Wong Bawéan: Béda antara owahan
c fixing dead links |
Tanpa ringkesan besutan |
||
| Larik 1: | Larik 1: | ||
{{inuseuntil|28 Pebruari 2013}} |
|||
[[Gambar:Bawean.jpg|thumb|Pulo Bawean ing dhaerah Gresik, Jawa Timur]] |
[[Gambar:Bawean.jpg|thumb|Pulo Bawean ing dhaerah Gresik, Jawa Timur]] |
||
Révisi kala 14 Mèi 2014 04.45
Suku Bawean kalebat ing sub suku Jawa miturut sensus BPS taun 2010.[1] Masyarakat Melayu Malaka lan Malaysia langkung ngenal kanthi sebutan Boyan katimbang Bawean lan wonten ing pamanggihipun Boyan ateges sopir lan tukang kebun (kephun wonten ing basa Bawean), amargi pakaryan sapérangan ageng masyarakat asal Bawean inggih punika makarya ing kebun utawi dados sopir. Tiyang-tiyang Bawean minangka sawijining kelompok alit saking masyarakat Melayu ingkang asalipun saking Pulo Bawean ingkang dumunung ing Laut Jawa antawis kalih pulo ageng inggih punika Pulo Kalimantan ing ler lan Pulo Jawa ing sisih kidul. Pulo Bawean dumunung ing antawis 80 mil arah ler Surabaya, lan mlebet ing kabupaten Gresik[2]. Pulo Bawean kasungsun saking kalih kecamatan, inggih punika kecamatan Sangkapura lan kecamatan Tambak. Diponggo minangka salah satunggaling kelurahan saking 30 kelurahan ing pulo Bawean ingkang basanipun benten sanget kaliyan desa-desa sanésipun. Masyarakat Diponggo basanipun semi Jawa, ing pundi minangka warisan saking sawijining ulama wanita ingkang naté mapan ing desa punika, inggih punika waliyah Zainab, ingkang taksih keturunan Sunan Ampel.[3]
Awrat saperlu nemtokaken wekdal ingkang pas rawuhipun tiyang-tiyang Bawean ing Malaka amargi boten wonten bukti lan dokumentasi sajarah babagan karawuhanipun.[4] Boten wonten cathetan resmi babagan rawuhipun ing Malaka. Maneka pamanggih ingkang wonten boten saged nedahaken wekdal ingkang pas. Pamanggih kapisan ngandharaken bilih wonten tiyang ingkang nama Tok Ayar rawuh ing Malaka nalika taun 1819. Pamanggih kaping kalih nedahaken bilih tiyang Bawean rawuh nalika taun 1824, kinten-kinten nalika penjajahan Inggris ing Malaka. Pamanggih ingkang kaping tiga nedahaken bilih tiyang Bawean sampun wonten ing Malaka saderengipun taun 1900 lan nalika taun punika sampun kathah tiyangn Bawean ing Malaka.[3]
Masyarakat Bawean umumipun dumunung ing kota utawi daerah ingkang caket kaliyan kota, kadosta ing Kampung Mata Kuching, Klebang Besar, Limbongan, Tengkera lan kawasan sakanan kiringipun Rumah Sakit Umum Malaka. Jarang dipunpanggihaken tiyang Bawean ingkang papan dunungipun ing wilyah-wilayah ingkang tebih saking kota lan cacah tiyang Bawean ingkang wonten ing Malaka dipunprakirakaken boten langkung saking setunggal ewa tiyang.[5]
Kejawi ing Malaka, tiyang Bawean ugi kasebar ing Lembah Klang, kadosta ing wilayah Ampang, Gombak, Balakong lan ugi Shah Alam. Tiyang Bawean tumbas lemah lan mbangun omah kanthi kelompok. Ing Gelugor, Pulo Pinang wonten kirang langkung 2 keluarga ageng tiyang Bawean, ingkang migunakaken basa Melayu dialek Pulo Pinang saperlu bertutur kaliyan tiyang sanesipun.[5]
Lare-lare ingkang lair ing Malaysia sampun dados warga negara Malaysia. Perantau-perantau ingkang rawuh saking taun 1990-an wonten ingkang sampun nampi status penduduk tetap. Tiyang Bawean misuwur kanthi keahlian damel bangunan lan omah. Wonten ugi ingkang dados usahawan alit kadosta sub-kontraktor pembersih bangunan lan peniaga runcit.[5]