Suona: Béda antara owahan

Saka Wikipédia Jawa, bauwarna mardika basa Jawa
Konten dihapus Konten ditambahkan
Kaca énggal: {{inuseuntil|24 Maret 2013}} thumb|right|Suona '''Suona''' inggih menika satunggaling piranti musik ingkang kalebet jinis piranti musik sebul ingkang a...
 
Addbot (parembugan | pasumbang)
c Bot: Migrating interwiki links, now provided by Wikidata on d:q12518043
Larik 19: Larik 19:


[[Kategori:Piranti musik tradisional Cina]]
[[Kategori:Piranti musik tradisional Cina]]

[[id:Suona]]

Révisi kala 16 Agustus 2013 08.44

Suona

Suona inggih menika satunggaling piranti musik ingkang kalebet jinis piranti musik sebul ingkang asalipun saking negara Cina lan arupi trompet [1]. Suona gadhah peranan ingkang wigati wonten ing musik tradisional Cina. Suona ugi asring dipuntedahaken wonten ing permainan musik kanthi cara solo. Suona menika saged dipundamel saking bahan kayu mawi kathah model lan wujud kanthi sejarah ingkang dawa. Suona menika awujud kerucut lan wonten bolongan kanthi cacah 7 bolongan wonten ing bagéyan ngajeng lan 1 bolongan wonten ing bagéyan wingking. Suona menika dipundamel kanthi bahan dhasar saking kayu ingkang katutup kalihan setunggal pipa saking tembaga lan kuningan ingkang ginanipun minangka corong. Piranti musik suona menika saged ngasilaken swara ingkang variasi, saking swara ingkang seru sanget lan jero saéngga cocok sanget kanggé nggambaraken emosi nalika bungah lan ugi nalika sisah. Suona menika dipununekaken nalika wonten adicara mantenan, ing prosesi pemakaman lan militer. Ananging piranti musik sebul menika ugi dados lembut lan sentimental gumantung ing cara nyebul suona. Suona menika asring dipunginakaken minangka instrumèn pendamping wonten ing opera-opera dhaérah Cina.

Bagéyan-bagéyan suona

Suona menika gadhah tigang bagéyan inggih menika pipa, sempritan (peluit) lan trompet ingkang saged dipunpisah-pisah anggènipun ngunekaken suona. Saéngga kathah variasi swara suona gumantung kados pundi ingkang nyebul suona damel kreasi. Swara siulan, kabagyan lan swara ingkang melengking menika saged damel niru swara nyanyianipun manuk. Suona solo ingkang paling kondhang inggih menika "Bai Niao Chao Feng" (Pakurmatan dhumateng manuk hong) ingkang nyariosaken atusan manuk nembé nembang lan paring pakurmatan dhumateng manuk hong. Wonten ing sistem pentatonik Cina, swara saking suona menika kanthi jaraka 2 oktaf saéngga boten sami kalihan konsep nada kulon (Barat). Awit saking menika, nalika wonten pagelaran kalihan orkestra Barat, tiyang para pemain suona badhé mbeta sesarengan langkung saking setunggal piranti instrumen kanthi ancas supados saged damel imbang kalihan skala wonten ing nada-nada ing musik Barat. Nalika wonten ing abad kaping 20, jarak antawisipun swara piranti musik suona menika dipundamel langkung wiyar lan suona kanthi nada ingkang langkung inggil sarta suona mawi nada ingkang langkung andhap sampun kacipta. Suona bass menika saged langkung saking 1 yard,. Lajeng ingkang paling alit menika dawanipun namung sapérangan inci [2].

Sajarah Suona

Piranti musik sebul suona menika asalipun saking Asia Tengah utawi negara India. Suona menika saged dugi ing negara Cina nalika abad kaping 13. Dolanan suona menika kagambar wonten ing antawisipun lukisan para dewa ingkang wonten ing situs kuno Baicheng, Xinjiang. Salajengipun bibar abad kaping 16, piranti musik suona dados musik instrumèn Dinasti Ming lan awit saking menika suona dados salah satunggaling piranti musik sebul ingkang kondhang saking suku Han. Wonten langkung saking 20 etnis Tionghoa minoritas ingkang ngginakaken suona menika. Ananging ugi wonten ingkang kapanggihaken wonten ing langkung saking 30 negara-negara ing Asia, Afrika lan Eropa. Amargi suona saged dipunsebul kanthi ngginakaken saben teknik ingkang jumbuh kalihan piranti musik sebut lan saged ngasilaken swara ingkang béda lajeng suona sampun dipunadaptasi déning musisi jazz lan ugi musisi rock.

Cathetan suku

  1. (ing basa Indonésia) Musik Cina, (dipunakses tanggal 24 Maret 2013)
  2. (ing basa Indonésia) Alat Musik Tiongkok Memberi Citra Khas pada Orkestra Divine Performing Arts , (dipunakses tanggal 24 Maret 2013)

Pirsani ugi