Anton Yelchin

Yelchin nalika ing gebyagan filem the Only Lovers Left Alive ing wulan Sèptèmber taun 2013

Anton Viktorovich Yelchin (Rusia: Анто́н Ви́кторович Ельчи́н; 11 Maret taun 1989 – 19 Juni taun 2016.) ya iku paraga lanang filem lan tèlèvisi saka Amèrikah, kawentar nalika dadi paraga Pavel Chekov ing sèri filem Star Trek reboot, Clumsy Smurf ing The Smurfs lan sèquèl terusané lan ing sawenèh peran wigati liyané.

Lair saka kulawarga Yahudi Ruslan ing kutha Leningrad, Yelchin pindhah menyang Amérikah Sarékat nalika isih bayi. Yelchin miwiti penampilané ing pungkasan taun 1990an, metu ing sawenèh peran tèlèvisi lan filem Hollywood Along Came a Spider lan Hearts in Atlantis (loro-loroné ing taun 2001). Perané dhèwèké nalika dadi Jacob Clarke ing sèri cilik saka sutradhara Steven Spielberg sing judhulé Taken munggahaké kariré kanthi signifikan minangka paraga lanang cilik. Sawisé iku dhèwèké metu ana ing sèri tèlèvisi judhulé Huff lan metu ing filem Terminator Salvation (2009), Charlie Bartlett (2007), Fright Night (2011), Like Crazy (2011), Only Lovers Left Alive (2013) and Green Room (2015). Dhèwèké metu ing filem Star Trek (2009), Star Trek Into Darkness (2013), lan anumerta nalika gebyagan filem Star Trek Beyond (2016).

Waktu fajar ing tanggal 19 Juni taun 2016, Yelchin tinemu déning kanca-kancané kejepit antarané mobilé dhèwèké Jeep Grand Cherokee lan tugu bata ing ngarep omahé ing Studio City, California, sing digambaraké minangka"laka anèh". Dhèwèké diumumaké mati dina iku ing umur 27.