Wong Dayak Mualang

Suku Dayak Mualang

Suku Dayak Mualang inggih punika salah satunggaling sub suku Dayak Ibanic ingkang dumunung ing Kabupaten Sekadau lanKabupaten Sintang ing Kalimantan Barat, Indonesia, inggih punika ing Kecamatan :

1. Belitang Hilir, Sekadau
2. Belitang, Sekadau
3. Belitang Hulu, Sekadau
4. Sepauk, Sintang lan sakanan kiringipun.

Ciri Fisik

Miturut Prof. Lambut saking Universitas Lambung Mangkurat, kanthi rasial, manungsa Dayak saged dipungolongaken dados :

• Dayak Mongoloid
• Dayak Malayunoid
• Dayak Autrolo-Melanosoid
• Dayak Heteronoid

Salah satunggaling ciri ingkang katingal ing tiyang Mualang inggih punika ciri fisik ingkang mongoloid, praupan bunder, kulit pethak utai kuning langsat, mripat radi sipit, rékma lurus, ugi wonten ingkang kriting sarta relatif bote inggil sanget, ugi misuwur amargi ramah-tamahipun, tiyang mualang gampil sanget bebrayan kaliyan sub suku sanés. Amargi punika, wonten kathah sanget tiyang-tiyang saking pulo sebrang ingkang pados pakaryan ing tlatah mualang. Tuladhanipun tiyang-tiyang lokal/ tempatan / Dayak sanésipun, lajeng saking pulo jawa, sumatera (Melayu, Batak lan sanésipun).

Basa

Basa ingkang dipuginkaken kalebet ing golongan kelompok Ibanic group kados déné kelompok Ibanic sanésipun: Kantuk, bugao, desa, seberuang,Ketungau, sebaruk lan kelompok Ibanic sanésipun. Bedanipun wonten ing pangucapanipun utawi logat ing ukara kaliyan suku ingkang setunggal rumpun inggih punika pangucapan ukara ingkang migunakaken pungkasan tembung i lan e, i lan y, kadosta: Kediri” lan Kedire”, rari lan rare, lajeng inai lan inay, pulai lan pulay lan panyebutan ukara ingkang migunakaken huruf r ( R kanthi karat ), sarta logat pangucapanipun, éwadéné ngemu teges ingkang sami.

Legenda

Langkung saking 2.000 taun kapengker, pagesangan masyarakat ingkang sakmenika sipunsebut minangka Mualang gegeyutan sanget kaliyan legenda asal usul suku mualang saking sawijining papan utawi wilayah ingkang dipunwastani Temawai/Temawang Tampun Juah, inggih punika sawijining wilayah ingkang subur ing hulu kali Sekayam kabupaten Sanggau Kapuas, papanipun ing hulu kampung Segomun, Kecamatan Noyan.

Urang Panggau

Nalika jaman rumiyin masyarakat ingkang sakmenika dipunsebut Mualang punika gesang lan manunggal kaliyan kelompok ingkang setunggal rumpun Iban sanesipun lan nalika jaman punika kagabung minangka masyarakat Pangau Banyau ( kempalan tiyang-tiyang khayangan lan manungsa) lajeng sedayanipun punika dipunsebut minangka Urang Negeri Panggau/Tiyang Menua tegesipun toyang ingkang asalipun saking tanah punika (Borneo).

Lagu Daerah Dayak Mualang

• Meh Bujang
• De Kutak Katik
• Aboh Beramay

Tarian Dayak Mualang

• Dayak Dance / Tari Dayak ( Mualang Ngajad Kayau ) Kalbar

Dhaptar Pustaka

• Drake Allen Richard. “Waktu dan Keterpisahan: Suatu Metanarrative Sejarah Lisan Mualang”. Dalam Kalimantan Review. Pontianak: LP3S – IDRD, 1995.
• Dunselman, Donatus. Uit De Literatuur Der Mualang – Dajaks. Nederland :Koninklijk Instituut Voor Taal-,Land- En Volkenkunde, 1959.
• Lontaan, J. U. Sejarah Hukum Adat dan Adat Istiadat Kalimantan Barat. Jakarta: Pemerintah Daerah TK.I Kalimantan Barat, 1975.
• Marie Jeanne. Penelitian Struktur Bahasa Mualang, Proyek Penelitian Sastra dan Bahasa Indonesia dan Daerah Pusat Pembinaan dan Pengembangan Bahasa Departemen Pendidikan dan Kebudayaan. Yogyakarta: Dep P dan K, 1975/1976.
• Paternus. Ngelala Adat Basa Dayak Mualang. Pontianak: Pemberdayaan Pengelolaan Sumbar Daya Alam Kerakyatan (PPSDAK) Pancur kasih. 2001.
• Werry, SKM. Bebutie' aba'k sama dire'k. Belitang: Persatuan Pejuang Kesehatan Mualang (PPKM). 2007.