Sumur gumuling menika gadhah mitos ingkang ngrembaka ing daerah menika. Mitosipun inggih menika bilih toya ing sumur gumuling menika nyambung kalihan Sagara Kidul saha toyanipun saged dipunginakaken kanggen jamasan pusakanipun Kraton Ngayogyakarta.
Mesjid Agung[besut | besut sumber]
Mesjid Agung Kauman Pleret inggih menika salah satunggaling situs ingkang gadhah sejarah Islam ingkang nambah nilai eksistensi saking Kraton Mataram Islam ing Pleret. Mesjid menika mapan ing jarak 500 meter ing leripun musiyum.
Rujukan[besut | besut sumber]
- ↑ "Search Yogya GudegNet". gudeg.net (ing basa Indonesia). Dibukak ing 2018-12-21.