Tentara Nasional Indonesia: Béda antara owahan

Saka Wikipédia Jawa, bauwarna mardika basa Jawa
Konten dihapus Konten ditambahkan
MerlIwBot (parembugan | pasumbang)
c Bot: Nambahaké fi:Indonesian asevoimat
Synthebot (parembugan | pasumbang)
Larik 161: Larik 161:
[[Kategori:Militèr]]
[[Kategori:Militèr]]


[[bn:ইন্দোনেশিয়ার সামরিক বাহিনী]]
[[de:Streitkräfte Indonesiens]]
[[de:Streitkräfte Indonesiens]]
[[en:Indonesian National Armed Forces]]
[[en:Indonesian National Armed Forces]]

Révisi kala 24 Novèmber 2012 15.03

Logo tni.gif


Tentara Nasional Indonesia

Kakuwatan perorangan
Umur minimum kanggo mlebu militer 18 tahun
Pedunung kang nyukupi syarat umur militer pria umur 18-49: 60.543.028 (perkiraan taun 2005)
Pedunung kang nyukupi kabèh syarat mlebu militer pria umur 18-49: 48.687.234 (perkiraan taun 2005)
Pedunung kang nyukupi umur militer saben taun pria: 2.201.047 (perkiraan taun 2005)
Metode perekrutan sukarila
Blanja militer taunan
jroning dolar AS $1,3 milyar (2004)
Persentase saka PDB 3% (2004)
Tentara Nasional Indonesia

Kacabangan militer
Angkatan Darat TNI Angkatan Dharat
Angkatan Laut TNI Angkatan Laut
Angkatan Udara TNI Angkatan Udhara
Liyané
Sajarah TNI
Panglima TNI
Kapangkatan ing TNI
Angkatan Dharat Pangkat ing TNI-AD
Angkatan Laut Pangkat ing TNI-AL
Angkatan Udara Pangkat ing TNI-AU


Tentara Nasional Indonesia dumadi saka telu angkatan bersenjata, yaiku TNI Angkatan Dharat, TNI Angkatan Laut, lan TNI Angkatan Udhara. Saben Angkatan dipimpin déning Kepala Staf Angkatan.

Jroning sajarah, TNI naté digabungaké karo Kapulisèn. Gabungan iki disebut ABRI (Angkatan Bersenjata Republik Indonesia).

Miturut Katetepan MPR nomer VI/MPR/2000 bab pamisahan TNI lan POLRI sarta Katetepan MPR nomer VII/MPR/2000 bab Peran TNI lan peran POLRI, ing tanggal 30 September 2004 wis disahaké RUU TNI déning DPR RI kang sabanjuré ditapakasmani déning Presidhèn Megawati tanggal 19 Oktober 2004.

TNI dipimpin déning Panglima TNI. Jabatan Panglima TNI wektu iki diwengku déning Laksamana Agus Suhartono sing nggantèkaké Jendral TNI Djoko Santoso.

Sajarah TNI

Artikel utama: Sajarah TNI

Negara Indonesia nalika madeg wiwitané ora ndarbèni kesatuan tentara. Badan Keamanan Rakyat kang digawé liwat sidang PPKI tanggal 22 Agustus 1945 lan diumumaké déning Presidhèn tanggal 23 Agustus 1945 sakbeneré dudu tentara minangka sawijining organisasi kaprajuritan kang resmi.

BKR, ing tataran pusat utawa dhaérah, ana ing sangisoré wewenang KNIP lan KNI Dhaérah, lan ora ana ing ngisoré printah Presidhèn minangka Panglima paling dhuwur ing Angkatan Perang. BKR uga ora ana ing sangisoré koordinasi Mentri Pertahanan. BKR mung disiapaké kanggo ngreksa kaamanan lokal, supaya ora nuduhaké panganggep yèn Indonesia siap-siap miwiti paperangan ngadhepi Sekutu.

Pungkasané, liwat Dekrit Presidhèn tanggal 5 Oktober 1945 (nganti saiki dipèngeti minangka dina klairan TNI), BKR diowahi dadi Tentara Keamanan Rakyat (TKR). Tanggal 7 Januari 1946, Tentara Keamanan Rakyat ganti jeneng dadi Tentara Keselamatan Rakyat. Sabanjuré, tanggal 24 Januari 1946, diowahi manèh dadi Tentara Republik Indonesia.

Amarga wektu kuwi ing Indonesia saliyané Tentara Republik Indonesia ana barisan-barisan mawa sanjata liyané, mula sabanjuré ing tanggal 5 Mei 1947, Presidhèn Soekarno ngetokaké kaputusan kanggo nyawijèkaké Tentara Republik Indonesia lan barisan-barisan mawa sanjata kasebut dadi Tentara Nasional Indonesia (TNI). Penggabungan iki kadadéyan lan diresmèkaké ing tanggal 3 Juni 1947.

Jati dhiri TNI

Miturut UU TNI pasal 2, Jati dhiri Tentara Nasional Indonesia kuwi minangka:

  1. Tentara Rakyat, yaiku tentara kang anggotané asal saka warga negara Indonesia
  2. Tentara Pejuang, yaiku tentara kang berjuang njejegaké Negara Kesatuan Republik Indonesia lan ora kenal pasrah jroning ngayahi tugasé
  3. Tentara Nasional, yaiku tentara kabangsan Indonesia kang ngayahi tugas kanggo kapentingan negara ing sadhuwuré kapentingan dhaerah, suku, ras, lan golongan agama
  4. Tentara Profesional, yaiku tentara kang kalatih, kadidik, diperlengkapi sacara apik, ora mèlu pulitik praktis, ora nidakaké bisnis, lan dijamin kasejahteraané, sarta nuruti kawicaksanan pulitik negara kang nganut prinsip dhémokrasi, supremasi sipil, hak asasi manungsa, katentuan hukum nasional, lan hukum internasional kang wis di ratifikasi.

Tugas TNI

Tentara Nasional Indonesia

Sarujuk karo UU TNI Pasal 7 ayat (1), Tugas pokok TNI yakuwi njejegaké kadhaulatan negara, mempertahanaké kautuhan wilayah Negara Kesatuan Republik Indonesia kang adhedhasar Pancasila lan UUD 45, sarta nglindhungi kabèh bangsa lan tumpah darah Indonesia saka ancaman lan gangguan tumrap kautuhan bangsa lan negara. Tugas pokok mau dilaksanakaké kanthi:

  1. operasi militer perang
  2. operasi militer saliyané perang, yaiku antara liya kanggo:
    1. ngatasi gerakan separatis kang mawa sanjata
    2. ngatasi pamberontakan kang mawa sanjata
    3. ngatasi aksi terorisme
    4. ngamanaké wilayah tapel wates negara
    5. ngamanaké objek vital nasional kang sifaté strategis
    6. nglaksanakaké tugas perdamaian donya sarujuk karo kawicaksanan pulitik luar negeri
    7. ngamanaké Presidhèn lan Wakil Presidhèn sarta keluargané
    8. memberdayakaké wilayah pertahanan lan kakuatan pendukungé sacara dini miturut sistem pertahanan semesta
    9. mbantu tugas pamaréntahan ing dhaerah
    10. mbantu Kapulisèn Negara Republik Indonesia jroning tugas kaamanan lan katertiban masyarakat kang diatur déning undhang-undhang
    11. mbantu ngamanaké tamu negara tingkat kepala negara lan perwakilan pemerintah manca kang lagi ana ing Indonesia
    12. mbantu nanggulangi akibat bencana alam, pangungsèn, lan bantuan kamanungsan
    13. mbantu kagiatan pencarian lan pitulungan jroning kadadéyan kacilakan (search and rescue)
    14. mbantu pamaréntah jroning pangamanan pelayaran lan penerbangan saka pambajakan, parompakan, lan panyelundupan.

Kakuwatan Bersenjata Indonesia

Ing ngisor iki data bab kakuwatan angkatan bersenjata Indonesia:

Cacahing prajurit: 361.823
Angkatan Dharat Angkatan Laut Angkatan Udhara
Cacahing prajurit: 276.953 Cacahing prajurit: 57.197 Cacahing prajurit: 27.673
Kakuwatan Pusat



Kakuwatan Kawilayahan

  • Komando Daerah Militer: 11
  • Komando Resor Militer: 39
  • Komando Distrik Militer: 267
  • Batalion: 96



Kakuwatan Badan Pelaksana Pusat

  • Resimen Zeni Konstruksi: 1
  • Skadron Penerbang TNI AD: 2
  • Lima batalion liyané
Sistem Senjata Armada Terpadu



Kekuatan Kawilayahan

  • Armada Kulon
  • Armada Wétan
  • Pangkalan Utama Angkatan Laut:
    • Kelas A: 7
    • Kelas B: 24
    • Kelas C: 19
    • Kelas khusus: 3
Skuadron Udara
  • Skadron tempur: 7
  • Skadron angkut: 5
  • Skadron intai: 1
  • Skadron helikopter: 3
  • Skadron latih: 2



Pangkalan Udhara

  • Pangkalan udhara: 41
  • Detasemen: 8
  • Pos angkatan udhara: 80



Pasukan Khas

  • 3 wing



Satuan Radar

  • 17 satuan radar pertahanan udhara

(Sumber: Harian Koran Tempo tanggal 14 Februari 2006)

Delengen uga

Pranala njaba