Musiyum Bahari

Saka Wikipédia Jawa, bauwarna bébas abasa Jawa
(Dilih saka Museum Bahari)
Musiyum Bahari

Musiyum Bahari punika salah setunggaling musiyum ingkang nyimpen saha mamèraken kolèksi barang-barang ingkang gadhah sajarah ingkang gadhah gandèng cènèngipun kaliyan babagan kelautan nagari Indonésia.[1] Musiyum Bahari punika dipundamel wiwit taun 1652 ngantos 1774 M.[1] Musiyum punika dipunanggep dados seksi sajarah ngadegipun kitha Batavia ingkang sapunika dipunwastani kitha Jakarta.[1]

Miturut sejarahipun, Musiyum Bahari punika salah setunggaling wewangunan ingkang sampun dangu saking paninggalan VOC.[1]Musiyum punika dipundamel ingkang sepisanan nalika taun 1652 M.[1] Nalika jaman penjajahan Walanda (VOC), wewangunan punika dipun-ginakaken kanggé gudhang kanggé nyimpen, milih saha ngepaki asil bumi ingkang dados komoditas utama VOC inggih punika rempah-rempah saha pakeyan.[1] Kekalihipun punika laris sanget manawi dipunpasaraken wonten Éropah.[1] Rempah-rempah punika kados ta pala, mrica, saha kopi, tèh, lan kain.[2] Wewangunan punika manggèn persis wonten ing pinggiripun kali Ciliwung.[1] Wewangunan punika wonten ingkang manggèn ing sisih wétan saha wonten ugi ingkang manggèn ing sisih kilèn.[1] Namanipun inggih punika gudang barat (Westzijdsche Pakhuizen), saha gudang timur (Oostzijdsche Pakhuizen).[1] Miturut cariyos wewangunan punika dipunyasa sesarengan kaliyan rampungipun pambangunan Kitha Batavia (Jakarta) kaliyan Kongsi Dagang Walandi (VOC).[1] Rumiyin, wewangunan punika wonten témbok utawi bètèng ingkang ngubengi wewangunan punika.[1] Tembok utawi bètèng punika dipunpercanten dados wates kitha Jakarta kaliyan laladan-laladan sanèsipun nalika jaman Walandi.[1] Musiyum Bahari gadhah 126 koleksi barang-barang sajarah kelautan.[1] Utamanipun kapal saha prau-prau niaga tradisional.[1] Saking kathah koleksi punika wonten 19 kolèksi prau asli saha 107 miniatur, foto-foto saha biota laut sanèsipun.[1] Wonten ugi tilas gudhang rempah-rempah VOC Walandi ingkang manggèn ing pinggiripun Teluk Jakarta.[1]

Cathetan suku[besut | besut sumber]

  1. ^ a b c d e f g h i j k l m n o p q id.wisatapesisir.com(dipunundhuh tanggal 17 September 2011)
  2. ^ muséumbahari.org(dipunundhuh tanggal 17 September 2011)