Oscar Wilde

Saka Wikipédia Jawa, bauwarna mardika basa Jawa
Oscar Wilde
Lair16 Oktober 1854
Dublin, Irlandia
Pati30 November 1900
Paris, Prancis
PakaryaDramawan, novelis, pujangga, cerpenis

Oscar Fingal O'Flahertie Wills Wilde (1854-1900) iku sawijining novelis, dramawan, pujangga, lan cerpenis asal Irlandia. Ditepungi amarga selera humoré sing cerdhas, panjenengané wujud salah siji panulis drama sing paling suksès nalika pungkasané Era Victoria ing London.

Kulawarga[besut | besut sumber]

Bapakné Oscar Wilde, William Wilde, iku dhokter spésialis mata lan kuping kang misuwur. William Wilde olêh gelar kabangsawanan Sir taun 1864 amarga yasané nyusun Sensus statistik medis nalika taun 1841 nganti 1861, dadi Sir William Wilde.

Nalika taun 1844 William Wilde ngedegaké Griya Sakit Mata, St. Mark, kang kabèh prabeya saka awaké dhéwé. Sadurungé dhaup karo Jane Francesca Elgee, William Wilde wis nduwé anak telu. Anak pisanan, Henry Wilson kang lair taun 1838, Emily nalika taun 1847, lan Mary nalika taun 1849.

Ibune Oscar, Jane Francesca Elgee, iku sastrawan (geguritan), kang misuwur kanthi jeneng Speranza. Asil anggitane dimot ing kalawarti minggon The Nation. Dhèwèké uga prigel nggunakaké basa-basa Éropah. Sawisé kalawarti mau tutup, Jane wiwit nerjemahke novèl horor gothic anggitane Wilhelm Meinhold kanthi irah-irahan Sidonia Sang Penyihir. Oscar seneng maca pertalan mau.

Anak nomer sijiné Jane, William "Willie" Charles Kingsbury, lair nalika tanggal 26 September 1852. Anake sing nomer loro, Oscar Fingal O'Flahertie, lair tanggal 16 Oktober 1854. Anake wédok, Isola Emily Francesca lair tanggal 2 April 1857.

Pranala njaba[besut | besut sumber]