Buku

Buku kamus.

Buku ya iku bahan pustaka kang agawe saka kertas sing arupa lembaran utuh lan sing paling utama ana ing koleksi perpustakaan. standar minimal buku ya iku paling sitik 49 halaman/kaca, ora termasuk kulit/ cover lan utawa jaket buku. buku iku ora arupa terbitan berseri/serial publication sing terbit miturut wayah tertentu lan berkelanjutan.

Ana sawetara sumber sing mratélakaké sajarah bab buku. Buku pisanan disebutaké lair ing Mesir taun 2400-an SM sawisé wong Mesir nyiptakaké dluwang papirus. Dluwang papirus sing isi tulisan iki digulung lan gulungan kasebut minangka wangun buku sing pisanan. Ana uga sing nyritakaké buku wis ana wiwit jaman Sang Budha ing Kamboja amarga wektu iku Sang Budha nulisaké wahyuné ing godhong lan sabanjuré diwaca makaping-kaping. Ma-abad-abad sawisé iku ing Cina, para cendekiawan nulisaké ilmu-ilmuné ing sada sing ditalèni dadi siji. Bab iki duwé pengaruh marang sistem panulisan ing Cina saéngga aksara Cina ditulis sacara vertikal ya iku saka dhuwur mangisor.

Buku sing kagawé saka dluwang wiwit ana sawisé Cina kasil nyiptakaké dluwang ing taun 200-an SM. Dluwang nyebabaké akèh owah-owahan ing donya. Pedagang muslim nggawa tèknologi dluwang saka Cina menyang Éropah ing wiwitan abad 11 Masehi. Ing Éropah iki industri dluwang tambah maju. Apamanèh kanthi diciptakaké mesin cithak déning Gutenberg tuwuh lan sumebaré buku ngalami revolusi. Dluwang sing ènthèng lan bisa tahan suwé dikumpulaké dadi siji lan kacipta sawijining buku.

Wong sing mirsani buku biasané dijuluki bibliofil utawa kutu buku.

Jinis-jinis buku

Sawetara conto buku:

• novel
• majalah
• kamus
• buku komik
• ensiklopedia
• buku keséhatan
• buku agama Islam

Deleng uga

• naskah
• perpustakaan, papan kanggo nyimpen buku

Pranala jaba

• Wiki Buku