Musiyum Krètèk

Saka Wikipédia Jawa, bauwarna mardika basa Jawa
musiyum kretek Kudus, Jawa Tengah
Prosès Penggilingan Rokok
Musiyum kretek
Piranti Perajang Cengkeh

Musiyum Krètèk dumunung ing kitha Kudus, Jawa Tengah. Pembangunan musiyum punika dipungagas déning Gubenur Jawa Tengah inggih punika H. Soepardjo Rustam, ingkang gadhah inspirasi saking tokoh Niti Semito. Niti Semito inggih punika tokoh ingkang ngadegaken pabrik rokok mèrk Bal Tiga.[1] Tilaran Niti Semito samangké inggih punika "Omah Kembar" ingkang dumunung wonten ing sisih wétan lan kilèn Kaligelis, boten tebih saking Menara Kudus.[2]. Musiyum punika dipinresmèkaken lan dipunbikak tanggal 3 Oktober 1986 déning H. Soepardjo Rustam kang gadhah kalungguhan Mantri Dalam Negeri RI. Ancasipun pembangunan Musiyum Krètèk inggih punika kanggé nylametaken lan nyajekake barang-barang koleksi ingkang gegayutan kaliyan ngrembakanipun perusahaan rokok krètèk ing kitha Kudus.[1] Musiyum punika ugi kanggé ningkataken aji-aji kawiraswatan lan saged macu jiwa kawiraswatan para nèm-nèman supados swatantra. Musiyum punika ugi kanggé sarana nyinaoni sajarah, pendhidhikan, panalitèn, lan plesiran.[3] Musiyum Krètèk kasebat wujud satunggal-satunggalipun musiyum rokok ing donya lan ing salebeting sajarah rokok krètèk ing Indonesia minangka cikal bakal rokok krètèk ing Kudus.[4]

Papan lan kaistiméwaan[besut | besut sumber]

Musiyum Kretek ugi kanggé negesake Kudus minangka ikon kanthi identitas kitha Kretek ing Indonesia. Musiyum Kretek diyasa ing tanah désa kang wiyaripun 4.5 Ha ing Désa Getas Pejaten Kecamantan Jati, Kudus lan boten tebih saking margi utama, wates Kudus kaliyan Demak. Koleksi-koleksi ing Musiyum Kretek meniki inggih punika mesin-mesin kanggé damel rokok, piranti giling cengkeh, mesin giling tembakau, perajang tembakau.[5]

Tiket lan Akomodasi[besut | besut sumber]

Regi tiket mlebet wonten Musiyum Kretek kanggé dinten padatan lan kanggé dinten preinan bènten. Fasilitas lan akomodasi inggih punika lahan parkir lan taman ingkang asri kang saged dipun-ginakaken kanggé leyeh-leyeh. Wonten warung telekomunikasi (wartel), MCK/ toilet. Sanèsipun punika wonten warung-warung kang wonten ing kiwa-tengené Musiyum kang nawakaken warna-warna masakan kas kitha Kudus.[1] Ing dinten punika musiyum kretek nembé dipunrehabilitasi, dipuntambah waterboom lan pembangunan ''movie theatre'' utawi biyoskup alit kang namung saged nampung penonton kanthi cacah 15.[6]

Cathetan suku[besut | besut sumber]

  1. a b c wisatamelayu.com[pranala mati permanèn](dipuntingali tanggal 15 Juni 2011)
  2. www.umk.ac.id(dipuntingali 30 Juni 2011)
  3. kudusweb.net[pranala mati permanèn](dipuntingali tanggal 15 Juni 2011)
  4. www.komunitaskretek.or.id[pranala mati permanèn](dipuntingali 30 Juni 2011)
  5. www.tempointeraktif.com(dipuntingali tanggal 15 Juni 2011)
  6. edukasi.kompas.com(dipuntingali tanggal 18 Juni 2011)