Wangsa Surya

Saka Wikipédia Jawa, bauwarna mardika basa Jawa
Sawijining rodha saka Kuil Srengéngé ing Konark. Konark ing Orissa, India, misuwur mawa kuil srengéngé. Reca ana ing kuil yaiku Konaditya.

Wangsa Surya utawa Wangsa Srengéngé utawa Suryawangsa yaiku salah siji wangsa kang misuwur ana ing sajarah lan mitologi agama Hindhu.[1] "Surwanshi" duwé teges wong saka kalangan wangsa iki.[1] Kaum iki misuwur dadi kang umuré paling dawa lan makmur ana ing jaman India Kuna nganti tekan ngadegé Magadha.[1]

Ayodhya wujud kutha krajan saka wangsa Surya.[2] Kutha Ayodhya diyasa déning Waiwaswata Manu kang dadi putra mbarep Wiwaswan (Surya).[2] Raja wigati ana ing Ayodhya kang pungkasan iki yaiku Wrehadbala, kang dipatèni Abimanyu nalika perang ing Kurukshetra.[2] Raja Ayodhya pungkasan saka wangsa iki yaiku Sumitra, ana ing jaman Wangsa Nanda[2].

Wangsa wigati liyané yaiku Chandrawangsa utawa Wangsa Candra.[1] Para raja kang duwé putra lan putri, kaya ana ing aturan Manu, mula hak ana ing anak mbarep.[1] Miturut aturan iki putra mbarep kang duwé hak kanggo marisi tahta lan dadi raja, iku mau yèn ora dilarang déning para pemuka agama utawa ora duwé cacat fisik.[1] Sanajan ana prakara kang kaya mangkono, putra kang luwih enom uga ana kang ngedhunaké tokoh-tokoh sajarah saka wangsa kasta Ksatria lan uga Waisya.[1] Klan iki akèh digandhèngaké karo Rama, Raja Ayodhya kang layak miturut aturan pawarisan karajan nanging didhiskualifikasikaké déning bapaké amarga janji kang digawé kanggo ibu suri Kekayi.[1]

Raja-raja ana ing wangsa iki diwiwiti saka anané donya lan wong pisanan yaiku Wiwaswan utawa Wiwaswat.[1] Jeneng Wiwaswan tegesé "Panguwasa cahya", yaiku Sang Surya utawa Déwa srengéngé. Putrané kang jenengé Waiwaswata Manu.[1] Raja kang misuwur yaiku Ikswaku. Amarga saka iku, wangsa iki uga misuwur mawa jeneng Wangsa Ikswaku.[1]

Cathetan sikil[besut | besut sumber]

  1. a b c d e f g h i j k www.sacred-texts.com
  2. a b c d "www.smileindia.com". Diarsip saka sing asli ing 2011-08-29. Dibukak ing 2011-09-08.