Lapangan Abrit

Sana Warisan Donya UNESCO

Kremlin lan Lapangan Abrit, Moskow
Janeng ing Pratélan Warisan Donya
Jinis	Budaya
Wewaton	i, ii, iv, vi
Rujukan	545
Tlatah UNESCO	Rusia
Sujarah prasasti
Prasasti	1990 (Sési 14)

Lapangan Abrit Moscow

St. Basils Cathedral

Lapangan Abrit ingkang nggadhahi asma Red Square inggih punika lapangan bata ingkang misuwur ing Moskow. Panggènan punika dumunung ing Kremlin, sapanjangipun tèmbok wétan. Sajarah Lapangan Abrit inggih menika sadèrèngipun sajarah Komunis Uni Sovyèt, lan Tsar Rusia. Ing abad 15, tiyang- tiyang dugi ing lapangan punika, ingkang kasebat Torg, utawi marketsquare, kagem tumbas dhaharan, sato iwèn, utawi sapanunggalipun. Ing abad 16, lapangan punika nggadhahi asma Trinity Square, ingkang dados lawang mlebet utami ing Kremlin.

Sajarah

Lapangan Abrit utawi Red Square dipunwiwiti saking papan ingkang kumuh sanget, inggih punika kutha kumuh gubuk kayu ing ngandhapipun tèmbok Kremlin ingkang wonten padagang, penjahat lan tukang mabuk. Ing pamaréntahan Ivan III, lapangan punika dipunresiki ngantos taun 1400.

Asma alun-laun punika mboten wonten gegayutanipun kaliyan komunisme utawi kathahipun warna ing wangunan punika. Saking tembung 'krasnyi', ingkang ateges 'ayu', lan ateges 'abrit' ing basa Rusia kontèmporer. Asma punika dipunresmèkaken ing tengah abad 17 lan asma sadèrèngipun inggih punika Trinity Square, amargi Katedral Trinitas, ingkang miwiti St Basil. Sanèsipun punika nggadhahi sebatan 'Geni Square', ingkang nglambangaken kutha Moskow ingkang naté kabesmèn.

Lapangan Abrit ing abad 20, misuwur dados papan parade militèr resmi ingkang nglambangaken angkatan bersenjata Sovyèt. Parade ingkang nomer setunggal ing tanggal 7 November 1941, lan ingkang kaping kalih ing tanggal 24 Juni 1945, nalika kalih atus standar Nazi dipunrusakaken déning komandhan Sovyèt. Ing taun 2000 wadyabala perang dugi malih ing Red Square, kaliyan parade ingkang nglambangaken pèngetan 50 taun pungkasanipun Perang Donya kaping kalih.

Sawekdal Perestroika, Lapangan Abrit dados papan kagem konsèr musik rock, pagelaran musik klasik ingkang ageng lan fashion show ing fèstival seni sirkus.