Al-Farabi

Saka Wikipédia Jawa, bauwarna mardika basa Jawa
Al Farabi, filusuf Islam

Abu Nashr al Farabi, (259-339 Hijriyah/ 870-950 Masehi, Basa Turki: Farabi) iku tokoh Turki Islam kang kondhang ning babagan filusuf utawa Logician.[1].[2] Jeneng asliné Ibn Muhammad bin Muhammad bin Ṭarkhān Awzalagh (atau Uzlugh) al-Farabi, uga dikenal Abu Nashr al-Farabi, seratan basa Latin Alpharabius utawa Avennasar, ana sumber liya kang myebut Abu Nasr Mohammad Ibn al Farakh al Farabi, lair ning désa Wasij, cedhak karo Farab ning Turkistan nalika taun 259 Hijriyah (870 Masehi) ning Damaskus Ninggal nalika taun 950 Masehi atawa taun 339 Hijriyah, ning umur kaping 80 taun.[3] Wong tuwané keturunan saka Pèrsi nanging mbahné biyèn (nenek moyang) migrasi maring Turkistan.[3] Ning laladan Éropah, dikenal al Pharabius, Al Farabi iku anak jendral.[3] Sadurungé wis ngentaské pandidikan ning Farab lan Bukhara nanging piyambaké pindah maring Baghdad kanggo neruské pendidikan selanjuté uga nyambut gawé ning wektu kang ora sedelak ya iku saka taun 901 AD.[3] Nalika priode 942 Masehi, piyambake olèh kekuasaan ning babagan ngèlmu basa lan ning ngèlmu kawruh lan ngèlmu teknologi.[3] Tinggal nalika masa khalifah Abbasiyah kaping enem.[3] Al Farab iku filosof lan ilmuwan kang kondhang, duwé kamampuan ning babagan ngèlmu kang warna-warna wernané, uga dikenal dadi ahli basa kang tartil ning basa kang béda-béda.[3]

Al Farabi nyumbang kawruh ning babagan ngèlmu pangatahuan, ngèlmu filsafat, ngèlmu logika, ngèlmu sosiologi, ngèlmu kadhokteran, ngèlmu matematika lan ngèlmu musik.[3] Ilmu kang paling kondhang ning sumbangané iku ngèlmu filsafat, logika lan ngèlmu logika.[3] Al Farabi kang dianggep filosof iku bisa digolongaké dadi Neoplatonist amarga nyoba mensintesis Platonisme lan Aristotelism nganggo teologi lan nyerat komentaré babagan ngèlmu fisika saka Aristoteles, meteorologi, logika lan ngèlmu liyané.[3] Amerga buku lan karyané, piyambaké dianggep dadi Guru kaping loro (al Mau'allim al Thani), guru kapisan iku Aristoteles.[3] Kontribusi saka Al Farabi kang wigati ya iku babagan studi logika, studi logika iku luwih gampang manawa dibagi dadi loro, ya iku Takhayyul (Ide) lan Thubut (bukti).[3] Ning babagan ngèlmu Sosiologi, al Farabi nyerat buku Ara Ahl al Madina al Fadila.[3] Buku psikologi lan metafisika (kang dhasaré saka piyambaké dhéwé), buku musik kang judhulé Kitab al Musiqa.[3] Akeh buku-buku kang wis ilang, mung tinemu 117, 43 buku babagan logika, 11 buku babagan metafisika, 7 buku babagan etika, 7 buku babagan ngèlmu pulitik, 17 buku babagan musik, kadhokteran, lan sosiologi, kang 11 iku komentar.[3]

Cathetan suku[besut | besut sumber]

  1. Abu Nashr Al Farabi dipununduh tanggal 10 Juni 2011
  2. Al Farabi ca.870-950 Masehi Archived 2014-08-18 at the Wayback Machine. dipununduh tanggal 10 Juni 2011
  3. a b c d e f g h i j k l m n o Filsuf Muslim Turkistan Archived 2016-03-07 at the Wayback Machine. dipununduh tanggal 10 Juni 2011