Salat

Artikel iki bagéyan saka sèri Islam Rukun Islam Sahadat · Salat · Pasa Jakat · Kaji Rukun Iman Allah · Kuran · Malaékat Nabi · Dina Akhir Qada & Qadar Tokoh Islam Mukamad Nabi & Rasul · Sakabat Ahlul Bait Kutha suci Mekkah ·Madinah · Yérusalem Najaf · Karbala · Kufah Kazimain · Mashhad ·Istanbul Riyaya Éjrah · Idul Fitri · Idul Adha · Asyura · Ghadir Khum Arsitèktur Mesjid ·Menara ·Mihrab Ka'bah · Arsitèktur Islam Jabatan Fungsional Khalifah ·Ulama · Imam·Mullah·Ayatullah · Mufti Tèks & Ukum Kuran ·Kadis · Sunah Fiqih · Fatwa · Saréngat Madahab Sunni Kanapi ·Kambali Maliki ·Sapingi Singah Rolas Imam Ismailiyah·Zaidiyah Liyané Ibadi · Khawarij Murji'ah·Mu'taziliyah Delengen uga Gapura Islam Indeks perkara Islam

Shalat utawa asring diéja Salat (ejaan KBBI), Solat, Sholat (basa arab = صلاة ) kuwi salah siji ritual ibadat agama Islam. Miturut basa, shalat asal saka basa Arab kang maknané : "donga". Déné miturut istilah, shalat maknané rangkéan kagiatan ibadah khusus utawa tartamtu kang diwiwiti kanthi takbiratul ihram lan dipungkasi kanthi salam.Praktèk shalat kudu rujuk karo pituduh tata cara Rasulullah SAW minangka pengejawantahan printah Allah SWT. Rasulullah SAW maringi sabda, Shalat-a kowé kabèh padha karo apa kang mbok deleng tak lakoni. (HR Bukhari-Muslim).

Hukum Shalat

Shalat Berjama'ah

Hukum shalat bisa digolongaké mangkéné :

• Fardhu, Shalat fardhu kuwi shalat kang wajib. Shalat Fardhu kapérang manèh dadi loro, yaiku :
  • Fardhu ‘Ain : kuwi kawajiban kang diwajibaké tumrap mukallaf langsung magepokan karo awaké dhéwé lan ora bisa diwakilaké, kayata shalat limang wektu, lan shalat jum'at (Fardhu 'Ain kanggo pria).
  • Fardhu Kifayah : kuwi kawajiban kang diwajibaké tumrap mukallaf ora langsung magepokan karo awaké dhéwé. Kawajiban iku dadi sunnah sawisé ana sawetara wong kang ngayahi. Nanging yèn ora ana wong kang ngayahi kita wajib nglakoni lan dadi dosa yèn ora dlakoni, kaya shalat jenazah.
• Nafilah (shalat sunnat),Shalat Nafilah kuwi shalat-shalat kang dianjuraké utawa disunnahaké nanging ora wajib. Shalat nafilah kapérang manèh dadi loro, yaiku
  • Nafil Muakkad kuwi shalat sunnat kang dianjuraké kanthi panekanan kang kuat (nyedhaki wajib), kayata shalat Idul Fitri lan Idul Adha, shalat sunnat witir lan shalat sunnat thawaf.
  • Nafil Ghairu Muakkad kuwi shalat sunnat kang dianjuraké tanpa panekanan kang kuat, kayata shalat sunnat Rawatib lan shalat sunnat kang sifaté insidentil (gumantung wektu lan kahanan, kaya shalat kusuf/khusuf mung dilakoni nalika ana grahana).

Rukun Shalat

Artikel baku: Rukun Shalat

Sewelas Rukun Shalat :

1. Niat
2. Takbiratul ihram
3. Ngadeg kanggo kang bisa
4. Maca surat Al Fatihah
5. Ruku' kanthi thu'maninah
6. I'tidal kanthi thu'maninah
7. Sujud ping pindho kanthi thu'maninah
8. Lungguh antara rong sujud kanthi thu'maninah
9. Lungguh kanthi thu'maninah sarta maca tasyahud pungkasan lan shalawat nabi
10. Maca salam
11. Tertib (nglakoni rukun sacara urut)

Shalat Berjama'ah

Shalat tartamtu dianjuraké dilakonikanthi bebarengan (jama'ah). Jroning shalat jama'ah kang dianggep paling kompeten ditunjuk minangka Imam Shalat, lan liyané dadi Makmum.

• Shalat kang bisa dilakoni sacara jama'ah antara liya :
  • Shalat Fardhu
  • Shalat Tarawih

• Shalat kang kudu dilakoni sacara jama'ah antara liya:
  • Shalat Jum'at
  • Shalat Id
  • Shalat Istisqa'

Shalat jroning kahanan tartamtu

Jroning kahanan tartamtu kawajiban nglakoni shalat diwènèhi kalonggaran tartamtu. Contoné nalika lara lan wektu ing lelungan (safar).

Jroning kahanan lara nganti ora bisa ngadeg bisa nglakoni shalat kanthi lungguh utawa turon, yèn ora bisa nglakoni gerakan tartamtu cukup nganggo isyarat.

Déné yèn lagi lelungan, diidinaké nggabung (jama’) utawa ngringkes (qashar) shalaté. Njama' shalat maknané nggabungaké loro shalat dadi siji yakuwi dzuhur karo ashar utawa maghrib karo isya. Qasar shalat maknané ngringkes shalat kang mauné 4 raka'at (dzuhur,ashar,isya) dadi rong rakaat.

Shalat jroning Al Qur'an

Ing ngisor iki ayat-ayat kang mbahas bab shalat jroning Al Qur'an, kitab suci agama Islam.

• Kandhakké marang hamba-hamba-Ku kang wis nduwèni iman: Supaya ngadegaké shalat, nafkahaké sebagéan rezeki kang tak wèhké sacara sesidheman utawa terang-terangan sadurungé teka dina (kiamat) kang ing dina iku ora ana dol-tinuku lan kekancan (QS.Ibrahim :31)14:31
• Sakbeneré shalat iku nyegah saka lelaku keji lan mungkar. Lan sakbeneré éling marang Allah (shalat) kuwi luwih gedhé (kautamané saka ibadat-ibadat liyané) Lan Allah pirsa apa kang mbok lakoni (al-‘Ankabut : 45) 29:45
• Mulané teka sawisé dhèwèkné kabèh, pengganti (kang èlèk) kang nyia-nyiakaké shalat lan nuruti hawa nafsu, mula bésuk bakal nemoni kasesatan (Maryam: 59)19:59
• Sakbeneré manungsa diciptakaké kanthi sifat keluh kesah tur nyengit. Yèn dhèwèké éntuk kasusahan keluh-kesah, lan yèn éntuk kabungahan dhèwèké nyengit, kajaba wong-wong kang nglakoni shalat, kang tetep nglakoni shalaté (al-Ma’arij : 19-23)70:19

Delengen uga

• Kitab-kitab Syaikh al-Albani bab tata cara shalat

Pranala jaba

• (ing basa Indonésia) http://rosyidi.com Download tatacara shalat Fardhu lan Jenazah interaktif jroning format flash.
• (ing basa Indonésia)PDF Ilustrasi Posisi Imam dan Makmum dalam Sholat Berjamaah
• Petunjuk tatacara shalat interaktif dalam format flash
• (ing basa Indonésia) Wektu-wektu shalat ing Indonesia