Rématologi
Rematologi, iku subspesialis èlmu lelara njero, kang konsèntrasi marang diagnosis lan terapi lelara rematik. Istilah iki asal saka basa Yunani rheuma, kang tegesé "kang mili kaya kali utawa aliran" lan panambang -ologi, kang tegesé "èlmu". Para rheumatolog mligi urusan karo masalah kang nglibataké kaanan jaringan konektif.
Lelara[besut | besut sumber]
Lelara kang didiagnosis rheumatolog kalebu:
- arthritis rheumatoid
- eritematosus lupus
- sindrom Sjögren
- skleroderma (sklerosis sistemik)
- dermatomiositis
- polikondritis
- polimiositis
- polymyalgia rheumatica
- osteoarthritis
- arthritis septik
- fibromyalgia
- pirai, pseudogout
- spondiloartropati
- vaskulitis
Diagnosis[besut | besut sumber]
Reumatolog bisa nerapaké metodhe diagnosis ing ngisor iki:
- tes laboratorium (umpamané. tingkat sedhimentasi eritrosit, faktor rheumatoid)
- Sinar X lan metodhe pencitraan liya
- Sitologi lan patologi kimia cuwèran kang diaspirasèkaké saka sendhi kang kapengaruh (kanggo mbédakaké arthritis septik lan gout)
Parawatan[besut | besut sumber]
Sapérangan gedhé lelara rematik ditambani nganggo analgesik, NSAID (Non-Steroid Anti-Inflammatory Drugs), steroid (sajeroning kasus serius), DMARD (Disease-Modifying Anti-Rheumatic Drugs), antibodi monoklon, kaya infliksimab lan adalimumab, lan reseptor TNF larut etanersept.
Fisioterapi wigati banget sajeroning akèh parawatan kaanan ora teratur rheumatologi.