Louis-Jacques-Mandé Daguerre

Louis-Jacques-Mandé Daguerre
Louis-Jacques-Mandé Daguerre
Lair	Cithakan:18 Cormeilles-en-Parisis, Val-d'Oise, Prancis
Pati	Juli 10, 1851(1851-07-10) (umur 63) Bry-sur-Marne, Prancis
Kondhang ing	prosès pamanggihan daguerreotype
Tandha tangan

Louis-Jacques-Mandé Daguerre (1787 – 1851) inggih menika salah satunggalipun seniman lan kimiawan saking Prancis ingkang misuwur amargi karyanipun ingkang naminipun prosès fotografi Daguerreotype. Taun 1824, panjenenganipun ngawontenaken uji coba kanggé damel gambar, ngedalaken “pertunjukan diorama” kanthi kliling Prancis, Inggris, lan Skotlandia.

Nalika taksih enèmipun, Daguerre dados seniman. Wonten ing yuswa kinten-kinten 30 (tigang dasa) taun, panjenenganipun ngrancang “diorama”. Diorama inggih menika barisan lukisan pemandhangan ingkang saé sanget, dipunpamèraken kanthi èfèk sinar cahya. Panjenenganipun nggadhahi pamikiran kados pundi damel piranti ingkang saged nglukisaken pemandhangan nanging boten mawi kuas lan cèt. Èkspèrimèn ingkang sepisanan damel rancangan kaméra ingkang dèrèng saged kasil.

Ing taun 1827, panjenenganipun kepanggih kaliyan Joseph Nicephore Niepce ingkang ugi taksih nyobi damel kaméra. Kalih taun salajengipun, Daguerre lan Niepce sesarengan nyobi damel kaméra. Ananging ing taun 1833, Niepce tilar donya. Kapeksa Daguerre nglajengaken damel kaméra piyambak. Pungkasanipun Daguerre saged kasil ngembangaken setunggal sistem praktis fotografi ingkang naminipun “daguerreotype”.

Taun 1839 Daguerre maringi informasi dhumateng bebrayan umum (masarakat) perkawis kaméra menika, ananging dèrèng dipunpatènaken. Pamaréntah Prancis maringi kanugrahan dhumateng Daguerre arupi pènsiun salawasipun gesang. Amargi prastawa menika, Daguerre dados tiyang ingkang sanget dipunurmati déning masarakat lan dipunanggep kados déné pahlawan.

Daguerre tilar donya taun 1851 ing caket kitha Paris, Prancis.

Pranala njawi

• The Ruins of Holyrood Chapel dening Louis Daguerre.

{{subst:#if:|}} [[Kategori:{{subst:#switch:{{subst:uc:1787}}

|| UNKNOWN | MISSING = Taun lair ora ana {{subst:#switch:{{subst:uc:1851}}||LIVING=(wong urip)}}
| #default = Lair 1787

}}]] [[Kategori:{{subst:#switch:{{subst:uc:1851}}

|| LIVING  = Wong urip
| UNKNOWN | MISSING  = Taun pati ora ana
| #default = Pati 1851

}}]]