Alfabèt

Alfabèt iku tembung asal saka basa Yunani, saka rong aksara wiwitan jroning tulisan mau, yaiku aksara alfa lan beta. Makna tembung iki yaiuku sawijining sistem panulisan sing mawa dhasar fonem vokal lan konsonan. Alfabet béda karo abjad, sing biasané ora nduwèni lambang vokal, lan béda karo abugida lan aksara silabis, sing saben aksara (huruf) é nglambangaké fonèm nanging jroning wangun suku tembung.

Sawjining fonèm sing ora dikandhut jroning sawiji alfabet bisa ditulis nganggo dwihuruf utawa tandha diakritik (akut, aksèn, tilda, lsp), sing biasa ana ing alfabèt Latin. Contoné dwihuruf /ng/ tumrap fonèm [ŋ] (konsonan sengau langit-langit mburi) jroning basa Indonésia; huruf N kanthi tandha tilda (Ñ) tumrap fonèm [ɲ] (konsonan sengau langit-langit) jroning basa Spanyol.

Sistem panulisan sing ana yakuwi:

• abjad
• alfa-silabik
• silabik
• logogram

Deleng uga

• Aksara Latin
• Aksara Yunani
• Abjad Arab
• Aksara Jawa
• Aksara Jawi
• Aksara Ibrani
• Katakana lan Hiragana
• Dhaptar istilah linguistik