Mona Lisa

Mona Lisa

Mona Lisa, utawa La Gioconda (La Joconde), iku lukisan lenga ing sadhuwuring kayu poplar sing digawé déning Leonardo da Vinci ing abad angka 16. Lukisan iki kerep dianggep salah siji lukisan paling misuwur ing donya lan mung sethithik karya seni liya sing dadi pusat kawigatèn, studi, mitologi, lan parodi. Lukisan iki diduwèni déning pamaréntah Prancis lan dipamèraké ing Musée du Louvre ing Paris.

Lukisan setengah awak iki nggambaraké lukisan wanita sing panduluné tumuju marang pengunjung kanthi èksprèsi sing kerep didhèskripsi minangka enigmatik utawa misterius.

Jeneng utawa judhul lukisan Mona Lisa asal saka biografi Giorgio Vasari ngenani Leonardo da Vinci, sing kababar 31 taun sawisé séda. Ing sajeroning buku iki disebutaké yèn wanita ing lukisan iki ya iku Lisa Gherardini, garwa saka pengusaha Firenze sing sugih sing jenengé Francesco del Giocondo.

Mona sajeroning basa Italia iku cekakan saka madonna sing tegesé "nyonyaku". Saéngga judhul lukisan mau tegesé Nyonya Lisa. Ing basa Italia lumrahé judhul lukisan ditulis minangka Monna Lisa (kanthi n gandha).

Lalu La Gioconda ya iku wujud feminin dari Giocondo. Kata giocondo dalam basa Italia artinya ya iku "riang" dan la gioconda artinya ya iku "wanita riang". Berkat senyum Mona Lisa yang misterius ini, frasa ini memiliki makna ganda. Begitu pula terjemahannya dalam basa Perancis; La Joconde.

Jeneng Mona Lisa lan La Gioconda utawa La Joconde dadi judhul lukisan iki sing ditampa kanthi umum wiwit abad angka 19. Sadurungé lukisan ini karan kanthi sawatara jeneng kaya ta "Wanita saka Firenze" utawa "Wanita bangsawan kanthi krudung tipis".

Pranala njaba

• Theft of the Mona Lisa
• Aging Mona Lisa worries Louvre
• The Mona Lisa another BBC article
• Unmasking the Mona Lisa: Expert claims to have discovered da Vinci's technique Archived 2008-09-06 at the Wayback Machine.
• Who is Mona Lisa? Historical Facts versus Conjectures Archived 2010-01-24 at the Wayback Machine.