Anggur Jerman: Béda antara owahan

Konten dihapus Konten ditambahkan

Salarik

Révisi kala 2 April 2013 23.02

Anggur Jerman menika jinising anggur ingkang asalipun saking Jerman.^[1] Unjukan anggur menika unjukan ingkang dipunremeni déning tiyang Jerman kejawi bir.^[2] Produk anggur Jerman ingkang paling kondhang menika Riesling ingkang gadhah ciri khas kecut lan saged dados kanca kanggé manéka jinis masakan.

Sajarah

Proses damel anggur wonten ing Jerman menika sampun kawiwitan saking taun 100 SM ingkang dipunlampahi déning Bangsa Romawi. Wonten ing abad tengahan, para biarawan nglajengaken tradisi damel anggur lan miyaraken lahan anggur ingkang tasih produktif dumugi samenika. Produksi anggur Jerman mandhap sanget nalika dekade 60 lan 70-an nalika sapérangan ageng anggur legi dipundamel kanggé dipunekspor. Budidaya anggur vitikultur) ing Jerman dipunlampahi kanthi tliti supados ngasilaken unjukan mawi kuwalitas saée. Pérangan menika dipundukung mawi teknologi inggil ananging ramah lingkungan. Tiyang Jerman manèn anggur mawi tngan lan nyimpen anggur putih wonten ing tangki baja anti karat déné anggur abrit menika dipunsimpen wonten ing tong saking kayu oak. Samenika, Jerman gadhah kathah produsen alit ingkang damel unjukan anggur ingkang gadhah kuwalitas.^[1] Keluwihan saking anggur Jerman menika amargi negara kasebut gadhah manéka jinis anggur ingkang dipundamel unjukan anggur mawi kuwalitas, mliginipun anggur saking lèr Jerman ingkang kondhang minangka jinis ingkang paling gadhah mutu amargi lemahipun ingkang subur.^[2]

Keluwihan

Anggur Jerman ingkang saé menika kondhang awit saking rasanipun ingkang alami lan ènthèng ugi seimbang antawisipun rasa legi lan kecut. Sapérangan ageng kebon anggur dipunbudidayakaken ing ngandhaping bukit, mliginipun wonten ing pinggiring Kali Rhein lan Kali Mosel sarta cabang-cabangipun saéngga pikantuk cahya srengéngé ingkang dipunpentalaken saking toya kali.^[1] Anggur Jerman ingkang mateng kanthi alon pengaruh marang rasa ingkang seger lan kecut . Jerman damel sekedhik anggur abrit lan kathah anggur putih ugi rosé (jambon) kanthi rasa ingkang asring trocken (pait) utawi halbtrocken (setengah pait) ingkang kaserat wonten ing label. Bènten kalihan dessert kanthi bahanipun saking unjukan anggur ingkang rasanipun tansah legi.^[1]

Dhaérah ingkang ngasilaken anggur

Anggur Jerman menika asalipun saking kawasan kanthi iklim adhem saéngga dipunbudidayakaken wonten ing lèrèng ingkang madep ngidul supados tansah kénging cahya srengéngé terus. Kejawi menika wonten ugi kebon anggur ing lembah kali kados Rhein lan Mosel amargi toya kali saged ngatur suhu nalika wanci dalulan saged mentalaken angeting cahya srengéngée. Tigang papan ingkang ngasilaken anggur Jerman ingkang paling gadhah kuwalitas menika ing dhataran curam ing sedawaning pinggiran Kali Mosel, dhaerah Rheingau, sarta dhataran Rheinhessen.

Kathah wisatawan asing ingkang dugi ing salah satunggal dhaérah ingkang ngasilaken anggur. Saking masa reunifikasi, gunggunging wisatawan ingkang dugi ing Jerman Wétan menika nambah, Dhaéerah anggur tradisional Jerman, ingkang mbentang saking bagéyan tengah Rhein ing Bonn dumugi Tlaga Constance ing watesan Swiss menika dhaérah ingkang paling kathah dipunparani déning wisatawan amargi wonten ugi papan-papan mawi sejarah, sumber toya panas, griya-griya tradisional mawi empyak (atap) ireng putih ing désa wiyosipun Grimm lan sedhèrèk sarta sesawangan ingkang endah.

Pirsani ugi

Masakan Jerman

Cathetan suku

↑ ^a ^b ^c ^d Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé.Food & Drink, frommers.
↑ ^a ^b Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé.German Wines, germanculture.

[masakan_daerah_jerman-food_and_drink-1] Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé.Food & Drink, frommers.

[ANGGUR_JERMAN-GERMANCULTURE-2] Masalah transklusi: {{En}} mung bisa kaanggo ing mandhala aran Barkas. Anggonen {{lang-en}} utawa {{en icon}} baé.German Wines, germanculture.

[1]

[2]

@@ Larik 27: / Larik 27: @@
 [[Kategori:Anggur (unjukan)]]
 [[Kategori:Masakan Jerman]]
-[[af:Wynbou in Duitsland]]
-[[cv:Германи эрехĕсем]]
-[[de:Weinbau in Deutschland]]
-[[en:German wine]]
-[[es:Vino de Alemania]]
-[[fi:Viinintuotanto Saksassa]]
-[[fr:Viticulture en Allemagne]]
-[[id:Anggur Jerman]]
-[[ja:ドイツワイン]]
-[[nl:Wijnbouw in Duitsland]]
-[[no:Tysk vin]]
-[[pl:Wina niemieckie]]
-[[ru:Виноделие в Германии]]
-[[simple:German wine]]
-[[sv:Tyska viner]]