Basis data

Basis data (basa Inggris: database), utawa asring uga dieja basisdata, iku kumpulan informasi sing disimpen sajroning komputer sacara sistematik saéngga bisa dipriksa migunakaké sawijining program komputer kanggo antuk informasi saka basis data mau. Prangkat empuk sing dipigunakaké kanggo nglola lan ngundang kueri (query) basis data disebut sistem manajemen basis data (database management system, DBMS). Sistem basis data disinaoni ing èlmu informasi.

Istilah "basis data" awalé saka èlmu komputer. Senadyan tegesé saya wiyar, nglebokaké perkara-perkara sanjabaning bidhang èlèktronika, artikel iki ngenani basis data komputer. Cathetan sing mèmper karo basis data sabeneré wis ana sadurungé révolusi indhustri yaiku ing bentuk buku besar, kuitansi lan kumpulan data sing ana hubungané karo bisnis.

Konsèp dhasar saka basis data yaiku kumpulan saka cathetan-cathetan, utawa tugelan kawruh. Sawijining basis data duwé panjlasan kastruktur saka jenis fakta sing kasimpen ing njeroné: panjlasan iki disebut skema. Skema nggambaraké obyèk sing diwakili sawijining basis data, lan hubungan ing antarané obyèk mau. Ana akèh cara kanggo ngorganisasikaké skema, utawa modhelaké struktur basis data: iki dikenal minangka modhel basis data utawa modhel data. Modhel sing umum dipigunakaké saiki yaiku modhel relasional, sing miturut istilah layman makili kabèh informasi ing bentuk tabèl-tabèl sing silih hubungan ing ngendi saben tabèl kapérang saka baris lan kolom (dhéfinisi sing sabeneré migunakaké terminologi matematika). Ing modhel iki, hubungan antar tabèl diwakili kanthi migunakaké pangaji sing padha antar tabèl. Modhel liyanékayata modhel hierarkis lan modhel jaringan migunakaké cara sing luwih èksplisit kanggo makili hubungan antar tabèl.

Istilah basis data ngacu ing kolèksi saka data-data sing saling gegandhèngan, lan prangkat empuké kuduné ngacu minangka sistem manajemen basis data (database management system/DBMS). Yèn kontèké wis cetha, akèh administrator lan programer migunakaké istilah basis data kanggo kaloro teges mau.

Prangkat empuk basis data

Prangkat empuk basis data sing akèh dipigunakaké sajroning pamrograman lan arupa prangkat basis data aras dhuwur (high level):

• DB2
• Microsoft SQL Server
• Oracle
• Sybase
• Interbase
• XBase
• Firebird
• MySQL
• PostgreSQL
• Microsoft Access
• dBase III
• Paradox
• FoxPro
• Visual FoxPro
• Arago
• Force
• Recital
• dbFast
• dbXL
• Quicksilver
• Clipper
• FlagShip
• Harbour
• Visual dBase
• Lotus Smart Suite Approach

Saliyané prangkat empuk ing dhuwur, ana uga prangkat empuk pamrograman basis data aras asor (low level), ing antarané:

• Btrieve
• Tsunami Record Manager

Pirsanana uga

• Daftar lengkap program Database

• Daftar Database mawa basis SQL

• Daftar Basisdata paling gedhé ing Donya