Dmitri Mendeleev

Saka Wikipédia Jawa, bauwarna mardika basa Jawa
Dmitri Mendeleev
Dmitri Mendeleev taun 1897
Lair(1834-02-08)8 Fèbruari 1834
Verhnie Aremzyani, Kamaharajaan Ruslan
Pati2 Fèbruari 1907(1907-02-02) (umur 72)
St. Petersburg, Kamaharajaan Ruslan
BangsaRuslan
Alma materSaint Petersburg University
Kondhang ingManggihaken tabèl periodik unsur kimia
Karièr ngèlmiah
BabaganKimia, fisika lan babagan-babagan ingkang magepokan
Mahasiswa wigatiDmitri Konovalov, Valery Gemilian, Alexander Baykov

Dmitri Mendeleev (basa Ruslan: Дми́трий Ива́нович Менделе́ев, Dmitriy Ivanovich Mendeleyev) (8 Fèbruari [K.J.: 27 Januari] 1834 – 2 Fèbruari [K.J.: 20 Januari] 1907) punika satunggiling ahli kimia saking Kamaharajaan Ruslan ingkang ngripta tabèl periodik dhedhasar paningkatan wilangan atom. Wilangan puniki nedahaken gunggung proton ingkang wonten salebetipun inti atom. Gunggung proton sami kaliyan gunggung èlèktron ingkang ngubengi atom bébas.

Panjenenganipun manggihaken nalika nyawisaken satunggiling buku wulangan kanggé mahasiswanipun. Panjenenganipun manggihaken manawi panjenenganipun nata unsur-unsur miturut minggahing massa atom, unsur kanthi sipat ingkang mèmper badhé muncul kanthi selang ingkang mawi skala. Panjenenganipun kasil nyajèkaken asil kerjanipun dhumateng Himpunan Kimia Ruslan ing awal 1869.

Punika maringaken kauntungan kanggé piyambakipun amargi ing pungkasan taun ingkang sami, satunggiling kimiawan sanès saking Jerman, Julius Lothar Meyer, ugi kasil nyusun tabèl ingkang sami, nanging amargi kasil langkung rumiyin, Mendeleev ingkang dipunanggep minangka pamanggih pratélan berkala.

Salebetipun panlitènipun, panjenenganipun damel sapérangan urutan ngenani unsur-unsur dat kimia ingkang sampun dipunmangertosi kanthi nyusun saprangkat kertu, ing pundi saben kertu isi saben unsur lan sipat-sipat kimianipun. Panjenenganipun manggihaken ukum periodik nalika nyusun kertu-kertu puniku, ingkang dipunsusun kanthi urutan miturut paningkatan massa atomipun, lan sipat-sipatipun dipunbalèni kanthi periodik. Malah wonten sakedhik kaluwihan ing tabèl periodik ingkang dipunsusun, inggih punika wontenipun pangakenan ngenani unsur-unsur énggal ingkang dèreng dipunmangertosi massanipun, panjenenganipun manggihaken tabèl periodik mau kados ta galium, germanium, lan skandium. Panjenenganipun nyawisaken ruang kanggé unsur-unsur puniku lan malah sampun mrakirakaken pinten massa atom lan kepripun sipat-sipat kimianipun samangké.

Pranala njawi[besut | besut sumber]

Biografi[besut | besut sumber]

Tabèl periodik[besut | besut sumber]

Sanèsipun[besut | besut sumber]