Dajjal

Dajjal (Arab: الدّجّال al-dajjāl‎‎) iku sawijining paraga sing digambaraké wengis lan candhala ing Eskatologi Islam, sing kasurupan sadurungé kiamat. Dajjal disebutaké nggawa fitnah ing akhir jaman. Miturut hadits, Nabi Muhammad SAW ngendika: “"Wiwit Allah swt nyipta Nabi Adam a.s. nganti mengko ing dina kiamat, ora ana bebendhu sing luwih ngédab-édabi saliyané Dajjal".

Etimologi

Dajal iku seka basa Arab sing lumrahé katujokaké kanggo ngrujuk "nabi palsu". Nanging istilah Ad-Dajjal, ngrujuk marang merujuk "panyinglon" atau "tukang ngapusi" sing katon sadurungé kiamat. Istilahé yaiku Al-Masih Ad-Dajjal (Basa Arab kanggo "Al Masih Palsu") iku tarjamah seka istilah Syria Meshiha Deghala sing wis jamak kagunakaké ing Wétan Tengah luwih seka 400 taun sadurungé Al-Quran tumurun.

Biografi

Dajjal ora kasebut ing Al Quran, nanging ana ing hadits lan Sunah. Adhedasar kapercayan sing tuwuh ing kalangan muslim, cirining ad-Dajjal iku antara sejene:

• Dajjal nduwèni ciri cacat arupa mata tengen sing wuta, lan mata kiwa bisa weruh nanging mung peteng. Ing sawetara hadits kasebut yèn Dajjal iku mung nduwé mata siji. Dhèwèké bakal nunggang kuldi putih sing selangkahé nganti sa-mil. Kuldi (keledai) mau mangan geni lan metu keluk lan bisa mabur lan ngliwati samudra.
• Dajal iku taruna kang dedegé lemu, kulité semu abang, rambut kriting, mata wuta sisih. Matané mau kaya woh anggur mateng (tanpa sinar), kaya Abdul Uzza bin Qathan (wong lanang Quraisy seka Khuza'ah sing urip ing jaman Jahiliyah).
• Dhèwèké bakal ngapusi wong-wong muslim kanthi ngajari perkara surga, nanging ajarané mau malah suwaliké, yaiku (Nraka).
• Aksara Arab Kaf Fa Ra (kafir, nduwé arti kufur) bakal katon ing jidhaté lan bakal gampang diweruhi déning wong muslim sing bisa maca utawa ora bisa maca.
• Dhèwèké bisa weruh lan krungu ing sadéngah papan kanthi bebarengan..
• Dhèwèké prigel ngapusi manungsa.
• Dhèwèké bakal nglungguhaké manungsa ing tingkatan Hyang.
• Dhèwèké bakal mratélakaké yèn dhèwèkè iku Hyang lan bakal ngapusi manungsa ing sajroning pikiran. Dhèwèké bakal mratélakaké yèn bar tangi saka pralaya. Salah sawijining wong penting bakal dipatèni lan dhèwèké bakal nguripaké manèh. Sawisé iku Allah bakal nguripaké wong sing dipatèni mau lan bakal éntuk kakuwatan manèh. Kanthi dasar perkara akhirat sing tinulis Anwar al-Awlaki), wong mukmin seka Madinah terus menyang Dajjal, ngadeg ing ing Uhud, lan kanthi jelas ngaku yèn Dajjal iku Dajjal. Banjur dhèwèké bakal takon, "Apa kowé percaya yèn aku iku Hyang yèn aku matèni kowé terus dak uripaké manèh?" Banjur Dajjal matèni wong mukmin mau. Sawisé diuripaké manèh, wong mukmin mau tambah ora percaya yèn Dajjal iku Hyang.
• Sapa sing nulak lan ora percaya marang Dajjal bakal ngalami kasangsaran kanthi mangsa ketiga lan kurang pakan. Sapa sing nampa bakal urip seneng.
• Sawetara ulama percaya yèn Dajjal bakal katon ing Kutha Isfahan
• Dhèwèké ora bakal mlebu Makkah utawa Madinah amarga dijaga malaikat.
• Imam Mahdi bakal nglawan kanggo béla Islam.
• Dajjal bakal dipatèni Nabi Isa sacedhaké gapura Lud, saiki mlebu wewengkon Israèl.