Métro de Lyon

Sawijining kréta jalur C ing stasiun Croix-Paquet.

Métro de Lyon ing Lyon, Perancis dipunbikak kapisanan nalika taun 1978 lan sakmenika sampun kagungan sekawan jalur. Jaringan punika minagka bagéyan saking sistem angkutan publik Transports en Commun Lyonnais (TCL).

Kados déné SNCF, ananging boten kados sedaya sistem metro Perancis ingkang sanès (boten kalebet RER), kréta Lyon Metro lumampah ing rèl sisih kiwa, kasil saking proyèk ingkang boten kawujudaken kanggé nglamapahekn métro ing pinggiran kutha wonten ing jalur rèl ingkang sampun wonten. Ukuran terowonganipun inggih punika 2.90 méter, langkung ageng tinimbang rata-rata kanggé métro ing Eropa. Lyon Metro kagungan inspirasi piyambak tumrap Montreal Metro ing pundi dipunbangun sapérangan taun sadèrèngipun, lan kagungan gerbong kanthi rodha karét lan desain stasiun. Dawaning rèl sedayanipun inggih punika 30 km (18.75 mil), 80% rèlipun dumunung ing ngandhap lemah.

Rute

Map of public transports in Lyon

Sistem métro ngliputi sekawan jalur, A-B-C-D, saben jalur dipuntandhani ing péta kanthi warni ingkang béda:

Jalur	Warni	Dipunbikak	Ujung Terminal
A	Abrit	1978	Perrache - Laurent Bonnevay
B	Biru	1978	Charpennes - Stade de Gerland
C	Orange	1981	Hôtel de Ville - Cuire
D	Ijem	1991	Gare de Vaise - Gare de Vénissieux

 

Sebuah peta Lyon Métro dan jaringan tram.

Jalur A lan B

Jalur A (Perrache - Laurent Bonnevay) lan B (Charpennes - Part-Dieu) dipunbangun migunakaken metode potong-lan-timbun, lan miwiti operasi tanggal 2 Mei 1978. Kréta ing kekalih jalur lumampah kanthi roda karèt tinimbang migunakaken roda wesi.

Jalur B dipundawakaken dumugi Jean Macé tanggal 9 September 1981, lajeng dhateng Gerland tanggal 4 September 2000. Sawijining kerja dawakaken langkung tebih dhateng Oullins dipunjadwalaken dipunbikak taun 2013.

Sawijining pakaryan ndawakaken dhateng Vaulx-en-Velin La Soie ing Jalur A dipunjadwalaken dipunbikak ing September 2007.

Jalur C

Rèl Croix-Rousse-Croix-Paquet ing pundi dipundandani taun 1974, dipunusulaken kalebetaken dhateng Metro taun 1978 minangka jalur C, saking Hôtel-de-Ville dhateng Croix-Rousse. Dipuntindakaken dhateng Cuire tanggal 8 Desember 1984.

Jalur punika dipunbangun migunakaken metode ingkang béda; pendakian lumantar terowongan, bagéyan rèl ing Croix-Rousse migunakaken potong-lan-timbun, déné bagéyan ing wingking Hénon lumampah ing permukaan lemah. Stasiun Croix Paquet ngeklaim piyambakipun minagka stasiun metro paling curam ing Eropa (17%).

Jalur D

Jalur D dipunbiwarakaken operasinipun tanggal 4 September 1991 antawising Gorge-de-Loup lan Grange-Blanche. Kréta kanthi roda karèt lumampah otomatis tanpa masinis, dipunkontrol déning sawijining sistem ingkang dipunsebut MAGGALY (Métro Automatique à Grand Gabarit de l'Agglomération Lyonnaise). Jalur punika dipuntambah dawakaken dhateng Gare de Vénissieux tanggal 11 Desember 1992, nalika semanten dipungantos dados operasi otomatis. Tanggal 28 April 1997, dipundawakaken malih dhateng Gare de Vaise.

Dados jalur paling jeo ing Lyon, konstruksinipun dipuntindakaken migunakaken TBM lan nyebrangi 2 kali, Rhône lan Saône. Kanthi dawa 13 km (8.12 mil), jalur D ugi minangka ingkang paling dawa ing sedaya jalur ing Lyon.

Operasi

Lyon Metro, kados sistem angkutan publik lokal sanèsipun, dipunoperasikaken déning SLTC - Société lyonnaise de transports en commun (parusahan angkutan publik Lyon), ing ngandhap mèrek TCL - Transports en commun lyonnais (angkutan publik Lyon). Jaringan punika dipunoperasikaken saking SYTRAL - Syndicat de transports de l'agglomération lyonnaise (sindikat angkutan metropolitan Lyon), sawijining Syndicat Mixte.