Hachiko: A Dog's Story: Béda antara owahan
Tanpa ringkesan besutan |
|||
| Larik 16: | Larik 16: | ||
| country = [[Sinema Amerika Serikat|Amerika Serikat]] |
| country = [[Sinema Amerika Serikat|Amerika Serikat]] |
||
| language = [[bahasa Inggris|Inggris]] |
| language = [[bahasa Inggris|Inggris]] |
||
| budget = AS$16 juta<ref>{{cite web |title=Film folks eat well on state’s tab |url=http://www.projo.com/news/content/film_office_spending_04-20-08_H99M8R3_v142.3663a87.html |last=Gregg |first=Katherine |publisher=projo.com |accessdate= |
| budget = AS$16 juta<ref>{{cite web |title=Film folks eat well on state’s tab |url=http://www.projo.com/news/content/film_office_spending_04-20-08_H99M8R3_v142.3663a87.html |last=Gregg |first=Katherine |publisher=projo.com |accessdate=2012-11-19}}</ref> |
||
| preceded_by = |
| preceded_by = |
||
| followed_by = |
| followed_by = |
||
Révisi kala 19 Novèmber 2012 01.52
| Hachiko: A Dog's Story | |
|---|---|
 Poster bioskop di Jepang | |
| Disutradarani | Lasse Hallström |
| Diprodhuseri | Richard Gere Bill Johnson Vicki Shigekuni Wong |
| Ditulis déning | Stephen P. Lindsey |
| Dibintangi | Richard Gere Joan Allen Sarah Roemer Erick Avari and Jason Alexander |
| Dimusiki | Jan A. P. Kaczmarek |
| Dibesut déning | Kristina Boden |
Perusahaan prodhuksi | Hachiko,LLC Grand Army Entertainment,LLC Opperman Viner Chrystyn Entertainment Scion Films |
| Dibabar déning | Amerika Serikat: Stage 6 Films Jepang: Inferno Production |
Suwéné | 104 menit. |
| Nagara | Amerika Serikat |
| Basa | Inggris |
| Rantaman | AS$16 juta[1] |
Hachiko: A Dog's Story, yaiku film drama Amerika Serikat produksi taun 2009 sing critané dijupuk saka crita nyata asu jinis Akita Inu jenengé Hachikō. Film iki minangka gawéyan menèh saka film Jepang Hachikō Monogatari produksi taun 1987. Lasse Hallström minangka sutradara kanggo film sing dibintangi Richard Gere, Joan Allen, lan Sarah Roemer.
Ing Amerika Serikat, pemutaran perdana film iki dilakokaké ing Festival Film Internasional Seattle, 13 Juni 2009. Pemutaran perdana ing njaba Amerika Serikat dilakokaké ing Jepang tanggal 8 Agustus 2009. Peredaran ing bioskop-bioskop Amerika Serikat ora sida dilakokaké. Film iki langsung dirilis dadi DVD déning Sony Pictures Entertainment tanggal 9 Maret 2010.[2] Wiwit pertengahan 2009 nganti 2010, film iki dirilis ing luwih saka 20 negara lan teritori.[2] Pemutaran ing bioskop Britania Raya diwiwiti tanggal 12 Maret 2010.[3] Nganti April 2010, Box Office Mojo ngétung pendapatan kotor film iki wis ngancik luwih saka AS$41 juta.[4]
Dalan Crita
Film iki digawé saka crita nyata ing Jepang. Ing salah sawijiné kelas, ana bocah kang lagib prèsentasi ngèngingi pahlawané. Ronnie, nyeritakaké asu nduwéné simbahé. Ing salah sawijiné wengi, ing stasiun, Parker Wilson (Richard Gere) nemoaké anakan asu sing tiba saka kandhang gerbong barang saka Jepang tekan Amerika. Parker nggawa asu mau amarga mesaké. Parker lapor marang Carl supaya diumumaké sapa sing kelangan asu. Ing omah bojoné Parker, Cate (Joan Allen), ora seneng yèn Parker ngingu asu.
Ing stasiun, Parker takon marang Carl, jebul tetep ora ana sing arep jupuk asu mau menèh. Mula sacara meneng - meneng, Parker ngajak asu mau numpa kreta lunga ing papan panggonan kerjané. Ing kantor, Parker dikandhani kancané sing wong Jepang yaiku Ken. Yèn tandha kalung ing gulu asu mau macané Hachiko ing basa Jepang sing tegesé nasib apik. Mula Parker njenengaké asu mau kanthi jeneng 'Hachi'. Ken ngomong yèn ketemuné Parker lan asu mau kuwi wis takdir.
Ing telepon, ana wong kang pengèn ngepèk Hachi, ananging Cate menging, amarga delenng Parker saya cedhak karo Hachi. Hachi saya setya marang Parker. Ananging Parker gumun, amarga Hachi ora nduwé prilaku kaya adat asu biasané. Dhéwéké ora gelem yèn dijak dolanan bal. Ken ngandhani yèn asu jinis Akhita gelem dolanan bal yèn ana perkara sing istiméwa. Ing sawijiné esuk, dumadakan Hachi ngoyak Parker sing lagi lunga menyang kantor. Hachi ngetutaké Parker nganti tekan stasiun. Parker ngeteraké Hachi bali mulih menèh, ananging Hachi tetp wae melu lunga stasiun. Mula wiwit dina iki nganti sak terusé Hachi ngeter lan njemput Parker ing stasiun. Nanging ing salah sawijiné dina, Hachi wegah ngeteraké Parker nganti ditinggal Parker lunga menyang stasiun. Dumadakan Hachi teka kanthi nggawa bal, kuwi ora tau dilakokaké Hachi. Hachi njaluk dolanan bal. Nanging Parker tetep mangkat kerja kanggo ngajar. Nalika isih ngajar, Parker nggawa balé Hachi, lan tiba amarga serangan jantung lan mati.
Ing stasiun, Hachiko kanthi sabar ngentèni Parker. Amarga Hachi ora weruh yèn Parker wis mati. Dhéwéké ngentèni lan ngentèni nganti Michael (mantuné Parker) marani ing satsiun. Amarga ditinggal mati bojoné, Cate ngedol omahé lan nitipaké Hachi marang anaké yaiku Andy. Hachi digawa bali menyang omahé Andy lan Michael sing nembé nduwé bayi yaiku Ronnie. Ananging Hachi mlayu lunga menyang omahé Parker biyèn, amarga sing manggoni wis beda, mula Haci mlayu menyang stasiun menèh. Saben sore dhéwéké wis ngentèni Parker, duwé kekarepan yèn Parker isa bali lan metu saka stasiun. Wong dodol panganan ing stasiun langganané Parker biyèn makani Hachi nganggo daging hotdog. Andy methuk Hachi menèh, ananging Hachi diculaké menèh. Hachi turu ing gerbong kreta sing wis rusak, dhéwéké mangan saka wènèhan wong liya. Ing sawijiné dina, wartawan arep ngliput kabar ngéngingi Hachi. Mula sakwisé terbit majalah mau, akèh wong sing nyumbang kanggo uripé Hachi. Nganti Ken kancané Parker ngerti lan bakal mbiyayani mangané Hachi. Sinaosa wis setaun Parker mati, Hachi tetp kepengèn ketemu karo dhéwéké.
Nganti pirang - pirang taun, hachi tetep ngentèni Parker ing stasiun mau. Nganti Cate, nalika ziarah ing kuburané Parker ketemu karo Ken. Wis sepuluh taun iki Cate durung isa nglalékaké Parker. Cate lunga menyang stasiun lan kagèt nalika weruh yèn Hachi isih ngentèni ing kono. Hachi wis kanton, tuwa, rusuh, lan lemes tetep setya ngentèni Parker. Cate bali ing omahé Cate lan crita marang Ronnie sing umuré wis 10 taun. Ing wengi iku Hachi tetep ngentèni ing papan panggonan biasané, nggoné turu lan angler, mimpi yèn ketemu Parker menèh.
Asu Hachiko sing sakbeneré, lair ing Odate, Prefektur Akita, Jepang ing taun 1923. Sakwisé sing nduwé sing jenengé Dr. Eisaburo Ueno, salah sawijiné dosen ing Universitas Tokyo séda ing sasi Mei 1925, Sesoké Hachi mbalik ngentèni balike majikané ing Stasiun Shibuya. Dhéwéké terus ngentèni, lan ngentèni nganti 9 taun. Hachiko pungkasané mati ing sasi Maret 1935. Patung Hachiko saka perunggu, saiki isa ditemoni ing panggonané biasa ngentèni ing njaba Stasiun Shibuya, Tokyo.
Paraga
- Richard Gere minangka Profesor Parker Wilson[5]
- Joan Allen minangka Cate Wilson, bojoné profesor[5]
- Sarah Roemer minangka Andy Wilson, anak wadoné Parker
- Cary-Hiroyuki Tagawa minangka Ken Fujiyoshi
- Eric Avari minangka Jasjeet, pedagang India
- Jason Alexander minangka Carl
- Davenia McFadden minangka Mary Anne
- Kevin DeCoste minangka Ronnie
- Tora Hallstrom minangka Heather
- Robbie Sublett minangka Michael
- Hachiko diparagakaké déning 3 ekor asu Akita Inu jenengé Chico, Layla, lan Forrest. Kateluné maragakaké periode uripé Hachiko sing beda.
Produksi
Film iki dijupuk latar belakangé ing Amerika Serikat zaman modern, lan ora ing Jepang ing zaman Showa kaya crita asliné.
Njupué gambar rata-rata dilakokaké ing Bristol lan Woonsocket, Rhode Island. Lokasi liyané kalebu Universitas Rhode Island ing Kingston, Providence lan Worcester Railroad Mechanical, lan Columbus Theater ing Providence, Rhode Island.[6]
Cathetan Sikil
- ↑ Gregg, Katherine. "Film folks eat well on state's tab". projo.com. Dibukak ing 2012-11-19.
- ↑ a b "Release dates for Hachiko: A Dog's Story". IMDb. Dibukak ing 2012-11-19.
- ↑ "Hachi: A Dog's Tale". Odeon. Dibukak ing 2012-11-19.
- ↑ "Hachiko: A Dog's Story". Dibukak ing 2012-11-19.
{{cite web}}: line feed character in|title=at position 9 (pitulung) - ↑ a b Michael Fleming (2007-12-10). "Joan Allen fetches a 'Dog's' tale". Variety. Dibukak ing 2012-11-19.
- ↑ "Filming locations for Hachiko: A Dog's Story". IMDb. Dibukak ing 2012-11-19.
{{cite web}}: line feed character in|title=at position 22 (pitulung)