Musiyum Tèkstil

Saka Wikipédia Jawa, bauwarna bébas abasa Jawa
(Dilih saka Muséum Tèkstil)
Musiyum Tèkstil

Musiyum Tèkstil punika salah setunggaling musiyum ingkang wonten ing kitha Jakarta.[1] Musiyum tèkstil punika biyasanipun dipunwastani kanthi nama Musiyum Tèkstil Jakarta.[1] Musiyum Tèkstil punika salah setunggaling lembaga edukatif kultural ingkang gadhah visi kanggé nglestantunaken saha nguri-uri budaya tèkstil tradhisional Indonésia.[1] Musiyum punika dados musiyum ingkang namung satunggal ingkang manggon ing Jakarta saha musiyum ingkang sepisanan ing Indonesia ingkang gadhah tugas kanggé nglestantunken budaya tèkstil Indonésia.[1] Musiyum tekstik ugi asring ngawontennaken kagiyatan-kagiyatan kanggé nuwuhaken musem punika saha kanggé publikasi tumprap publik ngenani budaya tèkstil ingkang wonten ing Indonésia.[1] Kagiyatan-kagiyatan ingkang dipunwontenaken ing Musiyum tèkstil inggih punika paméran koleksi musiyum, seminar, diskusi saha workshop babagan tèkstil; panyuluhun kanggé para siswa; panalitèn koleksi ingkang dipunwontenaken ing laladan-laladan saha kapustakaan, ngrawat koleksi musiyum; pelayanan konservasi tèkstil saha pelatihan-pelatihan kados ta pelatihan ndamel batik, jumputan, werna ingkang alami, lan sanès-sanèsipun.[1] Musiyum Tèkstil punika salah setunggaling yasan ingkang dipunlindungi kaliyan undhang-undhang.[2] Musiyum punika gadhah aji arsitèktur kolonial saha sajarah ingkang saged nuwuhaken kawigatèn wonten ing pariwisata.[2] Gedung Musiyum Tèkstil punika sajatosipun griyanipun warga nagari Prancis (abad kaping-19) ingkang dipunsadé kaliyan Konsul Turki.[2] Sasampunipun punika, gedhong banjur dipungadhahi kaliyan Karel Christian Crucq nalika taun 1942.[2] Gedhung punika ugi naté dados markas BKR.[2] Sasampunipun révolusi rampung gedhong menik dipunnggeni kaliyan Lie Sion Phin nalika taun 1947, lajeng Departemen Sosial.[2] Pungkasanipun, gedhong punika lajeng dipunkepyakaken dados Musiyum Tèkstil.[2]

Cathetan suku[besut | besut sumber]

  1. ^ a b c d e f muséumtekstiljakarta.com(dipunundhuh tanggal 17 September 2011)
  2. ^ a b c d e f g sejarah musiyum tèkstil jakarta(dipunundhuh tanggal 17 September 2011)