Ngrokok

Saka Wikipédia Jawa, bauwarna mardika basa Jawa

Ngrokok ya iku sawiji kegiyatan nalika sawiji dat diobong lan kasil asepé disedhot supaya bisa dirasakaké lan diingsep ing jero aliran getih. Lumrahé, dat iku mau ya iku godhongé wit bako sing uwis diaringaké, dilinting nganggo kertas kagawé saka bahan sing bisa dikonsumsi (contoné beras) sing wujudé kothak supaya dadi lintingan sing diarani "rokok krètèk". Ngrokok iku racaké dilakuaké minangka jalur administrasi kanggo panganggo obat panyirep amarga prosès pambakaring godhong-godhong wit iku mau ngasilaké uwab lan ngeculaké dat-dat aktif menyang paru-paru. Ing jero kono, dat-dat iku mau kaingsep kanthi rikat menyang jero aliran getih lan tekan jaringan awak manungsa. Ing kasus ngrokok, dat-dat mau kamot ing campuran partikel-partikel aerosol lan gas-gas lan kalebu, alkaloid nikotin sing aktif kanthi farmakologisé; prosès dadekaké uwab iku mau njalari aerosol sing panas lan gas sing ngolehaké prosès kangingsep lan rumasuk menyang jero paru-paru. Ana kono kangingsepé dat-dat aktif iku menyang aliran getih kadadéan. Ing sawenèh kabudayan, ngrokok uga dilakuaké minangka sawiji pérangan kanggo sawenèh ritual, sing mèlu gunakaké rokok kanggo mbantu dhèwèké ngalami kaanan kaya kesurupan, sing dipercaya, bisa marahi dhèwèké bisa éntuk "pencerahan spiritual".

Ngrokok lumrahéy dhuwèni èfèk-èfèk négatif kanggo kesehatan, amarga ngingsep asepé awalé uwis dhuwé tantangan marang sawenèh prosè-prosès fisiologis kaya ta réspirasi. Lelara sing ana kaitané karo ngrokok bako uwis ketok nyata njalari matiné kira-kira setengah tukang udud dawa kala nalika dibandingaké karo angka rata-rata pepati sing diadhepi déning sing ora ngrokok. Laporan ing taun  2007 nyebutaké manawa, saben taun, kira-kir ana 4,9 yuta manungsa ing sadonya mati amaraga ngrokok.[1]

Ngrokok iku salah sawijining wujud panganggo obat panyirep sing paling umum. Ngrokok bako iku wujud sing paling kaloka, dilakuaké déning punjul sak trilyun manungsa ing donya iki, sing mayoritasé ana ing nagara ngembang.[2] Narkotika sing ora pati umum kanggo dirokok kalebu ganja lan opium. Sawenèh dat-dat kagolong minangka narkotika atos, kaya heroin, nanging panggunané wates banget. Amarga dat-dat iku mau lumrahé ora sadhiya kanthi komérsial. Rokok krètèk lumrahé diprodhuksi kanthi cara indhustri nanging uga bisa digulung nganggo tangan saka bako biyasa lan kertas lintingan. Sing kalebu piranti-piranti kanggo ngrokok liyané ya iku pipa, iserutu, bidi, hookah, vaporizer, lan bong.

Rujukan[besut | besut sumber]

  1. West, Robert; Shiffman, Saul (2007).
  2. "Tobacco Fact sheet N°339".