Ajax Amsterdam

Ajax Amsterdam
	Logo Ajax Amsterdam
Jeneng dawa	Amsterdamsche Football Club Ajax NV
Paraban	de Godenzonen , Ajacieden, de Joden, de Amsterdammers
Yasa	18 Maret 1900
Setadhiyon	Johan Cruyff ArenA ; Amsterdam, Holland Utara, Belanda
Momotan	53.502
Mantri	Hennie Henrichs
Mènèjer	vakant
Liga	Eredivisie
2022/23	ke-3, Eredivisie
Sana jaringan	Kaca tepas klub
Kandhang	Njaban
	Current season

Amsterdamsche Football Club Ajax (Euronext: AJAX; ugi dipunkenal kanthi nama Ajax Amsterdam, AFC Ajax, utawi naming Ajax (dipunwaos A-yaks) inggih punika salah satunggaling klub bal-balan saking Amsterdam, Walanda. Klub punika minangka salah satunggaling klub ingkang paling misuwur ing tlatah Walanda punapa déné ugi ing tlatah Éropa. Ajax kalebet salah satunggaling klub ingkang saged menangi tigang gelar utami ing tlatah Éropa, Piala Champions (kaping sekawan), Piala Winners, saha Piala UEFA. Wonten ing kompetisi negerinipun, Ajax sampun kaping 33 njuarai Liga Walanda (Eredivisi).^[2]

Prestasi[besut | besut sumber]

36 Eredivisie: 1917-18, 1918-19, 1930-31, 1931-32, 1933-34, 1936-37, 1938-39, 1946-47, 1956-57, 1959-60, 1965-66, 1966-67, 1967-68, 1969-70, 1971-72, 1972-73, 1976-77, 1978-79, 1979-80, 1981-82, 1982-83, 1984-85, 1989-90, 1993-94, 1994-95, 1995-96, 1997-98, 2001-02, 2003-04, 2010-11, 2011-12, 2012-13, 2013-14, 2018-19, 2020-21, 2021-22
18 Piala Walanda (KNVB): 1917, 1943, 1961, 1967, 1970, 1971, 1972, 1979, 1983, 1986, 1987, 1993, 1998, 1999, 2002, 2006, 2007, 2010
8 Johan Cruijff Shield: 1993, 1994, 1995, 2002, 2005, 2006, 2007, 2013
2 Piala Interkontinental: 1972, 1995
4 Piala Champions: 1971, 1972, 1973, 1995
1 Piala Winners: 1987
1 Piala UEFA: 1992
2 Piala Super Éropa: 1973, 1995

Sajarah[besut | besut sumber]

Wiwit dipundhirikaken nalika taun 1900, Ajax mlebet ing jaman keemasan nalika periode 1970-an. Nalika iku taksih dipunmanageri déning Rinus Michels, Ajax dados raja ing Éropa kanthi dados juara Liga Champions tigang taun nalika rentang 1971-1973.^[3] Ajax lajeng misuwur kanthi sistem pembinaan juru main eném ingkang handal saha medalaken juru main-juru main ingkang gadhah bakat saé saking Walanda ugi saking manca. Kados boten wonten telasipun, Ajax terus ngékspor para juru main saénipun, kados ta Marco van Basten, Dennis Bergkamp, punapa déné Patrick Kluivert. Sabibaripun para juru main eném Ajax ngagétaken Éropa kanthi njuarai Liga Champions taun 1995, masa keemasan Ajax runtuh malih. Ajax mbetahaken wekdal saperlu dados raja malih wonten ing bawana Éropa.^[4]

Dipunpensiunaken[besut | besut sumber]

14 – Johan Cruyff, penghargaan kehormatan

Wiwit mangsa 2007-2008, boten wonten juru main ingkang migunakaken angka 14 wonten ing klub punika, nalika klub nedahaken bilih angka 14 sampun dipunpensiunaken saperlu ngurmati legénda bal – balan Johan Cruyff. Cruyff piyambak nedahaken bilih langkung prayogi manawi juru main ingkang saé piyambak wonten ing klub punika migunakaken seragam kanthi angka 14. Glandhang Spanyol Roger Garcia Junyent minangka juru main ingkang pungkasan ingkang migunakaken angka punika.