Gustave Eiffel: Béda antara owahan

Saka Wikipédia Jawa, bauwarna mardika basa Jawa
Luru sajarah
← Besutan sadurungéBesutan sawisé →
Konten dihapus Konten ditambahkan
VisualTèks wiki
Tanpa ringkesan besutan
- hilangkan inuse
Larik 1: Larik 1:
{{Inuseuntil tema Prancis|24 April 2013}}

{{Infobox person
{{Infobox person
|image=Gustave Eiffel 1888 Nadar.jpg
|image=Gustave Eiffel 1888 Nadar.jpg

Révisi kala 25 April 2013 01.14

Gustave Eiffel
Eiffel ing taun 1888, potografi dening Félix Nadar
LairAlexandre Gustave Bönickhausen
(1832-12-15)15 Dhésèmber 1832
Dijon, Perancis[1]
Pati27 Dhésèmber 1923(1923-12-27) (umur 91)[1]
Paris, Perancis[1]
BangsaPerancis[1]
BojoMarie Gaudelet (1862–1877)[1]
Anak3 putra èstri (Claire, Laure, Valentine) , 2 putra jaler (Edouard, Albert)[1]
Wong tuwaAlexandre lan Catherine Eiffel[1]
Tandha tangan

Gustave Eiffel utawi jangkepipun Alexandre Gustave Eiffel inggih menika insinyur saking Perancis ingkang ngrancang lan ngawasi madegipun menara Eiffel ing taun 1889.[3] Gustave Eiffel mbangun menara Eiffel kanggé Paris World's Fair.[4] Kanggé mèngeti 100 taun Revolusi Perancis.[4] World's Fair utawi Universal Exposition ing taun 1889 (Exposition Universelle de 1889) dados paméran internasional ingkang suksès sanget lan salah satunggaling paméran ing ndonya ingkang bathinipun kathah.[4] Ing pameran menika ingkang paling misuwur inggih menika menara Eiffel, keajaiban logam ingkang ngantos 300 meter dening Gustave Eiffel.[4] Taun 1855, saksampunipun lulus saking College of Art lan Manufaktur, Eiffel miwiti nyinaoni babagan konstruksi logam, ingkang mligi babagan kreteg utawi jembatan.[3]

Wiwitan pagesanganipun

Alexandre Gustave Eiffel miyos ing Dijon, Perancis surya kaping 15 Désèmber 1832 lan séda surya kaping 27 Désèmber 1923.[3] [5] Gustave Eiffel putra kaping satunggal déning Alexandre Eiffel lan Catherine.[1] Piyambakipun trahipun Jean-Rene Bönickhausen, ingkang emigrasi saking Jerman kutha Marmagen,[5] lan mapan ing Paris nalika wiwitan abad 18.[6] Kulawarga ngginakaken asma Eiffel saking nama gunung Eifel ingkang wonten ing dhaérah menika.[5] Senajan kulawarga nganggé asma Eiffel, nanging nalika miyos Gustave dipundaftaraken minangka Bönickhausen,[7] lan dipungantos dados Eiffel ngantos 15 Désembèr 1880,[8] [9] amargi nalika semanten boten angsal nganggé asma Bönickhausen.[8]

Bapakipun Gustave Eiffel ingkang naté dados tentara, minangka administrator tentara Perancis,[8] nanging boten dangu saksampunipun miyosipun Gustave Eiffel, Ibunipun kagungan bisnis areng. Dipunlajengaken déning Gustave Eiffel dados distribusi batubara, saksampunipun bapakipun pinsiyun lan mbiyantu Eiffel. Amargi bisnisipun, Gustave gesang boten gesang kalian ibunipun nanging kaliyan simbahipun, jalaran saking menika taksih saged caket kaliyan ibunipun ngantos ibunipun séda ing taun 1878. Bisnis menika saged suksès kanggé Caterine Eiffel.[10]

Nalika taksih alit, Eiffel boten kalebet laré ingkang sregep sinau.[5] Rumaosipun, kelasipun ing Lycée Royal, Dijon mboseni lan mbuwang-mbuwang wekdal.[5] Wiwitanipun sregep sinau, amargi angsal panyurung saking guru sujarah lan sastra, piyambakipun pikantuk ijasah humanities lan science.[5] Ingkang kagungan prabawa ing pendhidhikanipun Eiffel inggih menika pamanipun, Jean-Baptiste Mollerat.[5] Ingkang kagungan pamanggih proses penyulingan cuka lan kagungan karya kimia ingkang ageng ing dhaérah ingkang caket Dijon.[5] lan salah satunggaling kanca pamanipun, ingkang Ahli Kimia, Michel Perret.[5] Nalika Eiffel taksih alit, kekalihipun maringi wekdal ingkang kathah kanggé Eiffel.[5] Nyinaoni sedaya ngenani manéka warna babagan kimia lan pertambangan lan ingkang wonten gegayutanipun kaliyan téologi lan filsafat.[5]

Eiffel ngrawuhi adiacara ing pawiyatan luhur Sainte-Barbe, kanggé nyiapaken nggarap tes ingkang awrat dening pawiyatan luhur teknik ingkang paling misuwur ing Perancis.[5] Eiffel kagungan pangajeng-ajeng supados saged mlebet ing École Polytechnique, nanging miturut gurunipun Eiffel langkung sae menawi mlebet ing École Centrale des Arts et Manufactures ing Paris.[5] Mlebet taun kaping kalih, piyambakipun mendhet jurusan ingkang langkung mligi inggih menika kimia.[5] lan lulus wonten ing rangking 13 saking 80 tiyang, nalika taun 1855.[5] Ing taun menika uga, ing Paris wonten World's Fair ingkang kaping satunggal, lan Eiffel dipunpundhutaken tikèt semusim déning ibunipun.[5]

Padamelan ing Bidhang Teknik

Wiwitan Padamelanipun

Kreteg Bordeaux, karya agengipun Eiffel ingkang kaping satunggal.

Saksampunipun lulus, Eiffel kagungan pangajeng-ngajeng supados saged nyambut damel kaliyan paklékipun ing Dijon, nanging boten saged amargi wonten masalah ing kulawarganipun.[4] Saksampunipun nyambut damel dados asisten ipenipun piyambak ingkang mandegani ngecor wesi, Eiffel boten dipunparingi opah.[11] Lajeng Eiffel ndhèrèk Charles Nepveu inggih menika insyinyur margi sepur, ingkang maringi opah ingkang kaping satunggal minangka sekretaris pribadi.[5] Boten dangu, persahaanipun Charles Nepveu bangkrut. Nanging Eiffel dipunpadosaken padamelan énggal inggih menika ndhèrèk Chemins de Fer de l'Ouest. Kaliyan pabrik menika Eiffel ndamel rancangan kreteg ingkang kaping satunggal.[5] Inggih menika kreteg wesi kanggé stasiun Germaine ingkang ambanipun 22 mèter. Perusahaanipun Nepveu lajeng dipunopèni déning Compagnie Belge de Matériels de Chemin de Fer. Nepveu dados direktur kalih perusahaan ing Paris lan Eiffel dipuntaweni padamelan mandégani departemen bidhang panaliten. Taun 1857, Nepveu nyetujoni kontrak mbangun kreteg ing nginggil kali Garonne,Bordeaux, ingkang nyambungaken Paris-Bordeaux lan Sète-Bayonne, ingkang dibangun kreteg wesi 500 mèter, kaliyan 6 pasang watu dermaga ing dasar kali. Proyèk menika dibangun kanthi teknik inovatif ing mangsa riyin inggih menika dibangun kanthi teknik compressed air caissons lan hydraulic rams. Eiffel wiwitanipun angsal tanggel jawab ngrakit wesi, nanging saksampunipun Nepveu medal saking padamelanipun ing Maret 1860,[12] [5] Eiffel tanggel jawab sedaya proyek ingkang dipunasta déning Nepveu.[5] Saksampunipun ngrampungaken proyèk miturut jadwal ingkang sampun dipunrancang, Eiffel dados insinyur utama ing Belge Compagnie. Padamelanipun angsal kawigatosan saking tiyang ingkang saklajengipun maringi pandamelan kangem piyambakipun inggih menika Stanslas de la Roche Toulay, ingkang nyiyapaken rancangan kanggé proyèk Bordeax, Jean Baptiste Krantz lan Wilhelm Nordling. Eiffel sampun ndhèrèk promosi saking perusahaan nanging perusahaanipun sampun wiwitan ketingal bangkrut. Ing taun 1865, Eiffel mirsani menawi wonten mrika boten wonten pangajeng-ajeng saklajengipun. Lajeng Eiffel medal saking padamelan lan nyobi dados insinyur konsultan pribadhi. Piyambakipun sampun nyambut damel piyambak, inggih menika ing proyek mbangun kalih stasiun, ing Toulouse lan Agen. Ing taun 1866 piyambakipun angsal kontrak ngawasi pembangunan 33 lokomotif kanggé Mesir. Ing wekdal ingkang sami Eiffel ugi nyambut damel dados asistenipun Jean-Baptiste Kranz nalika ngrancang ndamel ruwang pameran kanggé Exposition Universelle ing taun 1867. Padamelanipun Eiffel ingkang pokok inggih menika ndamel balok-balok lengkung Galerie des Machines. Kanggé nglajengaken padamelan menika Eiffel lan Henri Treca, direktur saking Conservatoire des Arts et Metiers nglampahi panaliten ngenani kahanan struktural logam.

Eiffel Co

Stasiun ing Budapest

Ing wekasaning taun 1866 Eiffel kasil ngampil arta ingkang cekap kanggé ndamel ruwang nyambut damel piyambak ing Rue Fouquet 48, Levallois-Perret.[13] Proyek ingkang sepindah kanggé ndamel kalih kreteg margi sepur antawisipun Lyons lan Bordeaux lan perusahaanipun ugi nglampahi pakaryan kanggé negara sanès, kadosta gerèja San Marcos ing Arica, Chili. Inggih menika bangunan logam ingkang siyap dipuntata, dipundamel ing Perancis dipunkirim tumuju Amerika Kidul lajeng disusun ing papanipun.

Tanggal 6 Oktober 1868 piyambakipun gabung kaliyan Theophile Seyrig. Theophile Seyrig ugi lulusan saking Ecole Centrale, sami kaliyan Eiffel lan ndamel perusahaan ingkang dipunwastani Eiffel Co. Taun 1875 Eiffel Co pikantuk kontrak ingkang wigati, ingkang satunggal ndamel margi sepur saking Wina dumugi Budapest lan ingkang satunggal ndamel kreteg nginggil lepen Douro ing Portugal.[14] Stasiun ing Budapest kalebu rancangan inovatif. Pola ingkang sepindah kanggé terminal paling ujung inggih menika ndelikaken struktur baja ing wingking fasad ingkang dipunpirsakaken. Desain Budapest Eiffel ngginakaken struktur baja minangka kerangka tengah bangunan, saben sisih dipunapit kaliyan watu ingkang padatan lan kantor administratif ingkang dipundamel saking struktur bata.

Kreteg Maria Pia

Kreteg ing nginggil lepèn Doure inggih menika asil saking kompetisi ingkang dipunwontenaken dening Royal Portuguese Railroad Compani. Saben anggota pikantuk jejibahan: amargi lèpènipun santer, lebetipun 22 meter (kinten-kinten 66 kaki), lan tanggul ingkang bentukipun kados lapisan lebet kanthi struktur kerikil ingkang mokal menawi konstruksi dermaga ing nginggil lèpèn, lan ugi kreteg kedah gadhah rentang tengah kinten-kinten 160 meter (520 kaki), menika rentang kreteg ingkang paling dhawa ing jaman rumiyin.[15] Proposal Eiffel inggih menika nawèkaken kreteg ingkang landasanipun dipunsangga déning gangsal dermaga wesi, pangkal kreteg ganda ing pinggir lèpèn ugi kalebet saka panyangga utama. Kinten-kinten reginipun Eiffel inggih menika FF 965.000, tebih sanet kalian sainganipun ingkang paling caket, lan awit menika piyambakipun pikantuk jejibahan kasebut, ewasemanten awit perusahaanipun kaanggep kirang pengalaman tinimbang pesaing ingkang sanes, pamréntah Portugal nunjuk komite supados nglaporaken menawi sampun skéca nyambut damel kaliyan perusahaan Eiffel Co. Anggotanipun kadasta Jean-Baptiste Krantz, Henri Dion lan Leon Molinos, tiyang ingkang sampun ngertos lan tepang Eiffel: laporanipun jumbuh, lan Eiffel resmi pikantuk jejibahan menika. Pakaryan ingkang sepindah dipunwiwiti Januari 1876 lan saged dipunrampungaken ing wekasaning Oktober 1877: kreteg menika dipunbikak kanthi seremonial déning Raja Luis I lan Ratu Maria Pia, lajeng asma kekalihipun dados nama ktreteg kasebut ing tanggal 4 November.

Jalaran pameran Universelle taun 1878, reputasinipun Eiffel misuwur minangka insinyur. Sarta perusahaanipun mameraken model lan gambar asil kriyanipun Eiffel, lan tanggeljawapipun Eiffel ngrancang gedhung-gedhung pameran.[16] Salah satunggaling inggih menika paviliun kanggé Paris Gas Company, inggih menika kolaborasi Eiffel ingkang sepindah kaliyan Stephen Sauvestre, ing saklajengipun dados kepala utawi ingkang mandegani kantor arsitektur perusahaan.

Tun 1879 kekancanan kaliyan Seyrig rusak, lan nama perusahaan dipungantos minangka Compagnie des Etablissements Eiffel.[17] Ing taun ingkang sami, perusahaan dipunparingi jejibahan kanggé ndamel Garabit viaduct, kreteg kanggé margi caket kaliyan Ruynes en Margeride ing departemèn Cantal. Eiffel pikantuk jejibahan menika tanpa wonten kompetisi menapa-manapa, amargi sampun kasil ig jejibahan ing Deuro.[18]

Perusahaan Eiffel Co samenika sampun boten aktif. Proyek-proyekipun inggih menika [19]:

  • Beira Alta Railroad Line (1881)
  • Briare Canal Bridge (1896)
  • Casa de Fierro (1890)
  • Chézeau Bridge (1879)
  • Cris Bridge
  • Cubzac Bridge (1883)
  • Dao Bridge
  • Eiffel Tower (1889)
  • Galerie des machines (1889)
  • Galliera Museum (1894)
  • Garabit Viaduct (1884)
  • Giza Zoo Suspension Bridge
  • Kalpaka Bridge (1906)
  • Maria Pia Bridge (1877)
  • Meligioso Bridge
  • Mortagua Bridge
  • Neuvial Viaduct (1868)
  • Nice Observatory (1886)
  • Passerelle dans le Parc des Buttes-Chaumont (1867)
  • Passerelle de Bry (1894)
  • Pedestrian Truss Bridge at Girona (1877)
  • Pont sur le Roubian à Montélimar (1887)
  • Rouzat Viaduct (1869)
  • Souleuvre Viaduct (1889)
  • Szegedin Road Bridge (1883)
  • Tardes Viaduct (1884)
  • Thouars Viaduct (1873)
  • Trezoi Bridge (1881)
  • Venaco-Vivario Viaduct (1894)
  • Verzeas Bridge
  • Viana do Castelo Bridge (1878)
  • Western Railway Station (1877)

Menara Eiffel

Dipungambar dening Koechlin kangge Menara Eiffel

Salah satunggaling proyek menara Eiffel ingkang kaping setunggal inggih menika ing taun 1858, nalika piyambakipun ngawasi ndamel kretek wesi ing Bordeaux, lan ing taun 1866 Eiffel kagungan perusahaan piyambak.[3] Nalika piyambakipun ngrancang Gallery of Machines utawa galeri melengkung, kanggé Paris Exhibition utawa Pameran Paris ing taun 1867 reputasinipun dipunpadetaken.[3]

Menara Eiffel inggih menika menara wesi ingkang wonten ing Champ de Mars' ing piggir lèpèn Seine, Paris.[20] Menara punika sampun dados 'ikon global' Perancis lan salah satunggaling struktur misuwur ing ndonya.[20] Menara kang inggilipun 300 meter menika jumeneng ing taun 1889 kanggé International Exposition, simbol kitha Paris.[20]

Menara Eiffel, dipunparingi nama dening insinyur Perancis Alexandre Gustave Eiffel.[21] Inggih menika salah satunggaling bangunan kang misuwur ing Perancis.[21] Menara Eiffel digambar dening Maurice Koechlin lan Emile Nouguier, ingkang ngrembug ide kang utami kanggé Exposition Universelle ing taun 1889.[3]

Caricature of Eiffel, published in 1887 at the time of "The Artist's Protest"

Mei 1884 Koechlin, nyambut damel wonten griya. Ndamel sketsanipun, dipungambaraken déning Koechlin kadasta, tonggak ingkang ageng, wonten tigang balok ingkang nyangga kisi ingkang ngadeg mencar, lajeng gabung dados satunggal ing tengah ngantos inggil, dipundadosaken satunggal kaliyan baja ingkang jarakipun sampun diatur. Wiwitanipun, Eiffel nggadhahi antusiasme, senajan piyambakipun nglampahi studi saklajengipun kanggé proyek menika, lan kalih teknisi lajeng nyuwun Stephen Sauvestre nambahaken sisi arsitektur. Sauvestre nambahaken lengkung-lengkung dekoratif ing bageyan dasar, pavilyun kaca ing tingkat ingkang kaping satunggal lan kubah ing puncakipun. Ide ingkang sampun ngrembaka menika njalari Eiffel angsal dukungan ingkang kathah kangge ngrampungaken proyek menika, lan Eiffel mundhut hak paten gambar rancanganipun Koechlin, Nougier lan Sauvestre. Desain dipunpamerake ing Pameran Seni Dekorasi ing mangsa gugur taun 1884, tanggal 30 Maret 1885 Eiffel maos makalah ngenani proyek kangge Société des Ingénieurs Civils. Saksampunipun ngrembug babagan masalah teknisipun lan paedah praktisipun menara, piyambakipun ngrampungaken ngendikan kanthi ngendika menawi menara menika minangka pratanda. Mekaten pangandhikanipun:

"not only the art of the modern engineer, but also the century of Industry and Science in which we are living, and for which the way was prepared by the great scientific movement of the eighteenth century and by the Revolution of 1789, to which this monument will be built as an expression of France's gratitude."

Ingkang tegesipun, "Boten namung seni teknik modern, ananging ugi abad industri lan Ngelmu minangka piranti kita sedaya saged lan ingkang dipunsiyapaken dening gerakan ngelmu ingkang misuwur ing abad 18 lan Revolusi 1789, awit menika monumen menika badhe dipunbangun minangka raos agunging panuwunipun Perancis"

Skandal Panama

Illustration of Eiffel's lock design from a contemporary magazine

Ing taun 1887, Eiffel ndherek Perancis ngadegaken kanal ing Tanah Genting Panama. Perusahaan Kanal Panama Perancis dipunpandegani dening Ferdinand de Lesseps. Rencananipun badhe dipunbangun terusan Panama, nanging boten kalampahan. Rencananipun owah dados satunggal kaliyan Lock, Eiffel wonten ing jejibahan ngrancang lan mbangun. Locks dipuntambahi ngantos 11 meter.[22] Eiffel nyambut damel boten ngantos satunggal taun ngantos perusahaan boten medalaken opah ngantos 14 December 1888,[23] lan boten dangu kalebet ing likuidasi. Reputasi Eiffel rusak amargi wonten ing jejibahan menika, katingal ndherek kesandung ing polahing arta lan politik. Senajan namung kontraktor, piyambakipun didakwa minangka nylewengaken dana kaliyan direktur. Ing 9 Februari 1893 Eiffel kabukti salah, dipundenda 20,000 francs lan mlebet kunjara kalih taun,[24] senajan bebas saking dakwaan. [25] Boten dangu sakdèrèngipun sidang, Eiffel ngumumaken niyatipun medal saking Dewan Direksi Compagnie des Etablissements Eiffel, dan ngumumaken ing Rapat Umum tanggal 14 Februari, ngendikanipun:

"I have absolutely decided to abstain from any participation in any manufacturing business from now on, and so that no one can be misled and to make it most evident that I intend to remain absolutely uninvolved with the management of the establishments which bear my name, I wish to that my name should disappear from the name of the company." [26]

Perusahaan nggantos namanipun dados La Société Constructions Levallois-Perret, Maurice Koechlin minangka directoripun. Taun 1937 owah malih dados Anciens Etablissements Eiffel.[27]

Karyanipun

Bangunan lan Strukturipun

Cathedral of San Pedro de Tacna, Peru.
The "Grand Hotel Traian" from Iaşi, is Gustave Eiffel's link to Romania
The Konak Pier ing İzmir
Patung Liberty lan Pulo Liberty
Observatorium Nice ing Nice, Perancis
La Paz Bus Station

Kreteg

Eiffel bridge in Caminha
Eiffel Bridge in Ungheni

Ingkang boten Disetujoni

Proyek Ingkang Boten Dados (Boten Terealisasi)

  • Kreteg Trinity, Saint Petersburg, Eiffel nglebetaken proyek ing kontes, nanging proyek boten siyos dados, utawa boten terealisasi.[5]

Warisan Eiffel ingkang kedah dipunlestantunaken

Karya Gustave Eiffel samenika wonten ingkang sampun badhe musna. Pinten-pinten wonten ingkang sampun rusak, kadosta ing Vietnam. Proposal kangge mbongkar kreteg ing Bordeaux (utawi passerelle St Jean), Asil karya agengipun Gustave Eiffel, pikantuk panyaruwe ingkang kathah saking babrayan. Nglestantunaken kreteg menika katindakaken awit wiwitanipun taun 2002 dening Association of the Descendants of Gustave Eiffel,[33] Taun 2005 asosiasi Sauvons la Passerelle Eiffel (Save the Eiffel Bridge) ndherek gabung. ing 2010 kekalihipun mandegani, ngantos ngasilaken putusan menawi kretekipun Eiffel, inggih menika kreteg Bordeaux mlebet salah satunggaling Monumen Sejarah Perancis. [34]

Cathetan Suku

  1. ↑ a b c d e f g h Gustave Eiffel (dipunundhuh tanggal 24 April 2013)
  2. ↑ Harvie 2006 p.124
  3. ↑ a b c d e f Gustave Eiffel biography (dipunundhuh tanggal 31 Maret 2013)
  4. ↑ a b c d e Gustave Eiffel (dipunundhuh tanggal 5 April 2013)
  5. ↑ a b c d e f g h i j k l m n o p q r s t u v w x y z aa ab ac ad ae af ag ah ai aj ak al am an ao Alexandre Gustave Eiffel (dipunundhuh tanggal 15 April 2013)
  6. ↑ Loyrette 1985, p.21
  7. ↑ État-civil de la Côte-d'Or, Dijon, Registres d'état civil 1832, p. 249
  8. ↑ a b c Menara Eiffel “La Tour Eiffel” Paris (dipunundhuh tanggal 24 April 2013)
  9. ↑ Harvie 2006 p.1
  10. ↑ Harvie 2006, p.3
  11. ↑ Loyrette 1985, p.30
  12. ↑ Loyrette 1985, p.33
  13. ↑ Loyrette 1985, p. 37
  14. ↑ Loyrette 1985, p.57
  15. ↑ Loyrette 1985, p.60
  16. ↑ Loyrette 1985, p.71
  17. ↑ Loyrette 1985, p.42
  18. ↑ Loyrette 1985, p.77
  19. ↑ Eiffel et Cie (dipunundhuh tanggal 23 April 2013)
  20. ↑ a b c Sang Arsitek Bangunan pencakar langit "Tour Eiffel" (dipunundhuh tanggal 18 April 2013)
  21. ↑ a b Menara Eiffel (dipunundhuh tanggal 18 April 2013)
  22. ↑ Loyrette 1985, p. 193
  23. ↑ "The Panama Canal Company". The Times (32570): 7. 15 December 1888. {{cite journal}}: |access-date= requires |url= (pitulung)
  24. ↑ "Heavy Sentences On The Panama Defendants". The Times (33871): 5. 10 February1893. {{cite journal}}: |access-date= requires |url= (pitulung); Check date values in: |date= (pitulung)
  25. ↑ Gustave Eiffel, dipunundhuh tanggal 24 April 2013.
  26. ↑ "Historique des Etablissements Eiffel" . Association des Descendants de Gustave Eiffel – gustaveeiffel. Dibukak ing 24 March 2012. Je suis absolument décidé de m'abstenir désormais d'une participation quelconque dans une affaire industrielle, et afin que personne ne puisse s'y tromper et pour marquer de la façon la plus manifeste que j'entends rester désormais absolument étranger à la gestion des établissements qui portent mon nom, je tiens expressément à ce que mon nom disparaisse de la désignation de la société.
  27. ↑ Harvie 2006, p.40
  28. ↑ a b Alexandre Gustave Eiffel (1832-1923) by Jim Down (dipunundhuh tanggal 16 April 2013)
  29. ↑ Notre Dame Cathedral (Notre Dame de Paris) — Photo Collection (dipunundhuh tanggal 17 April 2013)
  30. ↑ Garabit_Viaduct (dipunundhuh tanggal 16 April 2013)
  31. ↑ Munchenstein rail disaster, 1891 (dipunundhuh tanggal 16 April 2013)
  32. ↑ Souleuvre Viaduct (dipunundhuh tanggal 16 April 2013)
  33. ↑ http://www.gustaveeiffel.com
  34. ↑ site ADGE news bulletin (in French)

Pranala Njawi

Dijupuk saka "https://jv.wikipedia.org/w/index.php?title=Gustave_Eiffel&oldid=855158"