Mush'áb bin Umayr

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Artikel iki bagéyan saka sèri
Islam
Allah1.png
Rukun Islam
Syahadat · Shalat · Pasa
Zakat · Kaji
Rukun Iman
Allah · Al-Qur'an · Malaikat
Nabi · Dina Akhir
Qada & Qadar
Tokoh Islam
Muhammad SAW
Nabi & Rasul · Sahabat
Ahlul Bait
Kota Suci
Mekkah ·Madinah · Yerusalem
Najaf · Karbala · Kufah
Kazimain · Mashhad ·Istanbul
Riyaya
Hijrah · Idul Fitri · Idul Adha
· Asyura · Ghadir Khum
Arsitektur
Mesjid ·Menara ·Mihrab
Ka'bah · Arsitektur Islam
Jabatan Fungsional
Khalifah ·Ulama ·
Imam·Mullah·Ayatullah · Mufti
Teks & Hukum
Al-Qur'an ·Hadist · Sunnah
Fiqih · Fatwa · Syariat
Mazhab
Sunni
Hanafi ·Hambali
Maliki ·Syafi'i
Syi'ah
Rolas Imam
Ismailiyah·Zaidiyah
Liyané
Ibadi · Khawarij
Murji'ah·Mu'taziliyah
Delengen uga
Portal Islam
Indeks perkara Islam

Mush'áb bin Umayr yaiku sawijining sahabat Rasul saka suku Quraisy , padha kaya Nabi Muhammad SAW. [1]

Lair[sunting | sunting sumber]

Mush'áb bin Umayr lair duweni duwe rupa kang gagah lan nyenegake. Mush'áb bin Umayr lair saka kulawarga kang serba cukup lan dimanjakake dening wong tuwane kang marakake dheweke dadi omongan gadhis-gadhis Mekkah. [1] Ibuke yaiku Khunas Binti Malik, wong kang nduweni kepribaden lan pendirian kan kuwat, mula dheweke dadi wong wadon kan tansah diwedeni. [2]

Mush'áb bin Umayr lan Islam[sunting | sunting sumber]

Keislamane Mush'ab bin Umair mulai nalika dheweke krungu dakwah Nabi Muhammad SAW kang ngaku dadi Rasulullah lan ngajak manungsa kanggo ngibadah marang Gusti Allah. Sakbubare krung menawa Rasulullah asring nganakake pertemuan karo para sahabat ing umahe Arqam bin Abil Arqam ing Bukit Shafa, dheweke banjur melu majelis kang ing sakjerone tansah diwacakake ayat-ayat Al Qur'an. Wahyu kang nalika iku diwaca dening Rasulullah dirungokake Mush'ab nganti mlebu atine lan dadi dalan hidayah Allah kanggo dheweke.[3]

Kanggo pirang wektu, Mush'ab ngumpetake keislamane. Ing sawijining dina ana wong kang ndeleng Mush'ab dadi wong kang wis melu ajarane Muhammad lan ngandakake iki dening ibune. Bar iku dheweke tansah dicoba keimanane, mulai saka dipenjara ing papan terpencil, ping pindho hijrah ing Habsyi, nganti Ibune ngusir amarga ora sudi maneh nganggep Musháb anake. Iki uga ndadekake Mush'ab metu saka kehidupan mewah saka wong tuwane. Mush'ab luwih milih purip miskin lan sengsara, klambi kang kasar lan bodhol, sedina mangan lan pirang-pirang dina keluwen amarga tresnane marang Allah.[4]

Sawijining dina, wong-wong Muslim lungguh ing saubenge Rasulullah SAW, nalika ndeleng Mush'ab, wong-wong kuwi nundukake sirahe lan merem. Sebagiyane nangis amarga iba karo Mush'ab. Tapi Rasulullah SAW ndeleng Mush'ab karo pandelengan kang kebak tresno lan syukur. Sinambi mesem, Rasululluah ngendika: "Biyen aku ndeleng Mush'ab iki ora ana kang bisa ngimbangi ing entuke oleh kasenengan saka wong tuwane, lan saiki banjur ditinggalake demi tresnane marang Allah lan Rasul."[4]

Sakbubare peristiwa baiat Aqabah ke 1 ing taun ke 11 kenabian,Mush'ab dadi duta pertamane Rasul kang diutus dakwah ing masyarakat Madinah kanggo ngajarake Al-Quran lan babagan ngenani pengetahuan Islam. Amarga sifat cerdas, sabar, zuhud, jujur, lan temen-temene ati, dheweke kasil njupuk ati penduduk Madinah sahingga padha berbondong-bondong mlebu Islam. Amarga iku dheweke dikenal [[Muqri’ul] Madinah ( Nara sumber Madinah). Lan sakawit iku saben ana wong kang ngajarake Al Quran diarani “Mush’ab”. Bnajur ing musim haji taun berikute Mush’ab kasil ngajak luwih saka 70 kaum Muslimin tumuju Mekkah ing sakbanjure ana perjanjian Aqabah 2. Sakawit iku Mush’ab ora tau absen melu perang karo Rasulullah.[4]

Mush'ab lan Perang Uhud[sunting | sunting sumber]

Ing perang Uhudnglawan kaum musyrik, Mush'ab entuk kehormatan saka Rasulullah SAW kanggo nggawa bendera kaum Muslimin. Perang iki banget dahsyate nganti akeh sahabat kang gugur, uga Mush'ab. Sakbubare perang, Rasulullah SAW lan para sahabat teka ing papan pertempuran mau kanggo ngucapake perpisahan karo para syuhada. Nalika nemoni jisime Mush'ab, Khabbah Ibnul 'Urrat ngendika : "Kita hijrah ing dalan Allah karo Rasulullah SAW lan ngarepake ridho Allah nganti wis mesti pahala ing sisi Allah. Ing antarane dhewe ana kang wis berlalu sakdurunge ngrasakake pahala ing donya iki, Kalebu Mush'ab bin Umair kang gugur ing Uhud iki." Ora ana selembar kain kanggo nutupi sakliyane burdah. Andai burdah mau diwenehake ing sirahe, sikile kebuka. Sakwalike menawa ditutupke ing sikile, sirahe kang kebuka. Mula Rassulullah ngendika:"Tutup sebagiyan sirahe, lan sikile ditutup nganggo suket kizir."[4]

Diriwayatke saka Sa’ad bin Ibrahim, menawa dheweke nate krung bapake ngendika, “Abdurrahman bin Auf diparingi panganan, banjur dheweke nangis sinambi ngomong, ‘Hamzah kebunuh lan ora ditemokake apa kang bisa digunakake kanggo ngafani kejaba siji pakean. Mush’ab bin Umair ug kebunuh lan ora ditemokake apa kang bisa digunakake kanggo ngafani kejaba siji pakean’. Nalika Mush’ab kebunuh, Rasulullah SAW ngawehake bendera iku marang Ali bin Abu Thalib lan penggedhe-penggedhe kaum muslim.”[5]

Cathetan suku[sunting | sunting sumber]

  1. ^ a b (id)[1], diaksés tanggal 6 Juli 2011.
  2. ^ (id)[2], diaksés tanggal 6 Juli 2011.
  3. ^ (id)[3], diaksés tanggal 6 Juli 2011.
  4. ^ a b c d (id)[4], diaksés tanggal 6 Juli 2011.
  5. ^ (id)[5], diaksés tanggal 6 Juli 2011.