Sèl Saraf: Béda antara owahan

Saka Wikipédia Jawa, bauwarna mardika basa Jawa
Konten dihapus Konten ditambahkan
Xqbot (parembugan | pasumbang)
c r2.7.3) (Bot: Nambahaké ta:நரம்பணு
TjBot (parembugan | pasumbang)
c r2.7.2) (Bot: Nambahaké vi:Nơron
Larik 100: Larik 100:
[[uk:Нейрон]]
[[uk:Нейрон]]
[[ur:عصبون]]
[[ur:عصبون]]
[[vi:Nơron]]
[[yi:ניוראן]]
[[yi:ניוראן]]
[[zh:神經元]]
[[zh:神經元]]

Révisi kala 5 Maret 2013 09.09

Sel Saraf

Sèl saraf utawa neuron yaiku bagéyan paling cilik kang nyusun sistem saraf manungsa kang ndarbèni sipat béda saka sèl-sèl awak liyané.[1] Kagunan saka sèl saraf yaiku ngirimaké pesen (impuls) kang arupa rangsang utawa tanggapan.[2]

Ciri-ciri

Jaringan saraf kawangun saka sèl-sèl saraf (neuron) kang ndarbèni ciri khusus, yaiku ndarbèni ploloran sitoplasma kang dawa.[1] Kajaba kasusun saka neuron, sèl saraf uga kasusun saka sèl neuroglia kang ana ing sistem saraf pusat.[1] Sèl saraf dumunung nyebar ing kabèh awak manungsa.[1] Ing jero siji sèl saraf, sitoplasmané ngandhut ribosom, badan golgi, retikulum endoplasma, lan mitokondria.[1] Neuron éntuk suplai panganan liwat sèl neuroglia kang ngubengi. Neuron kasusun saka badan sèl, dendrit, lan akson.[1] Neuron ndarbèni bentuk lan ukuran kang manéka werna. Miturut bentuké, neuron bisa dibédakaké dadi telu, yaiku neuron unipolar, bipolar, lan multipolar.[3] Ing invertebrata, badan sèl padatan ndarbèni ukuran cilik (diamèter < 0,1 mm) lan kandeléserabut saraf < 0,01 mm.[3]

Struktur

Saben neuron kawangun saka siji badan sèl kang ing jeroné ana sitoplasma lan inti sèl. Saka badan sèl metu rong jijis serabut saraf, yaiku dendrit lan akson (neurit).[2] Kagunan badan sél yaiku dadi papan kanggo sintesis neurotransmitter, yaiku senyawa kimia kang wigati kanggo mbiyantu penjalaran impuls kang ngliwati sinaps.[3] Saka badan sèl katon sawatara brenjolan sitoplasmik tumuju njaba lan mbentuk struktur kang diarani dendrit lan akson.[3] Dendrit yaiku brenjolan sitoplasmik kang methungul saka badan sèl saraf, ukurané cendhak udakara 1 mm.[3] Gunggungé dendrit akèh lan nyabang. Kagunan saka dendrit yaiku nampa rangsang lan nggawa rangsang kasebut tumuju badan sèl.[3] Déné akson yaiku brenjolan sitoplasmik kang methungul uga saka badan sèl kang ndarbèni kagunan nerusaké rangsang tumuju bongkot akson.[3] Ukuran akson paling dawa kanthi bongkot nyabang banget. Akson ana kang digubeti selubung meielin lan ana sing ora kagubet.[3]

Pérangan Sistem Kerja Sel Saraf

  1. Sèl Reseptor : saraf kang nampa rangsang, padatan arupa piranti indra.[1]
  2. Sèl Efektor : sèl saraf kang nanggapi rangsang arupa otot lan kelenjar.[1]
  3. Sèl Saraf Sensoris : serabut saraf kang nggawa rangsang tumuju utek.[1]
  4. Sèl Saraf Motorik : serabut saraf kang nggawa rangsang saka utek.[1]
  5. Sèl Saraf Konektor : sèl saraf motorik utawa sèl saraf siji karo sèl saraf liyané.[1]

Cara Kerja Sèl Saraf

Rangsang kang ditampa dèning sèl saraf reseptor banjur ditampa dèning sel saraf sensoris kanggo diterusaké tumuju utek.[1] Pawarta (informasi) kang wis tekan utek banjur diolah, diinterpretasi banjur mènèhi wangsulan marang pawarta kang ditampa mau.[1] Nalika mènèhi wangsulan kang wis ditampa, lakuné pawarta kasebut digawa saka utek tumuju sèl-sèl saraf motorik banjur kadadèn respon arupa obahé awak.[1] Ing obah refleks, impuls liwat dalan cendhak utawa dalan jujugan, Diwiwiti saka reseptor panampa rangsang, banjur diterusaké dèning saraf sensoris tumuju saraf pusat.[1] Rangsang kasebut ditampa dèning sèl saraf panghubung (konektor) tanpa diolah ing jero utek langsung dikirim tumuju saraf motorik kanggo dikirim menyang efektor, yaiku otot lan kelenjar.[1] Tuladahané obah refleks yaiku nalika mripat kedhèp.[1]

Cathetan Suku

  1. a b c d e f g h i j k l m n o p q (ing basa Indonésia)Sistem Kerja Sel Saraf(diundhuh 28 Desember 2012)
  2. a b (ing basa Indonésia)Sistem Saraf(diundhuh 30 Desember 2012)
  3. a b c d e f g h (ing basa Indonésia)Neuron(diundhuh 30 Desember 2012)