Adenosin Triphosphate
Adenosin Triphosphate utawa kang kerep disingkat ATP ya iku senyawa kimia kang duwé énergi dhuwur kang kasusun saka ikatan adenin purin kang katalén ing gula kang duwé kandhungan 5 atom C, ya iku ribose lan 3 gugus fosfat.[1] Ikatan kimiané labil meski ATP iku éwoning molekul kang duwé énergi dhuwur, dadi gampang ngesotna gugus fosfat.[1] Sawektu sél mbutuhna énergi, ATP bisa dipecah nganggo réaksi hidrolisis (réaksi nganggo banyu) lan kadhapur énergi kang diangkud saéngga bisa diangkud lan dienggo déning kabéhan pérangan sél iku.[1] Énergi kang ana ing ATP iku dipecah dhisik nganggo cara hidrolisis ya iku ngesotna 2 ikatan fosfat ya iku antara ikatan fosfat kapindho lan kaping telu bakal dikasilna Adenosin Difosfat (ADP).[2] Ing réaksi hidrolisis bakal dienggo déning sél kanggo aktivitas.[2] Owahé ATP dadi ADP dipiloni déning pembebasan énergi 7,3 kalori per mol. Kedadéyan owahé ATP dadi ADP iku réaksi bolak-balik, réaksiné iku kaya iki: ATP ADP + P + 7,3 kalori/mol Fungsi ATP iku kanggo nyimpen énergi cadhangan kang bisa dienggo nalika-wektu lan sifaté universal (réaksi bolak-balik) dadi ATP uga diarani universal energy carrier.[2] Ing nganggo énergi ATP iku éféktif banget amarga namung kadadéan sesistem ya iku namung njupuk énergi saka sumber ATP.[2]
Cathetan suku[besut | besut sumber]
- ↑ a b c (Kistinnah, I., Lestari, E.S. (2009)." Biologi 3: Makluk Hidup dan Lingkungannya Untuk SMA/MAKelas XII (BSE)".Jakarta:Pusat Perbukuan, Depdiknas. Hal.42)
- ↑ a b c d (Kistinnah, I., Lestari, E.S. (2009)." Biologi 3: Makluk Hidup dan Lingkungannya Untuk SMA/MAKelas XII (BSE)".Jakarta:Pusat Perbukuan, Depdiknas. Hal.43)