Padma raseksa

Patma raseksa
Setatus konservasi
Status konservasi: Terancam
Klasifikasi ngèlmiah
Karajan:	Plantae
Dhivisi:	Magnoliophyta
Klas:	Magnoliopsida
Ordho:	Rafflesiales
Famili:	Rafflesiaceae
Génus:	Rafflesia
Spésies:	R. arnoldii
Jeneng binomial
Rafflesia arnoldii R.Br.

Patma raseksa (Rafflesia arnoldii) iku tetanduran parasit obligat sing misuwur amarga nduwèni kembang ukuran gedhé banget, malah dadi kembang paling gedhé ing donya. Tanduran iki tuwuh ing jaringan tetanduran mrambat (liana) Tetrastigma lan ora nduwèni godhong saéngga ora bisa ngayahi fotosintesis. Tetanduran iki endemik ing Pulo Sumatra, utamané bagéan kidul (Bengkulu, Jambi, lan Sumatra Kidul). Taman Nasional Kerinci Seblat minangka dhaérah konservasi utama spesies iki. Jinis iki, bebarengan karo anggota genus Rafflesia liyané, kaancam statusé akibat penggundulan alas. Ing Pulo Jawa tuwuh mung siji jinis patma parasit, Rafflesia patma.

Kembang minangka parasit ora duwé oyod, ora duwé godhong, lan ora ana gagangé. Diameter kembang nalika nuju mekar bisa nganti 1 meter lan aboté watara 11 kilogram. Kembang ngisep unsur anorganik lan organik saka tanduran inang Tetrastigma. Siji-sijiné bagéan sing bisa disebut minangka "tanduran" yaiku jaringan sing tuwuh ing tetanduran mrambat Tetrastigma. Kembang nduwèni lima godhong mahkota sing ngubengi bagéan sing katon kaya gentong. Ing dhasar kembang ana bagéan kaya piringan mawa eri, isi benang sari utawa putik gumantung marang jinis kelamin kembang, jantan utawa betina. Kéwan panyerbuk yakuwi laler sing kapilut déning gandan kembang. Kembang mung umur watara seminggu (5-7 dina) lan sawisé kuwi alum lan mati. Presentase pambuahan cilik banget, amarga kembang jantan lan kembang betina arang banget bisa mekar bebarengan jroning seminggu.

Galeri

• Kembang Rafflesia arnoldi utawa patma raksasa, kerep klèru karo kembang bangkai amarga padha ngetokaké ganda badheg
  Kembang Rafflesia arnoldi utawa patma raksasa, kerep klèru karo kembang bangkai amarga padha ngetokaké ganda badheg
• 
  Spesimen Rafflesia arnoldii ing Kyoto Botanical Garden
• 
  Kembang Rafflesia Arnoldii