Musiyum Tridaya Éka Dharma: Béda antara owahan

Saka Wikipédia Jawa, bauwarna mardika basa Jawa
Addbot (parembugan | pasumbang)
c Bot: Migrating 1 interwiki links, now provided by Wikidata on d:q12499676 (translate me)
Pras (parembugan | pasumbang)
c Pras mindhahaken kaca Museum Tridaya Eka Darma dhumateng Muséum Tridaya Eka Darma: diakritik
(Ora ana béda)

Révisi kala 31 Mèi 2013 07.49

Museum Tridaya Eka Darma

Museum Tridaya Eka Dharma inggih punika salah satunggaling museum ingkang wonten ing Sumatera Barat, Indonesia ingkang dumunung ing kutha Bukittinggi, papanipun wonten ing jalan Panorama No. 24, kelurahan Kayo Kubu, kecamatan Guguk Panjang, Bukittinggi, Sumatera Barat. Museum punika dipunresmikaken dening Mohammad Hatta, nalika tanggal 16 Agustus 1973. Museum ingkang gadhah koleksi atusan senjata jaman perang punika kabuka kangge masyarakat umum.[1]

Sajarah

Museum punika rumiyin griya peristirahatan Gubernur Sumatera. Pambangunan museum punika dipunrancang dening Brigjen Widodo, salah sawijining pimpinan TNI wilayah Sumatera Tengah. Gagasan kasebut lajeng dipunterasaken dening Brigjen Soemantoro saha dipunresmikaken dados museum nalika tanggal 16 Agustus 1973.[2]

Museum dipunsukani nama "Museum Perjuangan Tridaya Eka Dharma" ingkang tegesipun tigang unsur kekiyatan setunggal pengabdian. Nama punika saged dipungayutaken kaliyan falsafah Minang "Tigo Tungku Sajarangan". Museum punika dipunbangun kangge sarana komunikasi antawisipun generasi saha minangka pewaris semangat juang sarta nilai-nilai kepahlawanan.[2]

Dipunpilihipun kutha Bukittinggi minangka papan kangge museum amargi kutha Bukittinggi nate dados ibukota provinsi Sumatera saha ibukota negara Republik Indonesia nalika Pemerintahan Darurat Republik Indonesia (PDRI).[2]

Koleksi

Maneka barang-barang bersejarah wonten ing Museum punika, antawisipun senapan laras panjang, senapan laras pendek, meriam, amunisi, granat, piranti perang, pemancar radio, alat penerima sinyal, telepon sarta ugi ageman para tentara Indonesia saha tentara asing.[3]

Kejawi punika ugi wonten dokumentasi nalika jaman paprangan, wonten ugi kadosta foto kepemimpinan para jenderal, lokasi penyekapan para pahlawan revolusi, sarta foto para presiden Indonesia wiwit saking taun 1945 dumugi taun 2004.[4]

Wonten ing sisih njawi museum wonten ugi Pesawat Terbang AT-16, Harvard B-419 damelan Amerika Serikat ingkang rumiyin dipunginakaken nalika mbrasta Pemerintahan Revolusioner Republik Indonesia ing Sumatera Tengah taun 1958, ingkang dipunoperasikaken ing Solok, Indarung, Bukittinggi saha Payakumbuh. Sabibaripun telas masa maburipun, pesawat terbang kasebut dipunsimpen ing depotlogistik ing Lanud Hussein Sastra Negara wonten ing Bandung dening Staf Angatan Udara. Lajeng, nalika taun 1973 dipunpasrahaken dhumateng Museum Tridaya Eka Dharma kangge dipundadosaken barang koleksi.[3]

Cathetan Suku

  1. (ing basa Indonésia)Museum Perjuangan Tridaya Eka Dharma(dipunundhuh tanggal 29 Oktober 2012)
  2. a b c (ing basa Indonésia)[1](dipunundhuh tanggal 29 Oktober 2012)
  3. a b (ing basa Indonésia)scribd.com Makalah B. Indonesia(dipunundhuh tanggal 29 Oktober 2012)
  4. [2]