Menyang kontèn

Musiyum Nasiyonal Nara

Saka Wikipédia Jawa, bauwarna mardika basa Jawa
Nara Kokuritsu Hakubutsukan
Dikukuhaké1895
PernahJepang Nara, Jepang
Jinisseni Buda
DhirèkturKenichi Yuyama (direktur)
Situs jaringanwww.narahaku.go.jp

Museum Nasional Nara (奈良国立博物館 Nara Kokuritsu Hakubutsukan) inggih punika minangka salah satunggaling musiyum ingkang dipunkelola déning Institut Nasional Peninggalan Budaya wonten ing Nara, Jepang.[1] Museum punika papan dunungipun ing Taman Nara, caket kaliyan Kōfuku-ji, Tōdai-ji, saha Kuil Kasuga. Dipunresmikaken nalika taun 1895 kanthi nama Museum Kamaharajan Nara (Teikoku Nara Hakubutsukan), koleksi utama musiyum punika wujud karya seni Buda.

Gedung utama musiyum rampung dipunyasa nalika taun 1894. Perancangipun inggih punika arsitèk Tōkuma Katayama ingkang ugi ngrancang Pura Akasaka. Gedung utama Museum Nasional Nara sampun dipuntetepaken minangka salah sawijining tilas budaya ingkang wigati ing Jepang. Kajawi mameraken koleksinipun piyambak, musiyum punika ugi mameraken karya seni kagungannipun kuil Buda saha Shinto wonten ing Nara. Pameran mligi koleksi Shōsōin dipunadani saben mangsa palastra.

Wiwit taun 1980, musiyum punika gadhah Pusat Riset dan Réferènsi Seni Agama Buda (Bukkyō Bijutsu Shiryō Kenkyū Center). Perpustakaan punika naming kabikak kanggé umum kalih dinten saben minggu, inggih punika nalika dinten Rabu saha Jumat.

Sajarah

[besut | besut sumber]

Museum punika kawiwitan saking pameran taunan ingkang winastan Nara Hakurankai (Pameran Nara) ingkang kapisanan dipunadani ing taun 1875. Panitia pameran dipunbentuk taun 1874,saha ing taun candhakipun dipunadani Pameran Nara angka 1. Pameran dipunadani ing Aula Utama (Daibutsuden) Tōdai-ji saha koridor sakiwa-tengené Aula Utama. Koleksi ingkang dipunpameraken nglingkupi harta Shōsōin, lukisan saha karya kaligrafi gadhah pribadi sarta gadhah kuil Buda saha Shinto, wadhah antik, spésimèn tetuhuan saha kéwan, sarta mesin-mesin. Pameran kaadanan antawis 80 dinten. Total pangunjung kacathet 170.000 tiyang. Kajawi taun 1877, pameran dipunadani saben taun dumugi Pameran Nara angka 15 taun 1890.

Nalika punika Badan Rumah Tangga Kamaharajan sampun gadhah musiyum ing Taman Ueno, Tokyo (samangke Museum Nasional Tokyo). Adhedhasar “Surat Pemberitahuan Mantri Rumah Tangga Kamaharajan” taun 1889, musiyum ing Tokyo kanthi resmi dipunsebut Museum Kamaharajan Tokyo, saha paring dhawuh pambangunan musiyum ing Kyoto saha Nara ingkang dipunsebut Museum Kamaharajan Kyoto saha Museum Kamaharajan Nara. Pambangunan gedung utama kawiwitan ing taun 1892 lahan ingkang kala rumiyin kagunganipun Kōfuku-ji. Gedung utama rampung kabangung ing taun 1894, saha musiyum kanthi resmi kabikak ing taun candhakipun. Saking taun 1900 dumugi 1947, musiyum punika winastan Museum Rumah Tangga Kamaharajan Nara (Nara Teishitsu Hakubutsukan).

Sabibaripun katetepaken Konstitusi Jepang taun 1947, musiyum kapasrahaken dhumateng Kementerian Pendidikan Jepang. Museum gantos nama dados Museum Nasional Cabang Nara (Kokuritsu Hakubutsukan Nara Bunkan). Museum punika dipunsukani nama Museum Nasional Nara wiwit 1952. Ing taun 1950, musiyum punika “berafiliasi” kaliyan Dewan Perlindungan Peninggalan Budaya (Bunkazai Hogo Iinkai) dumugi dipunpasrahaken dhumateng Kantor Kebudayaan ing taun 1968. Nalika taun 2001, musiyum punika kadadosaken sawijining institusi administrasi independen. Wiwit taun 2007, musiyum punika wonten sangandhapipun administrasi Institut Nasional Peninggalan Budaya.

Gedung énggal kanggé mameraken koleksi Shōsōin rampung kabangun ing taun 1972. Gedung punika dipunsebut Gedung Paviliun Barat (Nishi-shinkan) sasampunipun Gedung Paviliun Timur (Higashi-shinkan) rampung kabangun ing taun 1997. Kekalih gedung dipunrancang déning arsitèk Junzō Yoshimura. Sawijining koridor bawah tanah ngubungaken gedung utama kaliyan kekalih gedung paviliun.

Perkembangan

[besut | besut sumber]

Pertumbuhan saha perkembangan musiyum dumugi sapunika:

  • 1889-Museum dipunyasa minangka "Museum Imperial Nara."
  • 1895-Pameran ingkang angka pisan
  • 1900-Museum punika gantos nama dados "Imperial Rumah Tangga Museum of Nara
  • 1947-Imperial Rumah Tangga Kementerian masrahaken tanggel jawab koleksi Museum punika dhumateng Departemen Pendidikan, Kebudayaan, Ulah raga, Sains dan Teknologi Jepang utawi Departemen Pendidikan
  • 1950-Museum dipungayutaken kaliyan Komite saperlu Pelestarian Cultural Properties
  • 1952-Museum punika gantos nama dados "Museum Nasional Nara."
  • 1968-Museum berafiliasi kaliyan Badan Urusan Kebudayaan.
  • 1969-Gedung Asli Museum dipuntunjuk dados "Properti Budaya Penting."
  • 1972-Sawijining gedung pameran énggal pungkasan dipunyasa.
  • 1980-Buda Art Library dipunbikak.
  • 1995-100 taun pambuka musiyum.
  • 1997-Sayap Timur saha koridor ngandhap lemah sampun rampung anggènipun bangun.
  • 2000-Konservasi Pusat kanggé nglestantunaken kekayaan budaya pungkasan.
  • 2001-Museum éwah nama dados "Museum Nasional Nara" saking "Administrasi Lembaga Independen Nasional Museum" (IAI National Museum).
  • 2005-IAI Nasional Museum dipunjembaraken kanthi nambah Musiyum Nasional Kyushu [2].
  • 2007-IAI Museum nasional kagabung kaliyan Independen Administrasi Lembaga National Institutes saperlu dados Warisan Budaya]], kanthi nggabung sekawan musiyum nasional kanthi National Institute mantan Budaya pelestarian ing Tokyo saha Nara.

Cathetan suku

[besut | besut sumber]
  1. ↑ Nussbaum, Louis-Frédéric. (2005). "Nara kokuritsu hakubutsukan" in Japan Encyclopedia, p. 699.
  2. ↑ IAI Nasional Museum.. (2005). Kyushu National Museum, PFDF / p. 16 Archived 2009-02-26 at the Wayback Machine.

Pranala njaba

[besut | besut sumber]
Wikimedia Commons duwé médhia ngenani Nara National Museum.
  • Situs web Museum Nasional Nara
  • "Rekishi (歴史)". Nara National Museum. Dibukak ing 4 December 2008.
Dijupuk saka "https://jv.wikipedia.org/w/index.php?title=Musiyum_Nasiyonal_Nara&oldid=1646706"